رساله حاده من مصر و تركيا لإسرائيل

????????????السيسي وأردوغان يوجهان رسائل حادة لإسرائيل من قلب القاهرة..وقف النار في غزة لازم يكمل وحقوق الفلسطينين مش منحة ????من قلب القاهرة، وبصوت واحد له نبرة تقيلة،الرئيسان السيسي وأردوغان ظهروا بوشّين مختلفين في الشكل لكن متفقين في الرسالة، رسالة واضحة وحادة: كفاية عبث، وحقوق الفلسطينيين خط أحمر، ووقف النار في غزة لازم يكمّل للآخر من غير لف ولا دوران ولا محاولات التفاف، لأن أي خرق مش بس بيهدد التهدئة، ده بيحرق المنطقة كلها ????السيسي كان حاسم وهو بيتكلم عن غزة، قالها صريحة إن حقوق الشعب الفلسطيني مش منحة من حد، دي حقوق غير قابلة للتصرف، ومصر بترفض أي تصرفات أحادية في الأراضي المحتلة، والاتفاق على وقف إطلاق النار لازم يتنفذ بكل مراحله وبكل بنوده، عشان نحمي المدنيين ونوقف النزيف الإنساني اللي العالم كله شايفه وساكت ????وأردوغان من ناحيته شدد إن المأساة في غزة لسه مستمرة رغم وقف النار، وإن أي انتهاك أو محاولة تخريب للاتفاق مرفوضة تمامًا، وتركيا شغالة مع شركائها على مبادرات حقيقية للسلام وتخفيف معاناة أهل غزة، مش بيانات وخلاص ????الرسالة ما كانتش لفلسطين بس، دي كانت حزمة مواقف تقيلة، من السودان لليبيا لسوريا، السيسي أكد إن السودان محتاج هدنة حقيقية تفتح باب سلام شامل يحافظ على وحدة البلد وينهي معاناة شعبه، وفي ليبيا شدد إن مفيش استقرار من غير انتخابات، وإن الحل الوحيد إن الليبيين يختاروا قيادتهم بإيدهم وينهوا الانقسام ????وفي سوريا، مصر رحبت بأي اتفاق يحافظ على وحدة الدولة وسيادتها، واعتبرت إن أي خطوة تمنع التصعيد وتقرّب من حل سياسي شامل هي خطوة في الاتجاه الصح، لأن الشعوب دي تعبت من الحروب والدم ????أما أردوغان فكان واضح إن التنسيق مع مصر بقى ضرورة مش رفاهية، وإن وحدة ليبيا وسلامة أراضيها هدف مشترك، وإن المرحلة اللي جاية محتاجة مواقف موحدة قدام الفوضى اللي بتحاصر المنطقة اللقاء ده مش مجرد مؤتمر صحفي، ده إعلان عودة ثِقل، ورسالة سياسية بصوت عالي: المنطقة مش ساحة مفتوحة، وغزة مش لوحدها، واللي فاكر إن النار هتفضل بعيدة عنه يبقى واهم… ????إنت شايف الرسالة دي هتوصل؟ ولا العالم لسه محتاج صدمة أكبر؟