خناقه بين ماسك وترامب وشوط الفضائح
خناقة عظيمة دايرة دلوقتي بين ترامب وايلون ماسك تشبه خناقات امراء المماليك زمان.
???? البداية كانت لما ترامب اعلن عن برنامج اسمه "قانون الضرايب والانفاق" او big beautiful bill عايز يعني يخفض الضرايب والانفاق والقصص دي.
????ايلون ماسك قالك كدة ترامب هيقلل الاعتمادات الضريبية للي عايز يشتري عربية كهربا من تسلا ومحدش هيشتري فقرر يهاجم القانون.
????الاعتماد الضريبي ده معناه انك لو غيرت عربيتك لعربية كهربا هتاخد tax credit يعني هيدعموك ب٧٥٠٠ دولار فكدة الانتاج هيرطرط والاسعار هتغلى.
????ماسك قالك ان المشروع ده هيزود الدين العام لحد خمسة تريليون دولار وانا مش هشارك في القصة دي وراح قدم استقالته.
???? ترامب قالك ان اسهل طريقة عشان نوفر فلوس في الميزانية اننا نلغي عقود شركات ايلون ماسك مع الحكومة والتصريح ده وقع اسهم شركة تسلا ١٠٪
????قوم ماسك قالك شايف الجاحد؟ دا لولايا مكنش ترامب شاف البيض الابيض من تاني يعني بيعايره بال٣٠٠ مليون دولار اللي دفعهم في حملته الانتخابية.
???? ترامب راح رازعه بوست وقال ان ماسك اتجنن رسمي ومش بس كدة دا في المؤتمر الصحفي مع مستشار المانيا قال انه حاسس بخيبة امل تجاه ايلون ماسك.
???? قوم ماسك رازعه الكارت الاخير وقاله خد دي اسم ترامب موجود في ملفات قضية ابستين وعشان كدة اتمنع نشرها مسائك لذيذ.
قضية ابستين دي بتاعت الجزيرة اللي كان فيها شبكة سيكو سيكو وكان بيجيب قواصر للاثرياء ورجال الاعمال وفي النهاية صفوه في زنزانته ومحدش حاسب عالمشاريب.
لو الخناقة دي استمرت اكتر من كدة هيفرشوا الملاية لبعض وهنعرف شوية اسرار عنب منهم.
ايلون ماسك حاليا نزل لترامب فيديو وهوا في جزيرة ابستين ????
وطوبه علي طوبه .. خلي العركه منصوبه ????????????
⇧
