امريكا تعلن الحرب على إيران مشروع الحريه
????????????يبدو ان الحرب بترجع للأسف... الإمارات بتتضرب بالصواريخ الإيرانية دلوقتي حالًا!
????وده بعد ساعات فقط من قصف ناقلة نفط إماراتية بالمسيرات، وقصف فرقاطة أمريكية بصواريخ كروز إيرانية بعد ما حاولت تعدي مضيق هرمز...
????وحاليًا الناس في الإمارات بدأوا يستقبلوا رسائل من الحكومة على تليفوناتهم، بتحذر من القصف الصاروخي اللي بدأ بالفعل بعدها بدقائق!
????️ خلينا ناخدها واحدة واحدة... ونبدأ من اللي حصل في مضيق هرمز عشان تفهم القصة ورا اللي بيحصل دلوقتي
???? ترامب امبارح أعلن عن عملية جديدة اسمها Project Freedom، أو “مشروع الحرية”، وقال إن هدفها إنقاذ السفن العالقة في مضيق هرمز، وإن دول محايدة طلبت من أمريكا تساعدها تخرج سفنها بأمان... وطبعًا الكلام في ظاهره إنساني، بس المشكلة إنه مجرد تضليل...
????????ليه؟
????عشان تفهم، بص على حجم الحشد العسكري الأمريكي....
????أمريكا حشدت عدد مرعب من القوات في المنطقة خلال الكام يوم اللي فاتوا، من ضمنهم 15 ألف جندي وأكتر من 100 طيارة مقاتلة، ومعاهم مدمرات صواريخ موجهة، ومنصات مسيرة وصواريخ كروز... وكل ده بيقول المحللين العسكريين في كل الصحف ووسائل الإعلام إنه مش حشد طبيعي ولا عادي، ومستحيل القوات دي تكون جاية تتفرج وتمشي...
????وده كله بيحصل بالتزامن مع صفقات سلاح ضخمة جدًا في المنطقة، من ضمنها صفقة أنظمة دفاع جوي وصاروخي لقطر، وصفقة أنظمة قيادة ودفاع للكويت، ومنظومات APKWS لإسرائيل والإمارات.
????وإسرائيل تحديدًا خدت صفقة صواريخ موجهة قيمتها تقارب مليار دولار، وبتتحرك حاليًا لتوسيع سلاحها الجوي بصفقات ضخمة تشمل طائرات F-35 وF-15، هتضاعف تقريبًا حجم أسطولها الجوي، في تهديد مباشر لدول الجوار زي مصر وتركيا...
????لما الحرب تنتهي رسميًا، المفروض تشوف مفاوضات وتهدئة وسحب قوات... لكن اللي بيحصل دلوقتي هو العكس تمامًا: تسليح، حشد، نقل قوات، وتوسيع بنك أهداف...
????كل الحكاية بس إن ترامب عشان المشاكل الدستورية، مش عايز الحرب ترجع تاني بالإسم القديم (الغضب الملحمي)... عشان خلاص هو خلص الـ 60 يوم بتوعه ومش هينفع يرجع العملية دي تاني إلا بعد موافقة من الكونجرس... فاللي عمله هو إنه غير العملية خالص، وبدل ما تبقى حرب ضد إيران، خلاها مجرد عملية إنسانية لـ "تحرير السفن"، وسماها إسم جديد خالص... (مشروع الحرية)...
???? بس الإيرانيين مش عُبط... وبعد إعلان ترامب مباشرة، مضيق هرمز ولع...
????إيران قالت إن فرقاطة أمريكية حاولت تعبر قرب جاسك، وتجاهلت التحذيرات، فاتضربت بصاروخين كروز بحريين ورجعت غصب عنها... وبرغم إن أمريكا نفت وقالت إن مفيش سفن اتصابت، إلا إن الإيرانيين نشروا فيديو للضربة دي من شوية في وسائل الإعلام الإيرانية زي وكالة فارس وتسنيم...
????وفي نفس الوقت، الإمارات أعلنت إن ناقلة وطنية تابعة لأدنوك اتعرضت لهجوم بطائرتين مسيرتين في قلب مضيق هرمز من شوية... وفي تقارير قبلها بكام ساعة قالت إن مسؤولين إيرانيين بعثوا رسائل شديدة اللهجة عبر السعودية وعُمان، بتهدد الإمارات (بسحقها) وتدميرها بالكامل
????????️ طيب ليه الإمارات تحديدًآ
????لأن إيران شايفة إن الإمارات ما بقتش مجرد حليف سياسي لأمريكا وإسرائيل
بل أصبحت جزء من البنية العسكرية واللوجستية اللي تم استعمالها ضدها في الحرب
وإنها ما زالت جزء منها حتى الآن
????والأخطر كمان إن التلفزيون الإيراني ووسائل إعلام إيرانية قالوا من يومين بشكل واضح إن عندهم حاليًا أدلة حقيقية على إن الطائرات الحربية الإماراتية شاركت بشكل مباشر في قصف الأراضي الإيرانية خلال الحرب
????ودي مش تهمة صغيرة... دي تهمة (لو صحت فعلًا) معناها إن الإمارات - من وجهة نظر إيران - بقت طرف مباشر في الحرب...
????️ وده تقريبًا هو الأساس والسبب في اللي بدأ يحصل دلوقتي
???? حاليًا التقارير الإخبارية من مواقع زي رويترز وCNN وكل وسائل الإعلام العالمية بتقول إن إيران بدأت بالفعل تصعيدها ضد الإمارات، وأرسلت عدد من المسيرات فجرت بيها مواقع في منطقة الفجيرة للصناعات البترولية! الصور تحت مع البوست
????ومش بس كده، في صواريخ باليستية كمان اتضربت من بوشهر من شوية، وده أدى لتعطل حركة الطيران بشكل كامل في الشارقة ودبي، ولسه باقي الإمارات أكيد هتعلن نفس الكلام في الساعات المُقبلة...
????بالإضافة لده، عايز أقولك إنه من كام ساعة في سفن تجارية تلقت أوامر عبر الراديو البحري بمغادرة مراسيها في منطقة راس الخيمة... وبعدين دلوقتي خبر تاني لسه من دقائق عن سماع انفجارات في محيط ميناء جبل علي في دبي...
???? يعني واضح كده إن التصعيد مش عادي، بل هو يرتقي لدرجة حرب مصغرة بين إيران والإمارات، والاحتمال الأكبر هو انها تكبر وأمريكا واسرائيل يتدخلوا وتتحول لحرب كبرى جديدة... واللي بيدعم ده هو إن في مصادر استخباراتية مفتوحة المصدر OSINT أفادت من شوية بإن إيران أبلغت مصافي النفط بتاعتها اللي في الجنوب بأوامر إخلاء كاملة... بمعنى انهم متوقعين إن المصافي دي هتتضرب...
????الموقف حاليًا أصبح على حافة الاشتعال، وربنا يسترها في الساعات اللي جاية لإن لو التصعيد ده استمر، فـ احنا غالبًا هنشهد عودة الحرب بشكل جديد...
????هتابع معكم التفاصيل، والمصادر سايبها في التعليقات كالعادة ولو البوست وصلك متنساش الشير، وخليك متابع تحت لإن الموقف هيتطلب تحديثات لحظية...
