لفه حول كوكب الارض مع عبده

????????????أهلا بيكم مع عبده في .... ???? أخبار الكوكب ???? ،???? كوكب الثلاثاء ١٦/٩/٢٠٢٥ ،???? زامبيا.... زامبيا دي لو حضرتك متعرفش ف دي دولة ف إفريقيا في جنوب القارة الإفريقية وليها رئيس إسمه هاكايندي هيشيليما...!!! الرئيس ده إتعرض لمحاولة إغتيال .... !! هتقولي ينهار اسود .... إغتيال مرة واحدة يا عبده !! هقولك للأسف دي أطرف محاولة إغتيال فالكوكب !! شوف يا سيدي ...!!! الشرطة الزامبية قبضت على إتنين إسمهم جاستن كاندوندي وليونارد فيري للتخطيط لإغتيال رئيس زامبيا بواسطة حرباية ....!! اه والله حرباية ???? والشرطة الزامبية فالتحقيقات بتقول ان المواطنين دول إستخدموا الحرباية لعمل سحر إسود على ديلها لإغتيال رئيس الدولة ... الخبر بجد والله .... !! لدرجة ان الإتنين دول إتقدموا للمحاكمة الفورية هما والحرباية وإتحكم عليهم فورا بسنتين سجن مع الأشغال الشاقة المؤبدة الشعب الزامبي يسكت .... ابدا طلع وقال اااه احنا حاسين الرئيس بتعنا محسود ومعموله عمل بس على .... مممممم راس جمل ???? مش بقولكم الكوكب المتعاص !!! هي الناس دي عايشة معانا فالكوكب بجد ولا الناس دي بتشرب إيه عملها الدماغ الجامدة دي ???? ،???? وع الناحية التانية من الكوكب .... ،???? قطر ... فاكرين البوست اللي فات .... !! لما قولتلكم وهي قطر دولة ولمؤاخذة !!! دي قاعدة امريكية وإتعملها دولة ... ومحدش صدقني !! طب إيه اللي حصل ... إتعملت القمة ولمؤاخذة العربية الإسلامية !! واللي كان قبلها ب ٢٤ ساعة وزير خارجية أمريكا ف إسرائيل بيطمنهم ويقولهم إنتوا زي الفل بس المرة الجاية يبقا خططوا صح ومتفضحوناش...!! فنفس ذات الوقت .... رئيس وزاراء قطر ف أمريكا وقاعد مع ترامب وترامب بيقوله معلش تعيش وتاخد غيرها !! وخرج رئيس الوزاراء القطري بعد الإجتماع مع ترامب وقال.... إحنا إتمعلشنا خلاص ...!!! فكان لازم رد قوي من مصر .... مش على قطر ..... لا حضرتك على اللي مشغلينها ???? وطلع الزعيم السيسي في أقوى خطاب سياسي فالكوكب زلزل بيه الكيان واللي مشغلينه...!! وقالهم ....إحنا ملناش غير عدو واحد و اللي عايز يجرب يقرب طب والقمة يا برنس..... تعيش إنت يا حج طب والرؤساء والمعازيم يا جدع .... تعيش انت يا حج ،???? وع الناحية التانية من الكوكب ... ،???? أمريكا ... المعلم عجة ..... ترامب سابقا النهاردة هيكون في زيارة لمملكة الشر ... إنجلترا لا وإيه مش اي زيارة حضرتك ...!! دا هيكون إستقبال ملكي ف إنتظاره !! التقارير الصحفية كلها بتقول إن الزيارة علشان توقيع إتفاقيات إقتصادية وإستثمارات وكدا بس من وجهة نظري التي ليس لها قيمة على الإطلاق إن الزيارة الملكية دي وبالطريقة دي لتفخيم ترامب اللي بيحب كدا علشان إقناعه بالإستمرار في دعم أوروبا فالحرب الاوكرانية !! علشان ترامب شايف ان حرب اوكرانيا حرب عبثية ومش هتخلص !! ووقف الدعم الامريكي لأوكرانيا ... او بالمعنى الأصح نفض لأوكرانيا..!! فالزيارة دي حضرتك بدعوة من الملك تشارلز شخصيا لترامب علشان يقنعة بالإستمرار في دعم اوكرانيا خد بالك عزيزي المتابع ان الزيارة دي حصل قبلها حدثين مهمين جدا !! اول حدث هو ترحيل السفير الانجليزي فورا من امريكا بعد ما إسمه إتلط فجزيرة إبستين بتاعة السيكوسيكو مع الأطفال والحدث التاني هي المظاهرات اللي بتجتاح إنجلترا....!! هتقولي عادي يا عبده ما كل سنة بتحصل مظاهرات هناك والمتظاهرين بياخدوا بأوسخ جزمة عادي!! هقولك اللي مش عادي يا صديقي إن إيلون ماسك طلع وخطب ف المتظاهرين الإنجليز في قلب لندن وقال.... ،«سواء اخترتم العنف أو لا، سيأتيكم العنف... إما أن تقاوموا أو تُقتلوا» وحرض المتظاهرين الإنجليز على الحكومة الإنجليزية وحرض الشعب الإنجليزي على العنف !! يسكت كير ستارمر رئيس الوزاراء البريطاني ... ابدا طلع وقال..... ، «الخطاب خطير وتحريضي بشكل واضح... إنه يهدد بالعنف. إنه يهدد بالترهيب في شوارعنا».... وبقت خناقة كبيرة وليلة كبيرة سعادتك ،???? وع الناحية التانية من الكوكب .... ،???? نيبال ... نيبال للي ما يعرفش دي فين ؟؟ ف دي دولة صغيرة كدا ف آسيا بين الهند والصين !!! عدد سكانها ٢٠ مليون نسمة حصل فيها مظاهرات و..... !!! شوف منغير الدخول في تفاصيل كتير لو عايز تعرف إيه اللي حصل فنيبال فحضرتك نفس الفيلم اللي حصل في مصر ٢٠١١ لا قلم زاد ولا قلم نقص حرفيا والشباب اللي عمل الثورة هناك مسمي نفسه شباب زيد.... ملهوش دعوة طبعا لا ب زيد التجمع ولا ب زيد الشيخ زايد ولا سويرس أصلا ???? طب أصل الحكاية والحدوتة إيه !!! إن رئيس الوزاراء هناك المعزول يعني كان أخد قرار بإنضمام نيبال للمعسكر الشرقي.... الصين يعني بما انها على حدوده !! وطبعا بما ان أمريكا فقدت الهند .... ودا بإعتراف ترامب نفسه ف الحل إيه علشان امريكا تفضل فالمنطقة دي !!! باااس..... إقلبلنا يابني الحكومة في نيبال وهتلنا حكومة موالية لأمريكا وطبعا السوشيال ميديا كان ليها الدور الاكبر حضرتك في تسخين الشباب مواليد التسعينيات اللي سموا نفسهم جيل زد وطبعا الحكومة المعزولة عملت نفس الشغل اللي عمله نظام مبارك حرفيا ...!! قطعوا الانترنت وقفلوا المواقع .... وبس يا سيدي انت عارف القصة كلها لحد ما نزل بيان الجيش النيبالي وقال.... ان البلاد بتمر بظروف عصيبة والله الموفق والمستعان والجيش دلوقتي مسيطر على كل شوارع نيبال وف إنتظار الزعيم اللي هيقولهم تحيا نيبال !! وإلا البلاد كلها هتاخد الزحليقة وهتقوم حرب أهلية ،???? وع الناحية التانية من الكوكب .... ???? كوكب تحيا مصر ???? ،???? وفكوكب تحيا مصر .... وفعز ما المنطقة كلها بتدشمل والكوكب المتعاص كله راكب الزوحليقة... كوكب تحيا مصر فحتة تانية خالص....!! النهاردة وفزيارة تاريخية لأم الدنيا ملك إسبانيا فيليب السادس و الملكة الإسبانية هنا فمصر لمدة ٤ ايام !! هتسألني وتقولي ليه الزيارة دي يا عبده !!! شوف يا سيدي.... القصة والحدوتة مبدأتش من النهاردة حضرتك !! القصة والحدوتة كانت بدأت فشهر فبراير اللي فات لما الزعيم السيسي كان فزيارة رسمية لإسبانيا وملك إسبانيا إستقبله إستقبال الزعماء التاريخيين هناك... مش كدا وبس.....!! الزيارة مكنتش إستقبال وبس ...!! لا دي كانت لتوقيع إتفاقيات الشراكة الإستراتيجية الكاملة والمتكاملة مع إسبانيا حضرتك والزعيم السيسي وهو ف إسبانيا قعد مع أهم واكبر شركتين عالميتين في إسبانيا ... اول شركة هي شركة نفانتيا العالمية في بناء السفن وطلب منهم نقل كامل تكنولوجيا تصنيع السفن هنا فمصر ....!! مش بس شركة صناعة السفن الإسبانية العملاقة اللي قعد معاها السيسي ....!! دا كمان قعد مع سيمون بارسيلو....!! مين بقا سيمون بارسيلو ده يا عبده !!! دا رئيس مجموعة بارسيلوا الإسبانية العالمية واللي بتعد من اهم الشركات العالمية في قطاع السياحية والفنادق فالعالم والسيسي قاله كلمه واحده ورد غطاها .... قاله مصر عايزة توصل لعدد ٣٠ مليون سايح فالسنة.... شوف انت بقا هتعمل إيه ؟؟ الراجل قاله كلامك أوامر يا زعيم ....!! هنزود عدد الغرف الفندقية والبنية التحتية وهنضع بعض الاماكن السياحية فمصر على الخريطة العالمية .... دي شغنلتنا ودي حتتنا ...!! الزعيم السيسي قاله .... وأنا يا برنس بأكدلك إلتزام الدولة المصرية بتقديم كافة التسهيلات اللازمة للشركات الإسبانية..... خد بالك يا صديقي كل الكلام ده كان إمتى ....؟؟ كان في فبراير اللي فات ....!! هوب دبل كيك يا معلم الزعيم السيسي بعت للملك فيليب ملك إسبانيا وحرمة وعزمهم على زيارة مصر وقالهم لازم تردو الزيارة ..... وقاله هاتلي معاك كل الشركات الإسبانية اللي انا قعدت معاهم علشان نشوف وصلوا لحد فين !!! ااه الرئيس السيسي مش من الرؤساء اللي بتنسى ولا من النوع اللي بيكبر دماغه !! ملك إسبانيا زيارته على عيني وراسي .... انما الشركات الإسبانية والمجلس المصري الإسباني تعالوا وقدمولي كشف حساب ....!!! عملتوا إيه ف الست شهور اللي فاتوا ؟؟ أنا بس عايز أقولكم ان السياحة السنادي لحد النهاردة زادت بنسبة ٢٢٪ وهتوصل السنة الجاية ان شاء الله لزيادة بنسبة ٣٠ ٪ خد بالك كل ده وإنت ف قلب الأحداث اللي بتحصل فالشرق الاوسط...!! اومال لو كانت الدنيا رايقة .... كانت مصر وصلت لحد فين ؟؟ مش كدا وبس....!! دي الجزيرة الحقيرة طالعة تسأل سؤال برئ يا قلب أمها وتقول .... عام قياسي للسياحة في مصر.... هل يعكس الإمكانيات الحقيقية للبلاد ؟؟؟ ااه ياروح امك بيعكس إمكانيات البلاد اللي انت ولا بلدك يتخيلها !! ومع السيسي ..... مش هتقدر تغمض عنيك ???? ،???? كمان فكوكب تحيا مصر .... مصر السيسي على أعتاب العالمية بسبب الأساطيل المصرية هتقولي إلأساطيل المصرية يا عبده !!! اه يااعم .... يااابني لما تلاقي الكوكب كله بيتدرمغ فحته ... هتلاقي الدولة المصرية بتجيب جون فحتة تانية خالص محدش يتوقعها....!! شوف يا سيدي .... مش أنا قولتلك فوق ان الزعيم السيسي كان في إسبانيا فشهر فبراير اللي فات وقابل رئيس مجلس إدارة شركة نفاتنيا العالمية الإسبانية لصناعة السفن ...!!! دا كان في فبراير اللي فات حضرتك ???? القصة والحدوتة مخلصتش لحد كداا دي مصر قررت غزو المحيطات وأعالي البحال بالأساطيل المصرية.... وخد بالك من جملة الأساطيل المصرية !! علشان ترسانة جنوب البحر الأحمر بتعلن ولأول مرة في تاريخ الدولة المصرية الحديثة عن تدشين أول سفينتين مصريتيين بصناعة مصرية للصيد في أعالي البحار في شهر ديسمبر اللي جاي ... يعني إيه أعالي البحار يا عبده ...!! يعني حضرتك الأساطيل المصرية اللي هتتعمل للصيد هتروح تصطاد أسماك ف المحيط الهندي والمحيط الأطلنطي والمحيط الهادي زيها زي الدول العظمى ..!! أيون.... حضرتك في شهر ديسمبر القادم هيكون عندك سفن ضخمة بتصطاد في اعالي البحار...!! دا مش كلامي حضرتك ...!! دا كلام الشركة الأيرلندية Atlantic Dawn Group اللي طلعت وقالت .... إن الدولة المصرية تعاقدت معاها لتدشين أول سفينتين صيد مصرية رزق ١ للصيد في المياه الدولية غرب إستراليا بقدرة السفينة الواحدة ٤٠٠٠ آلاف طن سمك مش كدا وبس ...!! دا كمان ترسانة جنوب البحر الأحمر بتقول إن المخطط ان يتم إضافة سفينتين صيد للأسطول المصري كل أربع شهور !! يعني مصر هتصنع كل أربع شهور سفينتين صيد من السفن الضخمة اللي بتقعد فالبحر والمحيط ب ال٦ شهور حضرتك !! وقدرة صيد السفينة الواحدة ٤ آلاف طن سمك !! هتقولي طب يا عبده مصر هتعمل إيه بالسمك دا كله ...؟؟ هقولك دي المفاجأة التانية ....!! اللي مصر مخبياها عن أهل الشر....!! مهو حضرتك .... أساطيل ... وأطنان سمك ... وأعالي البحار يبقا أنت محتاج إيه ...!!! أكيد محتاج مصانع لتصنيع السمك زي مصانع التونة والسالمون وبالكتير ع السنة الجاية ان شاء الله التونة المصرية هتغزو العالم ???? حدوته اخيره العالم كله وقف على رجل وفلك أن روسيا اخترقت المجال الجوي لدوله بولندا طلع بوتن وقال عليه..ما حصل انا لو عاوز ادخل بولندا هخدها الصبح انا رجل بضرب في الوش مش ذي ولاد التيت امريكا وبريطانيا بتضربوا في الظهر وفي الاخر يطلع الخزوق الكبير محور الشر سلط اوكرانيا بطائرات مسيره يعمل كده علشان الدنيا تولع علشان حلف الناتو يتدخل اصلا بولندا من دول حلف الناتو مش بقولكم دي خزوق من خوازيق محور الشر في العالم كله علشان شركات السلاح بتاعتهم تشتغل بس على مين يا عبده على بوتن رجل المخابرات المحنك والمقال القادم نشوف زياره اسبانيا لمصر ام احمد في اثيوبيا النتن في اسرائيل قطر ام الخزازبق وللحديث بقية....... مش بقولكم ..... مع السيسي مش هتقدر تغمض عينيك ???? كفاية كدا ...... وتقعدوا بالعافية ???????? يديمك ???????? بيعيرونا بفقرنا ...... بس انا مش هسكت الزعيم عبدالفتاح السيسي الأول والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????