لفه حول كوكب الارض مع عبده

????????????أهلا بيكم مع عبده في .... ???? أخبار الكوكب ???? ،???? كوكب الأربعاء ٢٢/١٠/٢٠٢٥ واللي مش متابع الاخبار... بسرعة يحضر فنجان القهوة المظبوط علشان هناخد لفة في اخبار الكوكب ... ومطولش عليكم وقولولي لاء طول ... ،???? كلومبيا.... كلومبيا دي دولة ف امريكا الجنوبية إقتصادها كله قايم على المخدرات وخصوصا الكوكايين... ايوا حضرتك الكوكايين بتاع المخدرات مش بتاع البنج الدولة كلها شغالة دكتور بنج للعالم كله.... الكوكايين اللي فالعالم كله خارج من كلومبيا الأمم المتحدة بقا لسة مطلعة تقرير وبتقول فيه ... إن بحمد لله وبفضله وكرمه وخمسة فعين اللي ميصلي ع النبي.... كلومبيا وصلت لمستوييات قياسية عالمية في إنتاج الكوكايين آه والله قالت كدا...!! كدا بقا عندنا أفغانستان فالشرق بتنتج أفيون وكلومبيا فالغرب بتنتج كوكايين وحاجة ما شاء الله !! هما لسه هيوجعوا قلبهم وقلب شعبهم ويعملوا إصلاح إقتصادي ويبنوا مصانع وطرق ومواني ويغلوا البنزين....!! لا يا باشا الناس دي إشتغلوا على نفسهم وكيفوا شعبهم وبقوا أكبر منتج للكوكايين فالعالم ،???? وع الناحية التانية من الكوكب.. ،???? اليمن .... اليمن دي دولة عربية كان إسمها زمان ... اليمن السعيد النهاردة اليمن أصبحت دولة فاشلة من إمبارح اليمن كلها مفيهاش لمبة واحدة منورة !!! كل محطات الكهرباء تعطلت تماماا كل محطات الكهرباء في عدن وباقي المدن اليمنية مفيهاش لتر ديزل واحد يشغلها !!! إنتوا متخيلين الفشل وصل لحد فين !!! الشعب اليمني الله يكون في عونه اصبح يعيش فالعصور الوسطى !! خد بالك دا فالوقت اللي مصر فيه بتبني محطات كهرباء بالطاقة النووية فالضبعة علشان تكون غول الطاقة فالعالم !! فنفس الوقت اللي مصر واليونان وقبرص بيعملوا شبكة ربط للكهرباء لتصدير الكهرباء لاوروبا فنفس الوقت اللي مصر ربطت شبكة الكهرباء مع شبكة كهرباء السعودية انا بقول الكلام ده ليه وبفكرك بيه يا صديقي ..!! علشان تعرف الفرق بين الدولة الفاشلة والدولة اللي بتبني نفسها للوصول للعالمية !! ،???? وع الناحية التانية من الكوكب .... ???? أمريكا .... كوكب الكوميديا...!! والله المعلم عجة .... ترامب سابقا بقا كوميدي بشكل فظيع طبعا كلنا عارفين المظاهرات اللي طلعت في امريكا ضد ترامب وبيقولوا فيها امريكا مش ملكية يا ترامب !!؟ ترامب يسكت .... ابداا راح منزل فيديو على صفحته الرسمية وهو راكب طيارة ولابس تاج الملك....!!! هتقولي بس كدا يا عبده ؟؟ هقولك لا طبعااا دا وهو راكب الطيارة ولابس التاج بيرمي قاذورات على المتظاهرين ضده !!! اللي هما الشعب الأمريكي ...!! هتلاقوا الخبر تحت فالكومنتس ...!! والله ترامب بقا كوميدي موووت ???? ،???? وع الناحية التانية من الكوكب .... ،???? تركيا.... في تركيا بقا بلاد خليفة المسلمين وناصر المظلومين !!! في فضيحة كبيرة جدا هزت تركيا تخص واحد إسمه سعد الدين كاراغوز !! مين بقا سعد الدين كاراغوز دا يا عبده !!! دا يا سيدي صاحب اكبر جمعية خيرية لمساعدة اللاجئين السوريين في تركيا والجمعية إسمها شريان حياة !! وفي جمعية تانية برضوا بتاعته إسمها طوق حياة !! الراجل الجميل الطيب اللي وشه مليان إيمان ده كان بيستغل اللاجئات السوريات في أعمال منافية للأداب !! دا غير انه متهم بالإعتداء الجنسي على سوريات كتير كانوا لاجئين للجمعية بتاعته وخصوصا في حي ألتنداغ التركي اللي مسميينه حلب الصغيره نظرا لان كل سكانه من اللاجئين السوريين !! هما تقريبا كدا السوريات مكنوش بياخدوا مساعدات من الجمعية بتاعته !! دول كانوا شغالين بعرق ..... ممممم واتيفر يعني أين انت يا جولاني ....!! أمااا آن لك ان تحرك الجيوش السورية لنجدة اللاجئات السوريات في تركيا ؟؟ ،???? وع الناحية التانية من الكوكب ... ،???? الصين ....!! ومن حرب المعادن النادرة !!! إلى حرب الفول....!! هتطلعلي عروسة البحر المتوسط الإسكندرانية وتقولي فول إيه يا عبده !! يعني الصين سابت الصواريخ والطيارات والبوارج البحرية والغواصات ورايحة تحارب أمريكا بالفول !!! هقولك شوفي يا ستي ....!!! الصين كانت بتستورد فول الصويا من أمريكا ...!! بس فشهر مايو اللي فات الصين حبت تعاقب امريكا على فرضها رسوم جمركية على منتجاتها فعملت إيه ...؟؟ اوقفت تماما إستيراد فول الصويا من أمريكا ودا سبب كارثة فمحصول الصويا في امريكا ولفلاحين امريكا طب هي الصين كانت بتستورد كتير من محصول الفول الأمريكي ؟؟ ااه يا ستي كانت بتستورد ٥٠٪ من إنتاج امريكا كلها !! الصين بقا عملت حركة صايعة جدااا وقفت الاستيراد من امريكا لدرجة ان الفلاحين في امريكا مش عارفين يودوا محصول فول الصويا فين دي الصين كانت بتاخده كله !! لدرجة إن سعر الطن العالمي كان وصل سنة ٢٠٢٣ ب ٤٠ الف جنيه النهاردة وصل ل ١٨ الف جنيه !! الصين بقا راحت أخدت محصولها كله من البرازيل والارجنتين !! والأمريكان مش عارفين يعملوا إيه فالمحصول اللي عندهم اللي بيقدر بملايين الاطنان من فول الصويا والفلاحين الامريكان إتخرب بيتهم !!؟ ،???? وع الناحية التانية من الكوكب .... ???? كوكب تحيا مصر ???? ،???? وفكوكب تحيا مصر ... القمة المصرية الأوروبية ....!!! النهاردة الزعيم السيسي في بروكسيل ...!! عزيزي متابع عبده لو إنت فاكر إن القمة دي هتبدأ من النهاردة ف أحب اقولك صحي النوم يا عزيزي !! علشان القمة دي بدأت من السنة اللي فاتت في مارس لما الإتحاد الاوروبي كله جه مصر ووقع على إتفاقية الشراكة الإستراتيجية الشاملة مع مصر ...!! ولو إنت فاكر ان السيسي زي اي رئيس بيوقع الإتفاقيات وبياخد اللقطة وينسى .... ف إنسى !!! ???? علشان السيسي رئيس بيهتم بادق التفاصيل وبعد سنة من توقيع الشراكة الإستراتيجية مع الإتحاد الاوروبي رايح علشان يوقع على تنفيذ المشاريع والإستثمارات الاوروبية في مصر من مشاريع طاقة وهيدر جين اخضر ونقل إستثمارات ومصانع....!!! السيسي مش رايح ياخد منهم دعم ولا رايح يقولهم إدوني منح أو قروض !! السيسي رايح علشان يجيب مصانع اوروبا هنا فمصر !!! علشان كدا القمة المصرية الاوروبية قمة غير عادية ...!! الإتحاد الاوروبي مبيعملش القمم دي مع دول عادية !! مبيعملهاش غير مع الدول العظمى !! النهارده أوروبا كلها 21دوله بربطة المعلم بيجتمعوا مع رئيس مصر علشان يناقشو مستقبل المنطقة ....!! القمة دي هي الأولى من نوعها بين الاتحاد الأوروبي ومصر على مستوى القمة الثنائية .... لما قارة كاملة تجتمع مع دولة واحدة اعرف ان الدولة دي مش دولة عادية دي كبيرة منطقتها ودولة لها وزنها وثقلها على مستوى العالم كله .... قمة زي دي مش بتحصل غير مع القوى العظمي بس زي (روسيا ، الصين ، امريكا)القمه تؤكد إن مصر رجعت تمسك خيوط اللعبة ومعاها مفاتيح اهم الملفات من الهجرة للأمن للطاقة للاقتصاد لغزة لإفريقيا كل العيون دلوقتي على مصر لأنهم فاهمين إن استقرار المنطقه وإفريقيا في إيديها....!!! معلومة صغنونة كدا .... يعتبر الاتحاد الأوروبي أكبر شريك تجاري لمصر، حيث استحوذ في 2024 على 22% من إجمالي معاملات مصر التجارية الخارجية.... كمان الإتحاد الاوروبي هو الوجهة الرئيسية للصادرات المصرية (26.5% من الإجمالي) وأكبر مصدر للواردات المصرية (19.9% من الإجمالي). النهاردة تفتخر إنك مصري وتفتخر إني عندك رئيس دولة عظمى !!! مش بقولكم ..... مع السيسي مش هتقدر تغمض عنيك ???? ،???? كمان في كوكب تحيا مصر ... فاكرين تريند فيديوهات الفلاحين فى 2016 وهما بيرفعوا تراب ناشف من عالارض ويقولوا نشفت ياسيسى مفيش ميه ياسيسى الترع كلها نشفت ياسيسى واثيوبيا هتعطشت مصر ؟ حط جنبهم بقا فيديوهات اعدام الكتاكيت وفيديوهات الكوبرى اللى مش عاجبهم وانت هتعرف ان أهل الشر هما اللى ورا كل ده ربنا بيقول..... " ٱلشَّيۡطَٰنُ يَعِدُكُمُ ٱلۡفَقۡرَ وَيَأۡمُرُكُم بِٱلۡفَحۡشَآءِۖ وَٱللَّهُ يَعِدُكُم مَّغۡفِرَةٗ مِّنۡهُ وَفَضۡلٗاۗ وَٱللَّهُ وَٰسِعٌ عَلِيمٞ " صدق الله العظيم أنا عمرى ما شوفت ناس بتخوف اهلها وناسها وشعبها من الفقر اللي جاي زي ما بشوف الأيام دي صحيح فى أزمة أقتصادية عالمية بس مصر ملهاش ذنب فيها وبنتأثر بيها طبعا.... بس الدنيا فمصر مش وحشة للدرجة دي ف اللي يقولك الدنيا فمصر خربانة وبايظة قوله ... ربنا قال الشيطان يعدكم الفقر..... وربنا بيوعدنا بالمغفرة والفضل الواسع .... الناس اللي طول النهار مسودة عيشتك بكلام يخليك تكره المستقبل هى دي رسالة الشيطان.... عيب بجد والله ننشر روح الخوف والهلع بين الناس.. إرحموا الغلابة و البسطاء يا ناس.... ده بدل ما تتكلموا عن المشروعات والمصانع وكل المنتجات المصرية الزراعية والصناعية اللي بقت فكل اسواق العالم.... إنشروا روح الأمل والتفاؤل وستر ربنا على الشعب المصري .... إنشروا رسايل الأمل واليقين من لطف ربنا ... بدل ما بتنشروا رسايل الشيطان.... كفاية كدا .... وتقعدوا بالعافية ???????? يديمك ???????? بيعيرونا بفقرنا ...... بس انا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ???????? صفحة محبى الرئيس عبدالفتاح السيسى تحيا مصر