اعمار سيناء الحبيبه بمشاريع عملاقه في الكهرباء
????????????اعمار سيناء الحبيبه بمشاريع عملاقه في الكهرباء
????فيه كلام كبير أوي بيدور الأيام دي في كواليس الحكومة، كلام هيخلي سينا بتاعتنا منارة للكهربا النضيفة في المنطقة كلها.
الحدوتة بدأت لما تحالف ضخم اسمه "رينيرجي جروب بارتنرز"، فكروا إنهم يخشوا مصر بـاستثمار مِزاج كده يوصل لـ 15 مليار دولار على مدى عشر سنين.
????التحالف ده قعد قعدة مهمة مع وزير الكهربا بتاعنا، محمود عصمت، واتفقوا على مشروع مِتكامل متين هيتعمل في منطقة جبل الطور في جنوب سينا.
التحالف ده فيه "رينيرجي" نفسها المطور الرئيسي، ومعاهم شريك فني مصري محترف اسمه "جرين تك إيجيبت"، وشريك مالي اسمه "أوك القابضة"، والأهم بقى إن وزارة الإنتاج الحربي بتاعتنا شريك محلي معاهم، يعني شغل تحت إيد الحكومة والجيش.
الموضوع هيتم على 3 مراحل، المرحلة الأولى بس هتتكلف 6.7 مليار دولار، ودي هتنتج كهربا 1.25 جيجاواط، والمفروض إنها تكون شغالة بالكامل سنة 2030.
????مصادر حكومية بتقول إن المشروع ده لما يخلص خالص، عمره التشغيلي هيكون 50 سنة، يعني هنور ونصدر لمدة نص قرن
المشروع ده مش مجرد ألواح شمسية والسلام، ده ميكس بجد
محطة طاقة شمسية: عشان نجمع أكبر قدر من شمس سينا اللي مفيش زيها.
????محطة هيدروجين أخضر، ومحطة ضخ وتخزين مائي ودي فكرتها زي السد العالي بالظبط، يضخوا المية في خزان كبير ولما يحتاجوا كهربا، ينزلوا المية دي عشان تولد كهربا، دي اسمها "تكنولوجيا الضخ والتخزين".
الجامد بقى إن المشروع ده هيعمل أول محطة هيدروجين أخضر ضخمة في مصر على مساحة 100 كيلومتر مربع.
???? مش بس كده، المحطة دي هتشتغل لوحدها خالص، مش هتوصل على الشبكة القومية للكهربا، وده عشان يضمنوا إنتاج مِتواصل ورخيص للهيدروجين.
هياخدوا جزء من الطاقة الشمسية اللي هتطلع من المشروع عشان يحلوا بيها مية البحر، والمية الحلوة دي هيستخدموها في إنتاج الهيدروجين الأخضر.
المنتج النهائي بقى اللي هو الهيدروجين الأخضر السائل، هيتباع بالكامل كله للتصدير للأسواق الأوروبية، عشان أوروبا بتدور على الطاقة النضيفة دي بجنون.
????المصنع ده لما يكتمل، هينتج حوالي 400 ألف طن من الهيدروجين الأخضر سنوياً، وده رقم يخلينا من أكبر المصدرين في المنطقة.
"رينيرجي جروب" مش أول مرة تعمل شغل في مصر، هما شغالين قبل كده مع الإنتاج الحربي في مشروع تحويل المخلفات لكهربا في أبو رواش.
????الناس دي داخلة بقلب جامد، والمشروع ده لو تم، هنشوف سينا بتنور، وهنصدر كهربا وهيدروجين يغرق الدنيا
⇧
