صفقة الغاز الإسرائيلي مع مصر على كف عفريت
????????????تخيل إنك بتمضي عقد "شراكة العمر" بـ 35 مليار دولار،
????والمفروض إن العقد ده مكمل معاك لحد سنة 2040، وفجأة تلاقي شريكك بيقولك: "بقولك إيه.. لو احتجت بضاعة لبيتي، هقطع عنك 60% من الكمية اللي اتفقنا عليها وفي أي وقت!".
طبعاً أول كلمة هتقولها: "ده مش لعب عيال.. ده استهبال!".
ده بالظبط اللي حصل في "خناقة الغاز" اللي دايرة دلوقتي بين القاهرة وتل أبيب، والقصة كلها متلخصة في "بند الـ 60%" المثير للجدل.
????إسرائيل فكرت بذكاء أو ده اللي كانت فاكراه، وحبت تحط شرط يضمن لها إن لو استهلاكها الداخلي زاد، تقص من نصيب مصر أكتر من نص المحصول
القاهرة أول ما شافت البند ده، الرد كان قاطع وحاسم: "إحنا شركاء استراتيجيين ومركز إقليمي للطاقة، مش زبون درجة تانية بياخد الفضلة بتاعكم".
???? مصر شايفة إن "أمان الطاقة" بتاعها خط أحمر، ومينفعش تشغل محطات الكهرباء والمصانع على كف عفريت أو تحت رحمة "مزاج" الشريك.
????الجانب الإسرائيلي كان فاكر إن مصر مضطرة، بس الحقيقة إن موازين القوى في يناير 2026 اتغيرت تماماً.
????مصر داخلة المفاوضات وهي "ساندة ضهرها" بأوراق ضغط قوية جداً، زي الغاز القطري والتعاقدات الجديدة اللي مستنيه جرة القلم، ده غير الكنز القبرصي.
وكمان دلوقتي الموانئ المصرية بقت جاهزة تستقبل غاز مسال من أي حتة في العالم وتدخله الشبكة فوراً.
????والأهم من كل ده، إن إسرائيل هي اللي "محتاجة" مصر أكتر؛ لأن مفيش أي طريق تخرج منه غازها لأوروبا غير عن طريق محطات الإسالة المصرية في "إدكو" و"دمياط"، يعني بالبلدي كده: "مفاتيح التصدير في جيب القاهرة".
????الموضوع مش مجرد خناقة على سعر، دي معركة "كلمة وشرف عقود".
???? فيه وفد إسرائيلي هيجي القاهرة الأسبوع ده، وشايل معاه "أخر كلام"، والمهلة الأخيرة هي 31 يناير الجاري بعد ما اتأجلت 3 مرات قبل كده.
????إسرائيل عارفة إنها لو خسرت الاتفاق ده، غازها هيفضل مدفون تحت الأرض ومش هيلاقي سكة للسوق العالمي.
????ومصر عارفة إنها لو وافقت على الشرط ده، هتسلم رقبتها للظروف.
????الساعات الجاية هي اللي هتقول لنا.. مين نَفَسه أطول في لعبة عض الأصابع دي!
⇧
