حريق الدائري مش مجرد حادثة تمر من قصادها مرور الكرام ، دي حدوتة مدهشة
اليوم الاخباريحريق الدائري مش مجرد حادثة تمر من قصادها مرور الكرام ، دي حدوتة مدهشة
بدأت بمجيء شاب ريفي غلبان للقاهرة ، أشتغل في بيع الشباشب ، و لف سنين على المحلات ببضاعته ، لحد ما ربنا كرمه و فتح محل أحذية صغير و فتح فرع تاني و تالت
بعدها أشترى حتة أرض ، حقق عليها حلم عمره ، برج سكني مكون من 14 دور ، سماه عمارة الأحلام ، و أنشأ في أول 3 أدوار مصنع الأحذية إللي ولع ، و راحت معاه العمارة و الأحلام ، و أتشردت بسببه 102 أسرة !!
تبص من الناحية دي تلاقيها قصة شاب مكافح ، صعد من القاع للقمة
تبص من الناحية التانية تلاقيها قصة إنسان جشع خالف ضميره ، صرف على البرج بس أستخسر يصرف على الأمان في البرج ، و ضيع الناس و ضيع نفسه !!
و هو ده حال كل حاجة فيكي يا مصر يا كل حاجة و عكسها ...... إلى آخر أبيات عمنا جاهين : ظلماك و برضو بتنصفك
( وَمَنْ يُبَدِّلْ نِعْمَةَ اللهِ مِنْ بَعْدِ مَا جَاءَتْهُ فَإِنَّ اللهَ شَدِيدُ الْعِقَاب ) ✋
⇧