آمال ماهر تصدر بيانًا جديدًا .. وطلب خاص لجمهورها ينتهي بـ«لله أُقدم شكوتي وحسبي الله»
وجهت الفنانة آمال ماهر، رسالة إلى جمهورها، الأربعاء، تتحدث عن أزمتها الحالية.
وقالت آمال ماهر في رسالتها:
جمهوري العزيز
ربنا وحده عالِّم مساندتكم ليّا ودعمكم تأثيره عليا كان عامل إزاي في أسوء ظروف عدت عليّا في حياتي
لو أقدر أروح لكل إنسان وإنسانة أشكرهم بنفسي مش هتأخر
ربنا جعلكم سبب يقويني في أضعف لحظات حياتي وأكبر إبتلاءات حياتي ...
ربنا كريم وقوي وجبار وهو المُعز والمُذل،
كلي إيمان بإن لو الكون كله إجتمع علشان ينفعوا أو يضروا إنسان مش هينفعوه أو يضروه إلا بما كتبهُ الله له..
كل اللي طلباه منكم دعواتكم في صلاتكم في المساجد والكنائس ..
الشكوىٰ لغير الله مذلة،
ولله فقط بـ أُقدم شكوتي، ومن الله فقط أنتظر الفرج والجبر والنصر وجزاء الصبر والاحتساب على كل ما يعلمهُ الله ..
حسبي الله فهو نعم المولىٰ ونعم النصير
اللهم لك الحمد على كل شيء اللهم لك الحمد في الضراء قبل السراء.. فكل قدرك وقضائك خير يا رب..
وهيفضل حبكم ودعمكم أعظم وأهم منحة من الله منحني بيها في أكبر محنة في عمري كله..
وأي تماسك أو صلابة أنا فيها سببها سند ربنا اللي سندهولي بيكم..
دعواتكم
