اتفاقية مصرية سعوديه صومالية
????????????الخريطة في منطقة القرن الإفريقي والبحر الأحمر بتترسم من جديد، والموضوع مابقاش مجرد تصريحات، ده دخل في "الجد" ومرحلة التحالفات العسكرية الثقيلة.
????الشرارة ولعت لما "إسرائيل" عملت حركة جريئة وقررت تعترف رسمياً بإقليم "أرض الصومال"، وبقت هي الوحيدة في العالم اللي معترفة بيهم.
????الحركة دي مش بس ضايقت الصومال، دي قلقت المنطقة كلها لأنها بتهدد أمن البحر الأحمر وبتلعب في "وحدة الأراضي العربية".
????المملكة العربية السعودية ماوقفتش تتفرج. الرياض دلوقتي بتضع اللمسات الأخيرة لاتفاقية تحالف عسكري بيجمعها مع مصر والصومال.
????الهدف واضح، تأمين ممر البحر الأحمر، وحماية الصومال من أي محاولة لتقسيمها، والوقوف في وش أي تدخلات غريبة في المنطقة.
????الأخبار بتقول إن الرئيس الصومالي، حسن شيخ محمود، هيطير قريب جداً للسعودية عشان يمضي الاتفاقية دي.
???? الصومال في الفترة الأخيرة بقت بتنضف بيتها من جوه، لدرجة إنها لغت كل اتفاقياتها الأمنية والاقتصادية مع "الإمارات" لأنها شافت إن الخطوات اللي فاتت بتمس سيادتها.
????مصر مش غريبة عن المشهد، ده من السنة اللي فاتت والقاهرة ماضية اتفاق عسكري منفصل مع مقديشو، وبتبعت رسالة للعالم كله إن "أمن الصومال من أمن مصر".
????وجود مصر في التحالف الجديد ده مع السعودية بيدي له "ثقل عسكري" و"شرعية إقليمية" مرعبة لأي حد بيفكر يغير قواعد اللعبة.
????ليه التحالف ده قالب الدنيا؟ البحر الأحمر هو شريان التجارة العالمي، والسيطرة عليه يعني السيطرة على القرار.
???? التحالف ده بيقول "لا" لتقسيم الصومال أو الاعتراف بالأقاليم الانفصالية.
????وبيطلق رسالة لتل أبيب، إن اللعب في "الحوش الخلفي" للعرب له تمن، والرد هيكون بتكتل عسكري مش بس كلام.
⇧
