غلق مضيق هرمز ونقض الهدنه
????⛔الهدنة ماتت قبل ما تتولد.. وترامب تايه بعد ما إسرائيل ولّعت المنطقة، وإيران قفلت مضيق هرمز تاني بعد قصف لبنان
وهتكمل الحرب .
الحقيقة إن اللي بنشوفة من أمبارح عبارة عن عبث مكتمل الأركان .. الهدنة اللي أمريكا أعلنت عنها واضح انها كانت مجرد حبر على ورق، أو يمكن دخان عشان يغطوا على اللي بيحصل بجد. وفي أقل من يوم كل حاجة انهارت، والمنطقة دخلت في مرحلة جديدة من الفوضى أخطر بكتير من اللي قبلها.????
????امبارح و بعد ما أمريكا أعلنت عن هدنة.. تابعت الأعلام العبري والحقيقة أن كله كان بيتكلم ان القيادة والشعب اتفاجئوا زيهم زينا.. وفي نفس اللحظةت كان في أطلاق من الجانبين شغال حتي بعد اعلان ترامب ...لكن البنتاجون قال ان لسه الاوامر موصلتش للمشغلين اللي بيعملوا علي الأطلاق في إيران .. وموقف تل أبيب من الاتفاق لحد الصبح كان غير معروف رسمياً ...بس كام صحيفة عبرية أكدت أن الاتفاق يشمل لبنان ...لكن الواضح إن نتنياهو كان ليه رأي تاني خالص...
‼️ازاي بقي انهارت الهدنة في ساعات؟
????بدل ما يلتزم النتن بالهدوء اللي هيخلي العالم يشم نفسه بفتح مضيق هرمز قرر شن غارات وحشية على مدن و مناطق واسعة في لبنان، والنتيجة مئات الضحايا والجرحي. وصرحوا انها اكبر عملية عملوها في تاريخ الحرب وفي نفس الوقت تقريباً ، تم استهداف مصفاة نفط "لوان" الإيرانية.. أفتكر الهجمة دي لان في مفاجأة بخصوصها هقولك عليها .
????المهم إن قبل ساعات بس ترامب فاجئنا انه غسل أيده حرفياً وبيرجع في كلامة قبل الأكل وبعده .. وعلق علي قصف لبنان، بتصريح كارثي قال فيه إن "لبنان مكنتش طرف في وقف إطلاق النار... وبكده هو عمليًا ادى لإسرائيل الضوء الأخضر عشان تكمل عدوانها عليها ونسف أي فرصة للسلام...و البنتاغون كمل المسرحية وأعلن إن أمريكا "حققت أهدافها" والعملية العسكرية الخاصة بينا خلصت وخلاص من دلوقت مسؤولية الملاحة في هرمز على المجتمع الدولي... ( أهدافها اللي هي إيه معلش ) حد فاكر الأهداف .
????رد الفعل الإيراني (لا لعب بعد اليوم) إيران فهمت الرسالة فورًا...والقيادة الإيرانية، على لسان محسن رضائي، حطت معادلة الجديدة "يا إما وقف إطلاق نار في كل الجبهات، يا إما مفيش وقف إطلاق نار خالص". وبناءً عليه
إيران أعلنت رسمياً إغلاق هرمز (تاني) بالكامل... ومفيش سفينة هتعدي قبل ما إسرائيل توقف عدوانها على لبنان...و إنها بتجهز لرد عسكري على إسرائيل بسبب اللي عملته في لبنان.
وهتبدأ بهجمات على للدول الحليفة ( الخليج ) كرسالة تحذيرية عشان الكل يضغط على إسرائيل.
⚫وفي قلب كل الفوضى دي أحب اقولك إن إسرائيل بتعيش حالة انهيار سياسي واستراتيجي غير مسبوقة.
زعماء المعرضة ..لابيد وليبرمان مخلوش لنتنياهو من أمبارح ووصفوا اللي حصل بأنه كارثة سياسية في تاريخ إسرائيل لابيد قال كلام خطير جداً وهو إن إسرائيل مكنتش أصلاً على طاولة المفاوضات... وإن نتنياهو خدع المواطنين وحولنا لدولة وصاية بتتلقى التعليمات بالتليفون... وموقع "كود كود" العبري لخص المشهد بسخرية "في أمريكا أعلنوا وقف إطلاق نار، وعندنا الساعة 3 الفجر الإسرائيليين دخلوا الملاجئ. هل ده انتصار؟????
▪️نتنياهو لا يزال ماضي في اهدافة واللي بتضمن كمان مصلحته الشخصية ومعندوش مشكله يورط إسرائيل في مواجهة كانت فاكرة إن أمريكا هتخوضها معاها، لكن في الآخر لقت نفسها لوحدها في وش المدفع.
ومع انهيار الهدنة دلوقت نبقي دخلنا في مرحلة جديدة والواضح إن أمريكا بتحاول تخرج من الصورة لكن والله وخليكم فاكرين الصهووو هيعملوا حاجة يجروها لكن الموقف الإيراني واضح وإيران قررت إن الرد لازم يكون بحجم الخيانة.
طهران بتقول أنها هترد على الغارات الإسرائيلية المستمرة على لبنان، بهجوم ثلاثي منسق (إيراني - يمني - لبناني) على تل أبيب ومدن تانية، ومن المتوقع إنه يستمر لساعات... فوزير الحرب الأمريكي رجع للغة التهديد تاني وقال لو إيران مسلمتش اليورانيوم بتاعها، أمريكا "هتاخده بالقوة"، في إشارة لعملية عسكرية مستقبلية.... ????
▪️وشوف اللقطة العالمية دي الخليج دخل على الخط ..و قطر طالبت إيران بتعويضات عن الأضرار، وإيران اتهمت الإمارات بالمشاركة في الهجوم على مصفاة لوان اللي كلمتك عنها فوق .. المفاجأة بقي إن مريكا وإسرائيل أتبروا من ضربه لوان أصلاً وده معناه إن اللي لحمهم مر قامو بيها لوحدهم وربنا يديهم علي قد نيتهم اللي كلنا عارفينها ...وبكده الصراع بيتوسع أفقياً وبقى بيشمل أطراف جديدة بشكل مباشر . ????
????الخلاصة.. إن الهدنة كانت مجرد فخ أو وهم. ترامب استخدمها عشان يخرج من المواجهة المباشرة ويحفظ ماء وجهه ويلتفت للداخل .. بعد ما فتح أبواب جهنم ...و نتنياهو كان عامل حسابه وإيران دلوقتي بتنفذ تهديدها بإن الحرب هتكون شاملة لو مجرياتها مش على مزاجها.. بالشكل ده إحنا مش بنشهد على نهاية حرب، إحنا بنشوف بداية مرحلة جديدة، بغموض اكبر حرب قواعدها بتتكتب بالنار في سماء الشرق الأوسط... ربنا يحفظ الجميع .
شكراً ????
⇧
