قافله الصمود تتعرض للقتل والاعتقال
???? إسرائيل خلاص بدأت اعتقال سفن أسطول الصمود، ونشروا ألغام بحرية في طريقهم!
وعلى الناحية التانية، ترامب بدأ نشر عدد ضخم من القوات الأمريكية في الشرق الأوسط، من النوع اللي بيسبق الحروب الكبيرة، وجيش الاحتلال بدأ بالفعل تنفيذ خطة طرد الناس اللي باقيين في مدينة غزة ودفعهم نحو الجنوب بالقوة، وقالوا إن أي حد مش هيتحرك هيتعامل معاملة "الإرهابي"!
⚫️ التطورات اللي حصلت خلال الساعات اللي فاتت سريعة وخطيرة جدًا، خلينا نمر عليها سريعًا كده عشان نربط ما بينها ونشوف الصورة الكبيرة من فوق... ????
????1️⃣ من ساعات قليلة، وزير الدفاع الإسرائيلي كاتس خرج بتصريح مخيف قال فيه نصًا كده: "من يبقى في مدينة غزة سيُعتبر مُسلحًا ومؤيدًا للإرهاب"... يعني المليون إنسان فلسطيني اللي لسه موجودين جوه مدينة غزة، إسرائيل بتقولهم يا إما تمشوا أو هنعاملكم كإرهابيين، في إعلان رسمي بإنهم على وشك القيام بعملية تطهير عرقي قدام أعين العالم كله...
والمشكلة إن للأسف الموضوع مش مجرد كلام... حسب تقارير من أرض الواقع وشهادات ناس عايشة هناك، فهما بالفعل بدأوا في تنفيذ الخطة على مراحل واضحة ومنظمة... وده بالرغم من كل الخطط والمفاوضات اللي شغالة دلوقتي، وكلام ترامب عن إيقاف الحرب والسلام...
???? أولًا كده، ومن حوالي كام ساعة، جيش الاحتلال أعلن رسميًا إنه أكمل السيطرة على محور نتساريم اللي بيمتد من الشرق للغرب لحد شاطئ البحر... وبكده غزة اتقسمت رسميًا لنصين، شمالي وجنوبي... ودلوقتي شارع الرشيد الساحلي اللي هو كان آخر طريق مفتوح للتنقل، اتقفل تمامًا بعد الساعة 12 ظهر اليوم، وحاليًا أي حد عايز يتحرك هيمر عبر حواجز ومنافذ تفتيش إسرائيلية...
وبالتزامن مع ده، عمليات القصف الإسرائيلي دلوقتي مش بس بتستهدف المباني، لأ دي بتستهدف بشكل ممنهج عربات المياه اللي بتوزع مياه الشرب على الناس، وتكيات الطعام اللي بتطعم العائلات، والمستشفيات والمراكز الطبية، وحتى فرق الدفاع المدني اللي بينقذ الناس من تحت الأنقاض... يعني باختصار بيدمروا أي حاجة ممكن تكون شريان حياة للسكان، بهدف خلق بيئة غير قابلة للحياة...
???? وحسب التقارير الإخبارية، فالمنظمات الدولية كلها بما فيها الأمم المتحدة والصليب الأحمر والأونروا، جالها أوامر بالإخلاء الفوري من مدينة غزة النهارده... ومباشرةً بعد ما ظهر الخبر ده، مستشار الأونروا الإعلامي قال في تصريحات للجزيرة إن: "مئات الآلاف حاليًا أصبحوا يبيتون في الشوارع وعلى شاطئ البحر"، وان المساعدات اللي بتدخل حاليًا "لا تتجاوز 9% من احتياجات السكان، والمجاعة منتشرة في كل مكان"...
????️ المساحة المحاصر فيها الناس دلوقتي أصبحت أقل من 20 كيلومتر مربع وبتضيق كل يوم بهدف جعل الحياة مستحيلة، عشان الناس من نفسها تسعى للهجرة "الطوعية"، وهما يسهلولهم إجراءاتها تحت مسميات "العلاج" أو "التعليم"...
????2️⃣ وفي نفس الوقت اللي بتحصل فيه المجزرة دي في غزة، أمريكا بتعمل تحركات عسكرية غير طبيعية بالمرة في الشرق الأوسط... تحركات من النوع اللي بيسبق الحروب الكبيرة...
????️ شبكات الرصد العسكرية حول العالم رصدت في الساعات اللي فاتت عشرات الطائرات الأمريكية العملاقة من نوع KC-135 وKC-46، بالإضافة لطائرات التزود بالوقود الجوي، وهي بتعبر أوروبا في طريقها لقاعدة العديد في قطر!
???? الطائرات دي في المعتاد المفروض انها مش بتتحرك بالعدد ده إلا لسبب واحد بس: الاستعداد لعمليات جوية واسعة النطاق وطويلة المدى... والسبب هو إن أي حملة جوية ضخمة مستحيل تستمر وتفضل محافظة على قوتها بدون طائرات التزود بالوقود دي... وبالتالي فـ وجودها بالعدد ده في الوقت ده بالذات معناه إن أمريكا بتجهز لعمليات عسكرية مكثفة خلال أيام...
وفوق ده كمان، حاملة الطائرات USS Gerald R. Ford، اللي هي تعتبر واحدة من أضخم وأحدث حاملات الطائرات الأمريكية، في طريقها دلوقتي للبحر الأبيض المتوسط، وكمان طائرات استطلاع بريطانية من نوع RC-135W المتخصصة في الاستخبارات الإلكترونية، اتنقلت بالفعل لقاعدة العديد...
????3️⃣ كل ده بقى بيحصل بالتزامن مع خبر مهم أوي... ترامب من شوية وقّع أمر تنفيذي جديد بعنوان "ضمان أمن دولة قطر"... الأمر ده بيقول حرفيًا: "أي اعتداء على قطر أو سيادتها أو بنيتها التحتية سيُعتبر تهديدًا مباشرًا لأمن الولايات المتحدة الأمريكية"...
????️ لو ربطت المشاهد دي كلها ببعض، هتلاقي إن الصورة العامة اللي ظاهرة منها واضحة...
???? أمريكا غالبًا بتستعد دلوقتي لمواجهة عسكرية محتملة مع إيران، هتحصل على الأرجح بعد الضربة الإسرائيلية اللي بيتم تحضيرها دلوقتي لطهران... وسابقًا لما ده حصل في حرب الـ 12 يوم، إيران استهدفت قاعدة العديد في قطر... وعشان كده بقى فالأمر التنفيذي بحماية قطر ده معمول عشان يدي لأمريكا مبرر باعتبار أي رد إيراني على العمليات الجاية في المنطقة بمثابة إعلان حرب، والتدخل فيها بشكل مباشر!
???? اللي بيأكد ده هو إن بحسب تقارير إسرائيلية اتنشرت من ساعات، فـ وزير الخارجية الإيراني عباس عراقجي كشف لمقربين منه إن المرشد الأعلى علي خامنئي كان وافق بشكل مشروط على فتح قناة حوار سري مع أمريكا عشان يخفف العقوبات الاقتصادية، بس خامنئي تراجع علنًا في ليلة واحدة ومنع تمامًا إجراء أي مفاوضات... ف يا ترى أيه السبب غير إنه عارف اللي على وشك الحدوث؟!
????4️⃣ بس على الجانب الآخر بقى، وفي قلب مياه البحر المتوسط، في مشهد تاني حساس وحرج جدًا بيحصل دلوقتي، وممكن يشعل أزمة كبيرة تتحول لكارثة دبلوماسية على الاحتلال... ????
أسطول الصمود العالمي، اللي بيضم عشرات السفن من دول مختلفة، أصبح دلوقتي على بعد أميال قصيرة جدًا من سواحل غزة، والنشطاء المشاركين فيه كانوا قايلين من ساعات إنه إسرائيل بدأت بالفعل في محاصرتهم بعد ما أصدرت سلطات الاحتلال من شوية تصريحات بتقول فيها إنها لن تسمح برسو الأسطول على شواطيء غزة "مهما كان الثمن"...
???? والأخطر من كل ده، هو إن من شوية قائد السفينة ألما الموجودة ضمن الأسطول قال في تصريحات نقلتها الجزيرة إنه تم رصد 4 ألغام بحرية على مسافة قريبة من الأسطول!
???? لكن الجديد بقى، واللي هتشوفه بعينك لو انت واحد من ضمن الناس الموجودة دلوقتي على السفن، هو مشهد مخيف فعلًا... إسرائيل بتستخدم تقنيات تشويش قوية على كل الأجهزة الإلكترونية الموجودة على متن السفن عشان تقطع اتصالهم بالعالم تمامًا...
????⚫️ والمفاجأة ان التقارير الصحفية ومنها هيئة البث الإسرائيلية بالفعل بتقول ان جنود الاختلال صعدوا على متن السفن دلوقتي وبدأوا يعتقلوا الناس... وده حصل حالًا قبل ما البوست ده ينزل بدقيقة بالضبط، لدرجة اني رجعت عدلته تاني قبل ما انزله!
????️ للأسف لسه مش معروف كام واحد تم اعتقاله وهل حصلت خسائر في الأرواح أو مواجهات مع القوات الإسرائيلية ولا لأ، وبمجرد ما يكون في جديد هقولك...
شكرًا.
وللحديث بقية.........
⇧
