لماذا تعرض امريكا وساطه حل سد النهضة
????لــيــه تــرامــب بــيــعــرض عــلــى الــســيــســي وســاطــة مــع إثــيــوبــيــا؟
لو متعرفش، ترامب امبارح بعت رسالة للرئيس السيسي، بيقول فيها إن أمريكا جاهزة تدخل وسيط بين مصر وإثيوبيا عشان نحل أزمة سدّ النهضة ونقسم مياه النيل.
طيب.. ليه دلوقتي؟ وهل دي فعلًا رسالة ودّ؟ ????
شوف يا سيدي، الإجابة المختصرة: لأ، لإن معروف إن أمريكا مبتدخلش وسيط إلا إذا كانت مستفيدة، واللي جاي أخطر بكتير.
الرسالة اللي بعتها ترامب مكنش فيها أي وعود ولا ضمانات، ولا حتى ضغط على إثيوبيا عشان تحل الأزمة، هو ببساطة حسب كلام المحللين بيعيد تعريف اللعبة كلها.
لغة ترامب كانت هادية، مكنش فيها أي إشارة عن الضرر الجسيم اللي مصر بتتعرضله من وقت بناء السد، ولا بيقول للسيسي إحنا معاك، بالعكس ده سمّى الأزمة بـ "نزاع مفهوم".
???? وهنا الخدعة.. لما قضية وجود زي قضية نهر النيل تتحوّل لـ “نزاع”، يبقى لا فيه حــ.ـرب ولا حسم، هو مجرد خلاف وهنحله.
وفي سطر كده في رسالة ترامب يبان إنه نصيحة، بس هو في الحقيقة خط أحمر بيقول: إوعوا تفكروا في تصعيد.
وأي تحرك مصـري قوي هيتفهم إنه خروج عن القانون الدولي، مش دفاع عن حق.
???? طـيـب لــيــه تـرامـب بـيـدّخـل دلـوقـتـي؟
الحقيقة سد النهضة نفسه متغيّرش، لا واقعًا ولا مضمونًا، مشروع مليان أزمات من أول يوم، عيوبه معروفة، ومسار تمويله الأمريكي مش سر دا باعتراف ترامب نفسه.
اللي اتغيّر مش السد.. اللي اتغيّر هو حركة مصر الإقليمية.
التحرك المصري الأخير في الصومال رغم إنه كان هادي ومحسوب، ومن غير ولا رصاصة، لكن تأثيره كان واضح ومباشر وعمل تغيير موازين في المنطقة.
وده النوع من الحضور اللي واشنطن مبتحبش تشوفه يتمدّد، فـحـبت تحتوي الموضوع قبل ما يوسع.
???? عشان كده فتح ملف سد النهضة في التوقيت ده مجاش صدفة، ولكنه محاولة فرملة قبل ما مساحة المبادرة المصرية تكبر أكتر في منطقة القرن الإفريقي.
وعشان تكون الصورة واضحة قدامك أكتر، سد النهضة مش مجرد ملف مياه بالنسبة لأمريكا، وإنما هو جزء من ملف واسع زي منطقة القرن الإفريقي وأمن البحر الأحمر وملفات الطاقة وصراعات تانية.
يعني من الآخر أي تحرك مصري في الصومال، بينعكس فورًا على إثيوبيا، وبيأثر على معادلات البحر الأحمر، وبيهدد موازين القوى في المنطقة.
???? طيب إيه كان رد السيسي؟
الحقيقة رد السيسي كان دبلوماسي جداً وهادي من غير تنازل، ومن غير اندفاع، وعلّق على الرسالة من شوية وشكر جهود ترامب في دعم السلام والاستقرار، وأكد على دور مصر المحوري، من غير ما يفتح باب لأي التزام زائد.
وفي نفس الوقت السيسي ركّز إن نهر النيل مش ملف عادي، ده شريان حياة للشعب المصري، وقال إن مصر معندهاش مشاكل في التعاون الجاد والبنّاء مع دول حوض النيل.
⚫ طـيـب أمـريـكـا عـايـزة إيـــه؟
من الآخر أمريكا مش عايزة تعمل اتفاق على قد ما بتحاول تثبت الوضع كما هو عليه..
يعني السد يفضل زي ما هو بعيد علة أي تهديد حقيقي من مصر، وامريكا تبقى هي المتحكمة إدارة الأزمة ومسيطرة عليها!
والسؤال هنا مش أمريكا عايزة إيه؟
السؤال: مصر هتقبل ولا لأ؟
شاركنا رأيك ????
⇧
