الطاغية ترامب و الشيطان نتنياهو
????????????الطاغية ترامب و الشيطان نتنياهو وماذا بعد ؟؟؟
????وزير الحرب الامريكي جمع القادة والاميرالات الامريكيين من كل انحاء العالم في قاعدة في فيرجينيا عشان يقولهم ان القادة التخان اللي بكرش مش مقبولين وان القادة هيتم اختيارهم بناء على الكفاءة عشان كدة فصلت كام قائد من فترة "واحدة ست وواحد افرو".
???? كله في الصورة شافط بطنه زي محنا شايفين!!
????بعدها دخل ترامب قال كلمة بدأها بإنه فخور بإنه القائد الاعلى فوقيهم واللي مش عاجبه كلامي يقدر يسيب القاعة ويمشي بس ده هيكلفه منصبه ومستقبله.
????وبعدها قعد ساعة يدي في كلام قاله مليون مرة قبل كدة زي حوار انه عايز نوبل للسلام وحوار ان بيتم غزوهم من الداخل ولازم نرجع اقوياء ومبدأ السلام بالقوة والحاجات الجميلة دي وقعد يهزر ويتريق على جو بايدن لما كان بيقع من عالسلالم وان شكل السفن الحربية مش عاجبه وان فيه كلمتين بيبدأوا بحرف النون مينفعوش يتقالوا وهما نووي ونيجا.
????- وزي محنا شايفين محدش ضحك وكله مصدر الوش كبروتوكول عسكري!!
????بس ختم وقال انه لازم يكونوا اقوياء لدرجة لا تجرؤ اي دولة على تحديهم وتهديدهم والتفكير في هزيمتهم، بس الخطاب الموجه للرتب دي بيتقال في توقيت مهم جدا فيه حدثين مهمين.
????الحدث الاول هو اتفاق سايكس بيكو الجديد اللي فيه ترامب قسم الارض بينه وبين نتنياهو وبيعلن نفسه الحاكم الجديد لارض لا يملكها ووراه مندوب سامي بريطاني جديد وهو توني بلير رئيس وزراء بريطانيا السابق اللي خرب العراق قبل كدة
????الحدث التاني هو تهديده المباشر للفصائل - قبل الخطاب بدقائق - انهم لو مردوش عالمقترح خلال تلاتة لاربع ايام فهيدي الضوء الاخضر انه يتعمل فيهم اي حاجة وطبعا يقصد المدنيين مش حد تاني.
????بمعنى اصح ان المشهد ده هو مشهد اشبه بمشاهد كتير تاريخية قرأنا عنها ايام المغول والصليبيين والحروب العالمية وحرب المائة عام والنابوليونية وبلفور والجنرال اللنبي والكتاب الابيض ووعد من لا يملك والحاجات الجميلة دي، بس المرادي بقا حاضر عايشينه مش مجرد سطر في كتاب تاريخ.
شكرا ✌
⇧
