إيران ترفض التفاوض وبتعمل حفله على ترامب
???? الإيرانيين رافضين التفاوض وعاملين حفلة على ترامب وبيسفوا عليه قدام العالم كله، لدرجة إن حس الدعابة الإيراني بقى تأثيره الإعلامي أقوى من الصواريخ اللي بتدك اسرائيل وأمريكا كل يوم...
امبارح كنت حكيتلك على خطاب ترامب اللي كان بيهدد فيه إيران بإنه هيدمرهم لو مفتحوش مضيق هرمز، ولما فقد السيطرة على أعصابه وقعد يشتمهم بألفاظ بذيئة في تويتة على السوشيال ميديا... بس المفاجأة المضحكة بقى إن السفارة الإيرانية في زيمبابوي ردوا عليه رد مستفز فشخ، وقالوله: "معلش والله أصلنا ضيعنا المفاتيح!" ????
ده ردهم بجد على فكرة، والاستفزاز زاد أكتر لما بعدها بـ 3 ساعات، السفارة الإيرانية في جنوب أفريقيا كتبوا تويتة تانية مستفزة أكتر، بيقولوله: "ششش... استنى... المفتاح تحت المزهرية، والباب مفتوح للحبايب بس!"
???? وبعدين لما ترامب حب يعمل شبح، وكتب تويتة تانية على تروث سوشيال بيمد فيها المهلة المحددة (قبل ما يبدأ يرتكب جرائم حرب ويقصف منشآت الطاقة والجسور الإيرانية)، وحدد إن المعاد دلوقتي أصبح "يوم الثلاثاء الساعة 8 مساءً"؛ نفس السفارة الإيرانية في زيمبابوي استفزته تاني، وردوا عليه رد يجيب الفالج من الغيظ!
قالوله "والله الميعاد ده مش مناسب أوي، ما تخليها 1 أو 2 الصبح أو حتى بالليل أحسن، وميرسي جداً على اهتمامك.."
????️ ولسه في سف اكتر استنى...
قبلها لما كان ترامب داخل في حالة صمت استمرت لأكتر من 24 ساعة بعد فضيحة إسقاط الطيارات الأمريكية اللي حصلت من كام يوم، السفارة الإيرانية في زيمبابوي كتبوا تويتة موتتني من الضحك...
بيقولوله: "ترامب... اتكلم والنبي، احنا زهقانين.." ????
أقسم بالله عمري ما شفت أمريكا بتتهان وبيتسف عليها كده في حياتي... أمريكا اللي بتمتلك أقوى وأكبر قوة ناعمة في العالم، بمئات المليارات من الدولارات بتتصرف على الدعاية والصحافة والإعلام والقنوات، ييجي الإيرانيين بشوية تويتات من سفاراتهم يقلبوها أضحوكة، ويخلوا رئيسها مادة خام للسف من العالم كله... ودي مش مبالغة، خش انت بنفسك شوف حجم السف على البوستات دي دلوقتي على X...
???? ودلوقتي ترامب بعد ما كان فاكر إنهم هيجيبوا ورا، الإيرانيين (بحسب وكالة إرنا للأنباء والشرق بلومبرج) رفضوا المقترح الأميركي لوقف إطلاق النار وهدنة مؤقتة لمدة 48 ساعة... وقدموا للوسطاء في باكستان رد يجيبلك صداع من العظمة..
????️ قالولهم بص يا باشا، قولوا لترامب بتاع العيال... هه.. اننا مبنتفاوضش ومبنثقش في أمريكا، وإن مفيش حاجة اسمها هدنة مؤقتة... لو عايز يوقف الحرب يوقفها بشكل دائم مع ضمانات دولية تضمن عدم العودة لاستهداف إيران أبدًا... ومش بس كده... لا يا حبيبي، دخول الحمام مش زي خروجه...
إحنا عايزين كمان رفع شامل للعقوبات وتعويضات عشان يتم إعادة إعمار الدمار اللي حصل في البلد، وكمان الوضع الدولي لمضيق هرمز يتغير رسميًا، ويبقى ممر إيراني لينا الحق إننا نحصل فيه رسوم عبور من كل سفينة معدية! ????
???? يعني كده اللي حصل هو إن ترامب دخل الحرب عشان يسيطر على إيران، قام خسر مضيق هرمز وإيران هي اللي سيطرت عليه... كان عايز يسقط النظام الإيراني ويغير قياداته، قام خسر قادة جيشه واضطر يغير 8 منهم... حتى نظام "البترو دولار" اللي هو أساس قوة أمريكا، اتهز وبقى النفط دلوقتي يتسعّر باليوان الصيني، وإيران بتاخد رسوم من السفن بالعملة الصينية!
الموضوع والله أصبح أشبه بـ ميم فكاهي، ومادة خام للكوميكس، ومش ناقصه غير إنه يتحط في آخره كلمة Directed by Robert b Weide.. ????
وربنا يستر بقى عشان العجل البرتقالي المهبوش ممكن يتعصب ويجيب عاليها واطيها، عشان ده عيل صغير ومعاة شهادة معاملة أطفال، وممكن لو معجبوش اللعب يكسر الألعاب كلها وياخد الكورة ويمشي...
⇧
