لفه حول كوكب الارض مع عبده

????????????أهلا بيكم مع عبده في ..... ???? أخبار الكوكب ???? .???? كوكب الجمعة ١٩/١٢/٢٠٢٥ كوكب الاقوياء... العفي محدش يقدر ياكل لقمته بسرعة نحضر كوباية الشاي بالنعناع علشان هناخد لفة في أخبار الكوكب ... ومطولش عليكم وقولولي لاء طول .... ،???? روسيا.... المعلم بوتين النهاردة الصبح كان عامل مؤتمر صحفي ع الهواء مباشرة... المؤتمر ده بوتين بيعمله كل سنة وبيستقبل فيه الأسئلة من الشعب الروسي وبيرد عليها على الهواء مباشرة .... بس اللي قاله بوتين فالمؤتمر ده ميتلبسش عليه هدوم الصراحة .... علشان كان بيرد بكل قوة على الأسئلة !! بوتين قال.... إن الجيش الروسي بيحقق الإنتصارات بشكل مبهر على كل الجبهات ...!! وقال كمان إن الجيش الاوكراني خلص كل إحتياطاته الإستراتيجية من سنة ٢٠٢٤ مش كدا وبس ...!! دا قال كمان زلينسكي رئيس أوكرانيا فنان كوميدي موهوب.... اه والله ومينفعش يكون رئيس جمهورية !! وأوكرانيا مفيش قدامها غير الإستسلام وعقد إتفاقية سلام!! بس أنا مش هعمل سلام مع فنان كوميدي !! أما بقا بخصوص الأصول الروسية المجمدة فبنوك اوروبا اللي الدول الاوروبية عايزة تاخدها... فدول لصوص..... اه والله قال كدا حرفيا والرد الروسي عليهم هيكون مزلزل.... بس ماقالش هيرد ازاي !! ،???? وع الناحية التانية من الكوكب ... ،???? إنجلترا... أمين حلف النيتو مارك روتة طلع بتصريح الاسبوع ده وقال .... الحرب باتت على أبوابنا ....!! إنجلترا تسكت .... أبداا الحكومة البريطانية بتتحرك بسرعة وغيرت في بعض القوانين العسكرية عندها لدرجة إنها قررت دمج الشرطة والجيش والإدارات الحكومية مع بعض ....!! بالبلدي كدا الإنجليز بيعسكروا البلد !!! الله .... ايه يا جدعان مش انتوا كنتوا بتقولوا ان الجيش مكانه الحدود !! قالك لا معلش إحنا هنواجه حروب هجينة !! دا مش كلامي حضرتك دا كلام خبراء عسكريين فالمعهد البريطاني للخدمات المتحدة المسؤل عن وضع الإستراتيجيات العسكرية في بريطانيا الله .... هو مش دا الكلام اللي كان بيقوله الرئيس عبدالفتاح السيسي من سنة ٢٠١٦ اننا بنواجه حروب هجينة !! ياااه يعني الجيش المصري وعبدالفتاح السيسي كان سابق تفكير العالم بعشر سنين !! ،???? وع الناحية التانية من الكوكب ... ،???? أمريكا .... المعلم عجة .... ترامب سابقا تقمص دور الشيخ حسني ففيلم الكيت كات وطلع قال ... سبعين سنة مش عارفين تاخدوا الجولان ...!! وأنا وأعوذ بالله من كلمة انا جيبتلكم الجولان برشة برفان واحدة لأحمد الشرع وبقت الجولان فهمي نظمي رسمي إسرائيلية !! الغريب جدا إن بعد إعتراف ترامب فالمؤتمر الصحفي بأن أحمد الشرع تنازل رسميا عن الجولان ووقع على كدا مسمعناش لاحس ولا خبر لأي حد سوري !! أصدقائي متابعين عبده ... أحب أقولكم وأفكركم إن محمد مرسي وجماعته كانوا هيعملوا كدا حرفيا في سيناء..... اه والله كانوا هيتنازلوا عنها لإسرائيل في مقابل ١٣ مليار دولار !! والوثائق موجودة والقطنة مبتكدبش لولا ستر ربنا والجيش المصري القوي كان زمان نتنياهوا بيتمشى فسيناء وبيتفقد قواعده العسكرية !! مش سيناء بس ....!! دا كمان حقول الغاز في شرق المتوسط اللي كانت طمعانه فيها تركيا هو مش قالكم .....العفي محدش يقدر ياكل لقمته !! ومحدش كان مصدقه أديكم شايفين بعنيكم .... الشمال السوري كله بقا تركي والجنوب السوري كله بالجولان بقا إسرائيلي هتقولي اومال عبده السوريين اخدوا إيه ...!! والله حضرتك السوريين فرحانين إن أحمد الشرع اول زعيم عربي ترامب يرشه بالبرفان ....???? ،???? وع الناحية التانية من الكوكب .... ،???? إيطاليا.... الحسناء جورجيا ميلوني رئيسة وزاراء إيطاليا طلعت فالبرلمان الإيطالي وقالت .... من العبث مهاجمة عدو وهمي ....!! ازاي يا ست الحسن والجمال ؟؟ ميلوني قالت العدو الحقيقي اللي بنواجهه في اوروبا هو إحنا علشان مش عارفين نتفق على قرار واحد !! فالوقت اللي أمريكا غيرت إستراتيجيتها الامنية وقالت نفسي وما بعدي الطوفان ميلوني بتقولهم أمريكا طلعت وقالت إن جالك الطوفان حط ابنك تحت رجليك يعني لو اوروبا دخلت في حرب امريكا هتقول مليش دعوة !! واحنا هنا ف اوروبا مش عارفين ناخد قرار واحد يوحد ربنا مش كدا وبس ....!! دا طلع نائب رئيسة الوزاراء نفسها ماتيو سالفيني وقال .... إذا لم يتمكن هت????لر ونابليون من إخضاع موسكو لإرادتهما خلال حملاتهما في روسيا، فمن غير المرجح أن يحقق كايا كالاس وماكرون وستارمر وميرتس النجاح في ذلك". يعني بالبلدي كدا .... عتاولة التاريخ معرفوش إحنا اللي هنعرف !!! ،???? وع الناحية التانية من الكوكب .... ،???? ألمانيا.... ف ألمانيا بقا القصة مختلفة خالص... دول غيروا القوانين والدستور حضرتك وبيعسكروا البلد كلها لدرجة إن مستشار ألمانيا اللي هو زي رئيس الوزارء عندنا غير الدستور والعقيدة العسكرية وأعطى صلاحيات أكبر لجهاز المخابرات الألماني إنه يعمل عمليات عسكرية او تخريبية خارج البلاد...!!! يعني إيه الكلام ده !!! يعني بالبلدي كدا ألمانيا بتقول إن جهازها الإستخباراتي مش هيكتفي بجمع المعلومات والتجسس لا حضرتك دا هيقوم بعمليات عسكرية او تخريبية في اي دولة هو شايف إنها بتمثل خطر على ألمانيا دا غير إن ألمانيا غيرت عقيدتها العسكرية من الدفاع للإستعداد للحرب والهجوم طبعا الكلام ده لأول مرة يحصل فالتاريخ الألماني بعد الحرب العالمية التانية ودي حاجة مسببة رعب لأوروبا كلها حضرتك هما خايفين يحضروا العفريت الألماني اللي محدش هيعرف يصرفه اوروبا كلها مش ناسية إجتياح الجيوش الألمانية لأوروبا كلها فالحرب العالمية التانية !! وألمانيا خايفة من إجتياح روسيا ليها بعد ما تخلص على اوكرانيا وأمريكا اللي كانت بتحميهم خلعت ... وغيرت إستراتيجيتها الامنية وحاحة بقت تيكلام تيكلام خااالص ! ،???? وع الناحية التانية من الكوكب ... ،???? إثيوبيا.... إثيوبيا بعد ما إتأكدت إن مصر خلاص قرت الفاتحة على السد...!! وطلع وزير الخارجية المصري فألمانيا وقال ... زمن المفاوضات إنتهى ....!! والكلام مااات خلاص ...!! الخارجية الإثيوبية بقى عندها إسهال تصريحات وكل يوم بيان ...!!! وآبي أحمد بيعسكر السد بأنظمة دفاع جوي إشي إسرائيلي على روسي !!! ياعم مين مفهمك بس ان مصر هتضربه بالطيران !!! يا أسطى الجيش المصري محدش يتوقعه ...!! لو مش مصدقني روح إسأل حبايبك اللي عملوا خط بارليف المنيع اللي صمموه ضد القنابل النووية !! وفالآخر الجيش المصري خلص عليه بأبسط افكار العلم والفيزياء والعلوم العسكرية !! شوف انت بقا الكلام ده من سنة ٧٣ وإحنا فسنة ٢٠٢٥ !! انا بس عايز أقولكم إن آبي أحمد من ساعة ما شاف معرض السلاح المصري إيدكس إيجيبت وهو عنده إسهال ومش عارفين يخرجوه من الحمام ???? الجيش المصري والعقول المصرية خارج كل التوقعات العالمية !!! ،???? وع الناحية التانية من الكوكب .... ???? كوكب تحيا مصر ???? ،???? وفكوكب تحيا مصر .... لو عايز تعرف إزاي العفي محدش يقدر يا كل لقمته...!! يبقا إتفرج على اللي حصل في صفقة الغاز !! الدولة المصرية قالت كلمتها.... وخلاص نتنياهو قعد يروح وييجي ويدبدب فالارض ويجيب ترامب واسطة ليه ...!! انا مش عارف ليه ترامب محسسني ان نتنياهو يبقا إبن أخته !!! طب نتنياهو يجيلك القاهرة يا سيسي ويوقع ع الصفقة .... السيسي يقوله لاء طب تعالى واشنطن ونجيب نتنياهو وتسلموا على بعض وتوقعوا الصفقة .... السيسي قاله لاء خد بالك دا لتاني مرة ترامب يطلب من السيسي يروح يقابله ف أمريكا والسيسي يرفض..... ودي سابقة لم تحدث في تاريخ أمريكا وفالآخر نتنياهو وقع ع الصفقة ورجله فوق رقبته وطلع ترامب وقال الرئيس السيسي صديق شخصي ..... لا يا راجل معرفتكش انا كدا !! ودا يثبتلك إن الدولة المصرية دولة قوية صاحبة قرار وإن الزعيم السيسي رئيس من طراز فريد لما بيتكلم العالم كله بيسمع له وبيرضخ ليه بكامل إرادته دي إسمها فالعلوم السياسية إرغام و إرضاخ الدول لإرادتك وبدون ما تضرب طلقة واحدة ،???? كمان في كوكب تحيا مصر .... شركة ديلي العالمية وقعت خلاص عقود إنشاء أكبر مصنع فمدينة العاشر من رمضان الصناعية !!! هتطلعلي واحدة إسكندرانية من المطبخ وتقولي وتطلع إيه ديلي دي يا عبده !! هقولك فاكرة زمان لما الشعب المصري كله كان بيقول معقول احنا فمصر مش عارفين نصنع حتى أستيكة ولا براية !!! وكل الادوات المكتبية كانت صيني ...!! لدرجة ان الواحد كان خلاص بيقول لما كل حاجة اولادنا بيستخدموها فالمدارس والجامعة صيني طب مانجيب العيال الصيني بالمرة يتعلموا هنا !!! بس مع السيسي ..... مش هتقدر تغمض عنيك !! شركة ديلي العالمية أخدت الرخصة الذهبية فالعاشر من رمضان لإنشاء أضخم مصنع فالشرق الاوسط وإفريقيا لإنتاج المواد المكتبية كل ما يخص المواد المكتبية من اول القلم الرصاص فالإبتدائي لحد الجامعة !! دا غير المنتجات المكتبية الخاصة بالشركات كمان بإستثمارات ٢٠٠ مليون دولار !! هتقولي بس يا عبده يديني ويديك العمر على ما المصنع يتعمل ويشتغل يكون ولادنا إتجوزوا وخلفوا كمان !! احب اقولكم ان شركة ديلي إيجيبت هتبدأ الانتاج من مصانعها في سنة ٢٠٢٧ بمواصفات اوروبية علشان تصدر لأوروبا اومال هما اخدوا الرخصة الذهبية ليه !!! حقيقي من الحاجات اللي كانت بتدايقني وبتدايق الشعب المصري كله إن كل المنتجات المكتبية اللي بيستخدمها الشعب المصري صيني !!! النهاردة أقدر اقولك وبكل فخر إن المنتجات كلها صناعة مصرية ولسة لما شركة ديلي لما تدخل السوق هتلاقي كل المنتجات المكتبية في اوروبا وامريكا بكل فخر صنع في مصر ???? ،???? كمان في كوكب تحيا مصر .... شركة نيوهوب الصينية فمصر ب ٢.٧ مليار دولار !! هتقولي وتطلع إيه دي كمان يا عبده !!! لا يا سيدي دي يا دوب أكبر شركة لصناعة الأعلاف في الصين !! لاء مش أكبر شركة وبس حضرتك !! دي عملاق صناعة الأعلاف فالصين وقارة آسيا والعالم كله !! جت مصر وعملت ٣ مصانع أعلاف واستثمارات ب٣ مليار دولار !! اومال إنتوا فاكرين الفراخ سعرها رخص ليه ؟؟ علشان انت بقيت تصنع الأعلاف هنا فمصر ومبقتش تستوردها مش كدا وبس ...!! دي الشركة قررت تتوسع في إنتاج اللحوم يعني مش هتكتفي بتصنيع الاعلاف وبس !! دي كمان هتعمل مزارع تفريخ وكتاكيت وليلة كبيرة سعادتك !! هتلاقوا الخبر تحت فالكومنتس ???? ،???? كمان فكوكب تحيا مصر ... الخطوط الحمراء للدولة المصرية !! هل تعتقد يا صديقي إن في دولة ضعيفة فالكوكب ممكن ترسم خطوط حمراء للكوكب كله !! طب هل ممكن ييجي فخيالك إن دولة ضعيفة ممكن تشرط وتتشرط على الكوكب وتقولهم دي خطوط حمراء للامن القومي !! عزيزي متابع عبده .... الكوكب لايحترم غير الأقوياء وفي أحدث الخطوط الحمراء اللي بيرسمها الرئيس عبدالفتاح السيسي إمبارح نزل بخط أحمر جديد لانج !!! السيسي طلع إمبارح وقال.... مؤسسات الدولة السودانية خط أحمر ...!! والجيش السوداني خط احمر ....!! وتقسيم السودان خط احمر ....!! واللي عايز يجرب يقرب ....!!! وسيتم تفعيل إتفاقيات الدفاع المشرك ...!! مات الكلام على كداااا هتقولي بس إشمعنى دلوقتي يا عبده ...!! ما بقالهم سنين بيطحنوا فبعض !! هقولك علشان كانت الحرب هناك بين ميليشيات وجيش وقدام العالم معارضة بتحارب ضد معارضة !! إنما دلوقتي في دول دخلت بتقلها فاللعبة وعايزة تنهي وجود الجيش السوداني وتحول السودان لنموذج سوري بيحكمه ميليشات !!! ومستحيل الجيش المصري يسيب على حدوده ميليشيات زي ميليشيات سوريا هنا بقا الجيش المصري هيرفع نبوته...!! بس ساعتها الكوكب كله عارف ان النبوت ده مش هينزل غير لما يوصل لحد هضبة الحبشة أومال هو آبي أحمد بيدبدب فالأرض ليه !! لاء ثانية واحدة ..... هو وصل اصلا الجولاني تنازل عن الجولان بجره قلم لإسرائيل وسلامي لاهل سوريا وتقعدو بالعافيه ???? الرئيس عبدالفتاح السيسي قالها كلمة .. العفي...... محدش يقدر ياكل لقمته كفاية كدا ...... وتقعدوا بالعافية ???????? يديمك ???????? بيعيرونا بفقرنا ...... بس أنا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????