انتهاء ترامب سياسيا في امريكا بعد الانتخابات
????????????ترامب شبه انتهى سياسيا .
????. الوضع كدة خلاص رسمي.. ترامب هيقضى بقية ولايته كبطة عرجاء مش قادر يهش ولا ينش من غير ما يرجع للكونجرس، وده معناه إن مفيش ولا قرار هيعديله بسهولة..
????انتهى العصر ده تماما الفترة الجاية كلها هتبقى عبارة عن تحقيقات ومحاولات عزل قوية جدا ، وربما كمان محاولات لتنحيته بمخارج دستورية زي التعديل الـ 25 بحجة عدم اللياقة الذهنية.. وهي حجة واضحة وموجودة فعلاً زي ما كانت عند بايدن.
????أحياناً المشهد اللي بتشوفه نصر كاسح، بيكون هو بداية الهزيمة الحقيقية. ترامب لما كسب من سنتين بفارق كبير، شاف إنها فرصة يبرطع براحته ويطرد كل الأصوات العاقلة اللي كانت حواليه في ولايته الأولى، ومسبش جنبه غير شوية طبالين وزمارين.
????والنتيجة؟ ورط نفسه في حرب استنزف ا وعد ناسه إنه مش يخوضها، استنزف اقتصاد بلده .. وفشل في كل وعوده البراقة من سلام عالمي لسحر اقتصادي.. وبدل كل ده، المواطن الأمريكي لقى نفسه بيطلع عينه في سعر البنزين والغلاء.
????اللي حصل ده كان متوقع من فترة ومفيش فيه أي مفاجأة، المفاجأة الحقيقية كانت هتبقى لو الجمهوريين حققوا أي نتيجة عدلة. وترامب بنفسه هو اللي بوظها لما تدخل شخصياً في اختيار المرشحين وقال للناس "اعتبروا الانتخابات دي عليا أنا".. فجاء يكحلها عماها، والنرجسية دي دايماً آخريتها وحشة.
????في الآخر.. السنتين الجايين هيعدوا والبطة العرجاء هتمشي غير مأسوف عليها من أي حد، حتى اللي فاكرهم أصدقائه هنا هيتمنوا الفراق.
????والنتائج دي لازم تكون درس لكل ظالم افتكر انه بيحكم الارض ويهلك شعوب كاملة لأن النهاية في الحالات دي عمرها ما بتكون رومانسية، وأفضل حاجة يقدر يعملها وقتها هي الرحيل المنظم.. نهاية مفيش اسوء منها تخيل تبقى شايف نفسك ملك الارض وفي النهاية تتحول لخيال مآته ممكن في اي وقت تتعزل
⇧
