امريكا و اسرائيل تلعب بالنار في القرن الافريقي

???????????? اللـعب بالنــار بـ.دأ في القرن الإفريقي .. ???????? رصد طائرات عسكرية فوق "أرض الصومال" .. وخطوات لتدشين قاعدة أمريكية إسرائيلية للتحكم في باب المندب .. رقعة الشطرنج بتتوسع والكل بيحجز مكانه في "تورتة" البحر الأحمر .. ومقديشو والقاهرة وأنقرة في موقف صعب أمام أمر واقع بيهدد أمنهم القومي. تعالوا نفكك التحركات الأخيرة دي، ونشوف خريطة التحالفات الجديدة ومين مع مين بالظبط.. ???? ???? خلينا نبدأ بالمشهد اللى صوره السكان المحليين يوم (الخميس) ورصدوا فيه طائرات أمريكية من طراز (V-22 Osprey) بتحلق علي أرتفاع منخفض فوق مدينة "بربرة" الساحلية...الموضوع ده حصل بعد زيارات لقيادات من الجيش الأمريكي في "أفريكوم" مع وفد أمريكي رفيع المستوى بقيادة "داغفين أندرسون" ... و قائد القيادة الأمريكية في إفريقيا، مع رئيس الأقليم الأنفصالي ( والغير معترف به دوليا ) "عبد الرحمن محمد عبد الله" وقيادات عسكرية في هرجيسا...و أشارت تقارير أنهم ناقشوا مقترحات وخطط لتدشين منطقة عسكرية أمريكية في مدينة بربرة الاستراتيجية المطلة على البحر الأحمر... يعني بسم الله كده، أحنا قدام خطوات عملية لفرض أمر واقع عسكري جديد في المنطقة.. الكلام كان علي قاعدة إسرائيلية ... لكن تل أبيب قررت تلعبها صح ومتدخلش الخندق غير بحامي الحمي .. لتخويف كل الأطراف.. بالماما امريكا. ???? الكارثة الأكبر بقى هي التوقيت والتحالفات.. التحركات دي بتيجي بعد تطورات خطيرة ... سبحان الله إسرائـ.يل اللي مكنتش لاقيه حد يعترف بيها بقت النهاردة أول دولة في العالم تعترف بـ "أرض الصومال" كدولة مستقلة وتقرر تستضيف رئيسها وتبدأ في بناء علاقات دبلوماسية وتبادل سفارات ..يعني اللعب عالمكشوف وأمريكا وإسرائيل بيصنعوا كيان جديد وبيدعموه عسكرياً عشان يكون مسمار جحا ليهم في البحر الأحمر. طيب ليه أمريكا بتعمل كده دلوقتي؟ ????السبب واضح ... بأن أمريكا عاوزة تسيطر على الملاحة في البحر الأحمر ومضيق باب المندب وزادت رغبتها مع التوترات الأخيرة... واشنطن بتدور على "الخطة ب"... وقاعدة "بربرة" هي البديل الاستراتيجي ونقطة دعم لوجستي متقدمة ممكن توسع بيها نفوذها بعيد عن زحمة القواعد في جيبوتي وكينيا. طبعاً أمريكا بتغلف كل التحركات دي بحجة "محاربة الإرهـ*اب" وضرب "حـ.*ـركة الشـ.*باب".. بس الحقيقة اللي واضحة زي الشمس إن الهدف جيوسياسي بحت... وهو السيطرة على القرن الإفريقي وتأمين خطوط التجارة لإسرائيل وأمريكا بالقوة العسكرية ..والتحكم في طرق الملاحة الدولية أستعداداً لعزل الصين وروسيا أقتصادياً ..حتى لو التمن هو تقسيم الصومال وتهديد الأمن القومي لدول أخري. ⚫ اللعبة دي لن تمر مرور الكرام لأن مقديشو (الحكومة الفيدرالية الصومالية) اعتبرت إن الاعتراف الإسرائيلي وبناء القاعدة الأمريكية هو إعلان حرب... وألغت اتفاقيات، واستدعت سفراء، وقررت تستخدم كل أوراقها عشان تخنق الكيان الانفصالي ده بكل الطرق القاهرة تدخلت فعلاً .. لأنها شايفه إن القاعدة دي بتمثل تهديد مباشر لقناة السويس وبتقوي أثيوبيا أكتر ... وبالفعل وقعت اتفاقيات دفاع مشترك مع مقديشو، وبدأت ترسل دعم عسكري مباشر من أسلحة ومعدات وقوات محدودة (حتي الآن لم ترسل الدعم الكامل من القوات ) .. القاهرة كمان وسعت من تحالفاتها مع إريتريا وجيبوتي في محاولة لتطويق أي تمدد إسرائيلي أو إثيوبي. ???? والمشهد مكملش من غير اللاعبين الإقليميين التقال.. زي تركيا أنقرة موقعة اتفاقية دفاع مشترك وتأمين بحري مع مقديشو وموقفها واضح ( حتي الآن) في النقطة دي إنها مع الصومال كحليف إستراتيجي... وبالمناسبة تركيا مكتفتش بتدريب الجيش الصومالي في أكبر قاعدة عسكرية ليها بره حدودها، دي كمان أرسلت سفن حربية لتأمين السواحل. (تخيلوا إن تركيا ومصر اللي كان بينهم تنافس إقليمي، لاقوا نفسهم فجأة في خندق واحد" بيدعموا مقديشو ضد المخطط ده" ). ???? على الناحية التانية، دول الخليج بتلعب أدوار معقدة جداً مثلاً الإمارات اللي مصر بتعتبرها حليف حالياً .. بتلعب ببراجماتية شديدة في الملف ده ... لأن ليها استثمارات ضخمة في إدارة وتطوير ميناء بربرة الاستراتيجي... وكالعادة أبوظبي بتدور على تأمين خطوط التجارة ونفوذها الملاحي وحماية أستثماراتها اللي كلنا عارفينها (العابرة للقارات) .. وطبعاً علاقتها قوية بإثيوبيا فده بيخلي مصالحها تتقاطع مع التحركات الأمريكية والإسرائيلية هناك .. ومقديشو بتنظر للتحركات دي وبتتعامل معاها بحذر شديد . ????أما "السعودية"، فهي صمام الأمان ... الرياض يهمها أمن البحر الأحمر عشان حدودها و مشاريع رؤية 2030 زي نيوم( اللي بالمناسبة اتجمدت بعد ما تل الزبيب استنزفتها )..المهم السعودية اكتفت بأعلان دعمها الكامل لوحدة الصومال ورفضها لأي مساس بسيادة مقديشو وبتحاول تستخدم الدبلوماسية الناعمة علي أمل إنها تمنع حريقة على حدودها البحرية فبتكتفي بالضغط والتهدئة. ???? بأختصار كده.. اللي بدأ كـ « لعبة شطرنج » سياسية ومحاولة أمريكية للسيطرة على المضايق، ممكن يتحول لـ حرب إقليمية مصغرة بالوكالة... حالياً كل قوة إقليمية ودولية بترمي ثقلها هناك.. واتشكل قدامنا محورين ...محور (أمريكا، إسرائيل، إثيوبيا، وأرض الصومال) بيحاول يفرض أمر واقع... ومحور (مصر، تركيا، والصومال) بيحشد عسكرياً عشان يمنع الكارثة دي.. يعني القرن الإفريقي مبقاش منطقة توتر... ده بقى قـ.ـنبلة موقـ.ـوتة ممكن تنفجر في أي لحظة وتضـ*رب الملاحة العالمية في مقـ.*تل . تفتكروا التحالف (المصري - التركي - الصومالي)قادر يصد المخطط الأمريكي الإسرائيلي هناك ؟ ولا لغة المصالح والتحالفات هتفرض أمر واقع جديد في البحر الأحمر؟ ....... شاركوني توقعاتكم ⁉️ صباحكم جميل???? ???? اللـعب بالنــار بـ.دأ في القرن الإفريقي .. رصد طائرات عسكرية فوق "أرض الصومال" .. وخطوات لتدشين قاعدة أمريكية إسرائيلية للتحكم في باب المندب .. رقعة الشطرنج بتتوسع والكل بيحجز مكانه في "تورتة" البحر الأحمر .. ومقديشو والقاهرة وأنقرة في موقف صعب أمام أمر واقع بيهدد أمنهم القومي. ???? اللـعب بالنــار بـ.دأ في القرن الإفريقي .. رصد طائرات عسكرية فوق "أرض الصومال" .. وخطوات لتدشين قاعدة أمريكية إسرائيلية للتحكم في باب المندب .. رقعة الشطرنج بتتوسع والكل بيحجز مكانه في "تورتة" البحر الأحمر .. ومقديشو والقاهرة وأنقرة في موقف صعب أمام أمر واقع بيهدد أمنهم القومي.