هروب عميل الامارات من اليمن
????????????هروب عميل الإمارات في اليمن..
???? السعودية تعلن فرار عيد راوس الزبيري لجهة غير معلومة بعد قصف سعودي فجر اليوم ..
????النهارده الصبح صحينا على خبر تقيل
السعودية أعلنت إن عيدروس الزبيدي، رئيس المجلس الانتقالي الجنوبي، فرّ إلى جهة غير معلومة بعد ضربات جوية سعودية استهدفت قوات تابعة للمجلس في الضالع فجر اليوم.
????اللافت إن الراجل كان مدعو رسميًا يروح الرياض لحوار بخصوص اليمن…
لكن اللي حصل؟
لا راح، ولا ظهر، ولا حتى بلّغ قياداته هو فين!
وساب وراه مجلس كامل تايه ومتلخبط.
????طيب إيه دلالة اللي حصل ده؟
????أولًا: السعودية قالت بوضوح إن الضربة استباقية، يعني في معلومات، وفي تقدير خطر، وفي قرار سيادي واضح:
مفيش لعب على أرض اليمن خارج الإطار المتفق عليه.
????ثانيًا: اللي متابع المشهد من أسبوع، شاف تصعيد غير طبيعي من المجلس الانتقالي، تحركات عسكرية، ومحاولات فرض أمر واقع في الجنوب وده كله بدعم وتآمر اماراتي كامل ومعلن ،لكن ده كان خط أحمر بالنسبة للرياض.
السعودية المرة دي ما اكتفتش بالتحذير السياسي، لكن دعّمته بتحرك عسكري محسوب، ورسالة مباشرة:
أمن اليمن واستقراره مش ساحة صراعات بالوكالة.
????????طب فين الإمارات من كل ده؟
????من غير شعارات، الواقع بيقول إن النفوذ اللي كان معتمد على شخصيات معينة بدأ ينهار أول ما الغطاء السياسي اتشال.
فرار الزبيدي، وإسقاط عضويته واتهامه بالخيانة من رئاسة المجلس الرئاسي اليمني، بيأكد إن المرحلة دي انتهت، أو على الأقل دخلت إعادة حسابات إجبارية.
وشكل كده السعودية علمت علي الامارات في اليمن واخرجتها منها صغيرة ذليلة بعد كل المؤامرات اللي كانت بتعملها الامارات للسيطرة علي موانئ وثروات اليمن
????وكده محمد بن سلمان حط علي محمد بن زايد
????????الخلاصة؟
????اللي حصل فجر النهارده مش مجرد غارة،
ده تثبيت معادلة جديدة:
????السعودية هي الضامن الأساسي لأي مسار سياسي في اليمن
???? مفيش ميليشيات ولا كيانات تفرض نفسها بقوة السلاح
واللي يخرج عن الخط… بيتشال من المشهد
⇧
