لفه حول كوكب الارض مع عبده

????????????مساء الخير واهلا بكم مع عبده في ... ???? أخبار الكوكب ???? ????كوكب الإثنين ٢٨/٤/٢٠٢٥ ولو إنت مش متابع الأخبار... بسرعة حضر كوباية الشاي بالنعناع علشان هناخد لفة ف اخبار الكوكب.... ومطولش عليكم وقولولي لاء طول.... ،???? أمريكا.... تقريبا كدا في فضيحة أمريكاني سيكااا المعلم ترامب طلع وقال ان الصينيين بيتواصلوا معاه لعقد إتفاق تجاري هيفاجئ بيه العالم وان الصين خلاص ركعت لإرادته وبتتفاوض معاه!! الخارجية الصينية طلعت حلفت بالطلاق تلاتة ان مافي حد إتصل بيه اصلا ولا حد إتفاوض معاه..!! الله اومال مين اللي بيكلم ترامب وبيتفاوض معاه يا جدعان !!! الصينيين قالوا... تقريبا كدا الفضائيين.... اه والله قالوا كدا وبعدين رجعوا قالوا كدا الموضوع زاد عن حده... إحنا بنشك تقريبا كدا وزير الخزانة الأمريكي، سكوت بيسنت جاب عيال شكلهم صيني وضحك على ترامب وفهمه ان دا وفد صيني جاي يتفاوض معاه و أوهم الرئيس ترامب بأنهم مفاوضون سريون من الجانب الصيني.... ليؤدوا أمامه مسرحية "نحن نتفاوض". اللي هو آهه احنا بنتفاوض مع الصينيين وادعيلنا بقا ان ربنا يوفقنا على المصيبة اللي انت لبستنا فيها...!! ودا خلى وزارة الخارجية الصينية تقول ان هو دا التفسير الوحيد اللي يفسر التناقض الظاهر بين نفي الصين وجود أي مفاوضات مع الولايات المتحدة، وبين تأكيد ترامب قائلاً: "ما زالوا يتحدثون" هتسألني وتقولي طب يا عبده وزير الخزانة الامريكي هيعمل المسرحية دي ليه ....؟؟ هقولك الصينيين بيقولوا .... من الواضح أن بيسنت كان تحت وطأة ضغوط شديدة؛ فمن جهة كان ترامب يلح عليه بالإسراع في فتح قنوات التفاوض مع الصين، ومن جهة أخرى كان عاجزاً عن تحقيق أي تواصل حقيقي مع بكين. فقالك تتصرف كيف يا عبدالرحيم ...تتصرف كيف يا عبدالرحيم؟؟ قالك بس تاهت ولقيناها... احنا نأجر ممثلين شبه الصينيين ونقوله الصين بعتت وفد للتفاوض وادينا بنتفاوض سرا !! المصيبة ان دي مش أول مرة تحصل فالتاريخ ..!! هتقولي معقول حصل كدا قبل كدا يا عبده ؟؟ هقولك الصينيين بيقولوا ان وقعت حادثة مشابهة سنة 1592... خلال الحرب بين الصين واليابان في كوريا... لما لجأ أحد الجنرالات اليابانيين إلى تاجر صيني... فوكل إليه مهمة التفاوض الرسمي باسم أسرة مينغ الصينية، في مسرحية مفاوضات مصطنعة لخدمة مصالح ملك اليابان.... ومثل هذه المفاوضات الزائفة قد لا تدوم طويلاً، لكنها غالباً ما تكفي لكسب الوقت في لحظة حرجة.... ،???? وع الناحية التانية من الكوكب ..... ????????إسبانيا... لا مش إسبانيا بس....!!! دي إسبانيا والبرتغال وأجزاء كبيرة من فرنسا هتقولي خير يا عبده حصل إيه ...!!! هقولك في ٣ مليون مواطن من إسبانيا والبرتغال ومناطق شاسعة من فرنسا صحيوا من النوم الصبح الكهربا مقطوعة تماما وكل ما هو ليه علاقة بالتكنولوجيا متوقف تماما...!!! من مطارات ومحطات قطار وسكك حديد واشارات مرور واتصالات ومستشفيات وبنوك ومحطات بنزين وأبراج الاتصالات والنت.... شلل تام حرفيا في ٣ مليون مواطن في اوروبا حياتهم توقفت مرة واحدة ورجعوا للعصور الوسطى ولحد دلوقتي محدش عارف سبب انقطاع الكهربا !!! الكلام كله ان في هجمة سيبرانية على كل محطات الكهربا والمولدات الاحتياطية ادت لشلل اسبانيا والبرتغال وفرنسا طب مين اللي عمل كدا ؟؟ محدش عارف !! طب العطل فين ؟؟ برضوا محدش عارف !!! الكوكب بقا مريب جدااا ???? ،???? وع الناحية التانية من الكوكب ... ???????? روسيا... المعلم بوتين طلع وقال.... بسم الله الرحمن الرحيم إحنا هنوقف العمليات العسكرية في أوكرانيا من يوم ٨ ليوم ١٨ الشهر الجاي.... إشمعنى يا عبده يا ابو محمد !!! الراجل لم تلت اوكرانيا اللي فيهم اهم خمس اقاليم اوكرانية وبيقولهم لو عايزين تتفاوضوا إشطة إعترفوا الاول رسميا ان الخمس أقاليم دول تبع روسيا وبعدها نقعد نتكلم طبعا دا كله بعد ما روسيا إستعادة إقليم كورسك كله من إيد الاوكران ومبقاش الاوكرانيين معاهم اي ورقة ضغط على روسيا او تفاوض !!! يعني الراجل حطلهم العقدة فالمنشار رسمي فهمي نظمي وبيقولهم إعلنوا الهزيمة والإستسلام انما بوتين هيوقف الحرب من أجل إحتفالات عيد النصر الروسي واللي هيحضر الاحتفالات رئيس الصين شي جين بينج بنفسه وفي كلام ان السيسي هيحضر ???? ???????? وع الناحية التانية من الكوكب... ???????? إيران... إيران بقا من يومين حصل فيها أكبر كارثة ف أكبر وأهم ميناء بحري عندهم ميناء بندر عباس دا فنفس الوقت اللي حصل فيه هجوم سيبراني على كل المفاعلات النووية عندهم طبعا وسم الله الرحمن الرحيم ومنغير تفكير مين اللي ورا الليلة دي كلها...؟؟ المتخرتأين مفيش كلام !!! وخصوصا لما حضرتك تعرف ان الإنفجارات حصلت في كونتنرات كانت متحملة وقود صواريخ كانت ايران مستورداها علشان مشروع الصواريخ بتاعها هتسألني وتقولي الله طب ازاي يا عبده !!! دا الايرانيين كانوا خلاص هيتفقوا مع الامريكان وحاجة زي الفل وشغل على مية بيضا هقولك ما ده ضد رغبة الاسرائيليين علشان كدا الضربة جت بعد تصريح ترامب لما قال ان النتنياهو مش هيجبرني على حرب الايرانيين !! وبعدين اصلا لو ركزت فخطة ضرب ايران اللي اتسربت للإعلام هتعرف انهم كانوا ناويين يضربوا كل المواني الايرانية وكل المفاعلات وكل البنية التحتية وجه الاتفاق الايراني الامريكي وقف كل حاجة ....!!! أربط بقا الانفجارات دي باللي بيحصل بين باكستان والهند والحشد العسكري الضخم بينهم لدرجة ان الحكومة الباكستانية طلعت وحلفت بأيمانات المسلمين ان اللي ورا الليلة دي كلها إسرائيل والهند مش مصدقاهم ونازلة حشد فجيوشها على الحدود مع باكستان وباكستان نازلة حشد فجيوشا على الحدود مع الهند وطبعا الصين فضهر باكستان وأمريكا فضهر الهند !! السؤال هنا.... ليه الإسرائيليين مصممين يدخلوا أمريكا فحرب عالمية ...!!! ???????? وع الناحية التانية من الكوكب... ???????? الصين... لو عايز تعرف ان الصينيين خلاص قرو الفاتحة على روح امريكا فلازم تعرف ان الصين خلاص مش هتستورد طائرات ركاب تاني من شركة بوينج او ايرباص الامريكية وبدأت تصنع طائرة ركاب صينية أكثر تطورا وتكنولوجيا عالية واسرع وأأمن وأرخص سعرا... مش كدا وبس...!! دي روسيا كمان دخلت مجال صناعة طائرات الركاب وبكدا فخلال خمس سنين هيتم إعلان إفلاس أكبر وأهم شركتين في صناعة الطائرات فالعالم شركة بوينج وإير باص الامريكية اللي هما من أعمدة الإقتصاد الامريكي ???????? وع الناحية التانية من الكوكب.... ???????? كوريا الشمالية... ولأول مرة الزعيم الكوري الشمالي المعلم كيم طلع النهاردة وقال أيوا احنا بعتنا الجيش الكوري لروسيا وهو اللي حرر منطقة كورسك الروسية من اوكرانيا واللي هيرش روسيا بالمية هنرشه بالدم طلع بوتين النهاردة وقال.... حبيبي وصاحبي وشقيقي المعلم كيم اللي كان منورنا برجالته .... ألف شكر يا اسطى على الواجب وانا باخد عهد على نفسي وعلى روسيا اللي هيقرب من كوريا الشمالية هاكله بسناني ???????? وع الناحية التانية من الكوكب... ???????? سوريا... فسوريا بقا في كوميديا سودا على دماغهم ودماغ اللي جابهم الجولاني بيحشد قواته بالقرب من ريف حلب وقسد اللي هما الاكراد او قوات سوريا الديمزدوقراطية المدعومين من امريكا بتحشد برضوا قواتها لا حضرتك مش بيحشدوا قواتهم لمواجهة اسرائيل !!! دول بيحشدوا ضد بعض وهينزلوا طحن فبعض حضرتك !! ???????? وع الناحية التانية من الكوكب.... ???? كوكب تحيا مصر ???? ،???? وفكوكب تحيا مصر.... النهاردة عبدالفتاح البرهان قائد الجيش السوداني إبننا وابن الكلية الحربية المصرية جاي يدي التمام للقائد الاعلى للقوات المسلحة المصرية عبدالفتاح السيسي وانا هنا لما بقول القائد الاعلى للقوات المسلحة المصرية يعني هو قائد أعلى على كل الجيوش من اول مصر للسودان لليبيا لحد الصومال ???? هو مش قالكم ووعدكم انها ام الدنيا وهتبقا قد الدنيا ???? ،???? كمان فكوكب تحيا مصر... المعلم اوبح.... ممم أقصد ترامب طلع وقال .... أمريكا مش هتدفع رسوم مرور في قناة السويس ولا قناة بنما !! ليه يا معلم اوبح ؟؟ قالك مزاجي كدا !! طب مش عايز بالمرة يعني مندفعش الأمريكيين تذاكر فالمطارات و المواصلات عندنا فمصر فالقطارات والإتوبيسات.... مهي ظاطت بقااا طب بص يا معلم اوبح ... هنصحك نصيحة لوجه الله علشان انت شكلك متعرفش السيسي كويس السيسي مبيتهددش ومبيتلويش دراعه.... ولا حد ماسك عليه سيديهات إشتري مني بس ودماغه ناشفة ولو حطك فدماغة أقسم بالله أمريكا مش هتشوف يوم عدل ولقطة المناورات الحربية مع الصين دي كانت لحسة من طرف المعلقة إنما لو كترت فالكلام ....!! هتلاقي السيسي من الصبح موقع شراكة إستراتيجية شاملة مع الصين وروسيا ويبقا وريني أمريكا هتعدي تاني ازاي من البحر الاحمر لو دكر عدي من قناة السويس منغير ما تدفع رسوم... ياا أسطى دا بيدفع المصريين نفسهم رسوم على كارتة كوبري تحيا مصر مش هيدفعك انت رسوم فقناة السويس ... انت عندك خال أهبل ؟؟ ،???? كمان فكوكب تحيا مصر.... بلومبرج بتقول.... الصادرات المصرية غير النفطية بتقفز ٢٧٪ ف اول ٣ شهور من السنة يعني ايه الكلام ده يا عبده ؟؟ شوف يا سيدي يعني مصر ربنا كرمها ووفقها والمصانع المصرية زودت الإنتاج وزودت تصديرها للخارج هيطلعلك دلوقتي واحد زي الخازوق يقولك وهي مصر بتصنع حاجة ؟؟ بص انت متردش عليه عادي كدا !! لا انت تقلع اللي فرجلك وتديله على دماغه علشان دماغه تتظبط ويفهم ان مصر فخلال اول ٣ شهور بس من السنة دي ٢٠٢٥ قدرت تزود الانتاج والتصدير الصناعي بنسبة ٢٧ ٪ ووصل ١٢ مليار دولار في ٣ شهور بس ودا مش كلامي دا كلام وكالة بلومبرج حضرتك وبلومبرج بتسأل وبتقول لما مصر فظل الظروف العالمية المنيلة بستين نيلة دي وفظل ظروف المنطقة قدرت تزود الانتاج والتصدير اومال لو الظروف العالمية كانت مسعداها كانت عملت ايه ؟؟؟ ،???? كمان فكوكب تحيا مصر.... الغواصة الصينية المتطورة 039A ذات القدرة على الإختفاء تماما من الكوكب ???? ودا بقا اللي هنحكيه البوست اللي جاي علشان انا طولت عليكم كفاية كدا ..... وتقعدوا بالعافية ???????? يديمك ???????? بيعيرونا بفقرنا ...... بس أنا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ???????? كتبه ✍️ ( عبده)