محمد بن زايد يستقبل ابى احمد الاثيوبي في الامارات

????​اللعب مع "الكبار".. هل تحاول الإمارات "ليّ ذراع" مصر بالوكيل الإثيوبي؟ ????​المشهد في أبو ظبي مكنش مجرد استقبال رسمي، ده كان "استعراض قوة" ورسائل مسمومة في بريد القاهرة. لما الشيخ محمد بن زايد يسوق بآبي أحمد العربية بنفسه، هو هنا مش بيوصل "ضيف"، هو بيقول للعالم: "ده حليفي اللي هضغط بيه في كل الملفات". ​ ????​المقايضة المكشوفة واضحة ومبقتش محتاجة ذكاء؛ فيه محاولة لابتزاز مصر. الرسالة بتقول: "يا تدخلوا معانا الحرب ضد إيران وتحمونا، يا إما هنسيب العميل الإثيوبي يلعب في السودان والبحر الأحمر وملف النيل". ????​مصر مش "تابعة": اللي بيخطط للمشهد ده نسي إن مصر مش دولة بتتحرك بـ "الريموت". القاهرة رفضت تنجر لحرب إقليمية لصالح حد، وأكدت إن جيشها بيحمي أمنها القومي مش "أجندات خارجية" أو مصالح صهيونية عايزة تحرق المنطقة. ????​اللعب في المناطق الخطرة: لما تدعم "عدو مصر الأول" وتنسق معاه في ملفات بتمس "حياة المصريين" زي سد النهضة، أنت كده مش بتعمل سياسة، أنت كده بتهدم اللي فاضل من "الوحدة العربية" وبتمارس مراهقة سياسية عواقبها هتكون وخيمة. ????​ورقة التوت سقطت: مصر هي رئة الخليج الاقتصادية؛ 10 مليون برميل بترول بيمروا من عندنا يومياً. يعني أي محاولة لزعزعة استقرار مصر هي "انتحار" للخليج قبل ما تكون ضرر لينا. ​كلمة أخيرة: ????مصر دولة بحجم قارة، صبرها مش ضعف، وهدوئها مش قلة حيلة. جيش مصر قادر يغير موازين المنطقة في ساعات لو اتفرض عليه "الجد". اللي بيلعب بملف النيل والسودان بيحرق أصابعه، والتاريخ مبيجاملش حد. ​يا ترى مين اللي هيشيل الفاتورة في الآخر؟ ​#مصر_خط_أحمر #الأمن_القومي #سد_النهضة ما وراء الأحداث