إسرائيل وامريكا تهدد بضرب إيران

???? إسرائيل بتجهز لضرب إيران... وأمريكا بتفضّي سفاراتها وبترحل مواطنيها استعدادًا للحرب.. والشرق الأوسط دلوقتي ربما يكون داخل على أخطر مواجهة عسكرية من أيام حرب الخليج.. من دقايق قليلة، وزارة الخارجية الأمريكية أعلنت عن إخلاء موظفيها غير الأساسيين من السفارة الأمريكية في بغداد، وسحب عائلات الجنود والموظفين من البحرين والكويت، ورفع حالة التأهب في القواعد الأمريكية في الخليج لأقصى درجة... والقرار ده مجاش من أي حد.. ده جه مباشرة من من وزير الدفاع الأمريكي "بيت هيجسيث".. يعني قرار سياسي من أعلى مستوى... مش قرار روتيني خالص.. ???? ومش بس كده... البحرية البريطانية هي كمان أطلقت تحذير رسمي لرعاياها بمغادرة الشرق الأوسط، وحذرت سفنها من المرور في الخليج العربي وخليج عُمان ومضيق هرمز في خلال الساعات اللي جاية بسبب "توتر شديد" في المنطقة.. ⚫️ طب إيه اللي حصل وليه كل ده؟ ???? القصة كلها بدأت من طاولة المفاوضات ما بين أمريكا وإيران اللي شغالة حاليًا في سلطنة عمان، في محاولة أخيرة للتوصل لاتفاق بخصوص البرنامج النووي الإيراني.. أمريكا باختصار عايزة إيران توقف تخصيب اليورانيوم بالكامل، وكمان توقف تطوير الصواريخ الباليستية، وده تحت ضغط من إسرائيل اللي مش قابلة بأي شرط غير كده... لكن إيران شايفة إن الشروط دي إذلال، وإن برنامجها "سلمي"، وإنها مش هتقبل أي حد يُملي عليها أي قرارات، وعايزة تحتفظ ببرنامجها النووي زي ما هو... ???? الشد والجذب ما بين الطرفين مستمر بقاله أسابيع، لحد ما جه ترامب من كام ساعة وقال إنه: "أصبح أقل ثقة بكثير" في إن إيران توافق على الاتفاق... وقال كمان جملة مخيفة: "لو مفهموش بالإقناع... إحنا جاهزين نفهمهم بالقوة.". وهتلاقي مصدر للتصريحات بتاعته دي في الكومنتات.. ومن هنا بقى الجو اتكهرب... والتصريحات خرجت عن السيطرة، خصوصًا بعد قرب انتهاء فترة المهلة اللي كان ترامب محددها لإنهاء المفاوضات النووية مع طهران.. ???? وزير الدفاع الإيراني "عزيز ناصر زادة" طلع بعدها في مؤتمر صحفي وقال بالنص اللي أنا هقولهولك ده: "لو حصل صراع، ستدفع أمريكا ثمنًا كبيرًا... كل قواعدها في الخليج تحت مرمى صواريخنا، وسندمرهم في أي لحظة بلا تردد." خد بالك ان ده مش تصريح عادي من شخص سياسي... ده تهديد مباشر من القائد العسكري الرسمي للدولة.. يعني مفيش سلطة تانية في إيران تقدر تطلق تهديد أكبر من كده... ???? ومن بعد التصريح ده، التحركات على الأرض بدأت فورًا... أول حاجة عملتها أمريكا هي إنها بدأت في "إخلاء مرتب" للسفارة في بغداد، وسحبت الموظفين غير الأساسيين من الكويت والبحرين، وسمحت لعائلات الجنود الموجودين في القواعد الأمريكية اللي في الشرق الأوسط بمغادرة المنطقة بالكامل.. وفي نفس اللحظة، القواعد الأمريكية في الخليج كلها دخلت في وضعية تأهب قصوى، والطائرات المقاتلة بدأت تتحرك في السما... ???? واسرائيل هي كمان بدأت تتحرك.. مصادر عسكرية إسرائيلية قالت من شوية في تصريحات لجريدة "هآرتس" إن مقاتلات من طراز F-35 غادرت قاعدة "نيفاتيم" الجوية في جنوب الأراضي المحتلة، وإنه تم إعلان حالة الاستنفار في القوات الجوية من شوية... وحالة الاستنفار دي هي نفسها اللي دخلت فيها القوات الاسرائيلية وقت ما ضربت المفاعل النووي العراقي سنة 1981، والمفاعل السوري سنة 2007... ده غير إن في حاليًا مؤشرات في الإعلام العبري بتتكلم نقلًا عن مصادر عسكرية إن في "حدث كبير هيغير الشرق الأوسط بالكامل". هيحصل خلال الساعات القادمة.. وكل المصادر دي هسيبهالك تحت في الكومنتات... ???? طب هي الحرب دي لو قامت، أيه اللي هيحصل بالظبط، وإيران ممكن تعمل أيه؟! إيران مش بس عندها جيش نظامي وصواريخ باليستية تقدر تضرب بيها الخليج كله... لأ، عندها شبكة حلفاء وأذرع مسلحة في المنطقة كلها، أولهم طبعًا حزب الله في لبنان اللي برغم تراجع قوته بعد عملية البيجر اللي نفذها الموساد من شهور، إلا انه ما زال حاضر وموجود وتسليحه مش سهل.. وعندك كمان الحوثيين في اليمن، اللي جاهزين يوجهوا ضربات للقواعد الأمريكية في الخليج بمجرد بدء أي عملية عسكرية ضد إيران.. ⚫️ مش بس كده.. إيران كمان في إيديها كام ورقة ضغط استراتيجية ممكن تتسبب في مشاكل للعالم كله لو قررت تستخدمهم.. أولهم هي إنها تقدر في أي وقت تقفل مضيق هرمز وتمنع مرور أي سفن فيه.. وده واحد من أهم الممرات البحرية في العالم، وبتمر منه تقريبًا حوالي 20% من تجارة الكوكب كله.. ولو ده حصل... فـ حسب التقديرات الاقتصادية هيزيد سعر النفط بشكل ضخم وممكن يوصل لـ 150 دولار للبرميل خلال أسبوع واحد بس.. وبالفعل من شوية بحسب تقرير لرويترز هسيبهولك في الكومنتات، أسعار النفط قفزت 4% فور إعلان بدء الإخلاء الأمريكي من بغداد... ???? طيب.. يا ترى أيه اللي جاي؟! هل اللي بيحصل ده كله هو مجرد مناورات سياسية ما بين أمريكا واسرائيل وإيران، وكل طرف فيهم بيحاول يخوف التاني عشان يتنازل ويقبل بالشروط؟! ولا إسرائيل فعلاً ناوية تضرب، وأمريكا مدياها الضوء الأخضر، وبتحضر للرد الإيراني من خلال عمليات الإخلاء دي، وبكده يبقى احنا بنتكلم عن حرب مفتوحة جديدة في الخليج؟ هو ده السؤال.. والساعات الجاية كفيلة بالإجابة.. ???? هتلاقي كل المصادر اللي اعتمدت عليها تحت في أول كومنت، ولو وصلت لهنا متنساش تعمل شير للبوست عشان يوصل لغيرك ويعرف أيه اللي بيحصل في المنطقة دلوقتي.. ???? المصادر اللي اعتمدت عليها للمعلومات العسكرية والاقتصادية والتصريحات الرسمية كلها ???? ◾https://www.haaretz.com/middle-east-news/2025-06-11/ty-article/u-s-to-evacuate-iraq-embassy-pulls-non-essential-staff-from-bahrain-kuwait/00000197-6065-db73-aff7-796d1f190000 ◾https://www.reuters.com/world/middle-east/us-embassy-iraq-preparing-ordered-evacuation-due-heightened-security-risks-2025-06-11/ ◾https://www.thenationalnews.com/news/us/2025/06/11/us-embassy-evacuations-middle-east-iraq/