لفه حول كوكب الارض مع عبده

????????????أهلا بيكم مع عبده في ... ???? أخبار الكوكب???? ،???? كوكب الأحد ٧/٩/٢٠٢٥ ،???? أمريكا .... المعلم عجة .... (ترامب سابقا ) صحي من النوم وقالك انا مش عاجبني اسم وزارة الدفاع !!! ليه يا عم الحج !! قالك مزاجي كدا !! اومال عايز تسميها إيه ؟؟ قالك عايز اسميها وزارة الحرب ???? يا مثبت العقل !!! طب ليه يا عم الحج ؟؟ قالك منا لازم أرد على العرض العسكري اللي عملته الصين !! والهند وروسيا بقوا فحضن الصين وانا لازم اوريهم العين الحمرا !!! ايوا يعني هتعمل إيه ؟؟ قالك هطلع ع السجل المدني اللي فالوحدة الصحية التابعة ليها واشنطن وأغير اسم وزارة الدفاع واخليها وزارة الحرب !! يا مثبت العقل !!! قالوله للأسف مينفعش ولازم موافقة الكونجرس !!! قالهم مليش دعوة.... !! وراح متصل على وزير الدفاع الامريكي بيت هيغيست وقاله انت من النهاردة مش وزير دفاع !! انت من النهاردة وزير الحرب !! بيت هيغست قاله اشطة يا برنس .... انا جاي معاك في أي مصلحة وراح طالع مغير يفطة مكتبة من مكتب وزير الدفاع وحط مكانها يافطة وزير الحرب...!! فاكرين اسماعيل ياسين ففيلم العتبة الخضرا لما غير يافطة ميدان العتبة !!! وخلاها ميدان عديلة ....إش ام ام اهو دا اللي حصل حرفيا في وزارة الدفاع الامريكية ???? ،???? وع الناحية التانية من الكوكب .... ،???? إنجلترا... يعني مملكة الضباب...!! بس انا مش جاي أكلمكم عن إنجلترا وبس !! لا دا في مصيبة اكبر مما يستوعبها البشر بتواجه نص اوروبا مش انجلترا وبس وحوض البحر المتوسط كمان ومحدش بيتكلم عنها !! تخيل يا صديقي ... الدولة المصرية الوحيدة هي اللي رصدتها وبتتحرك فيها !! فاكرين البوست اللي فات ف اخبار الكوكب لما قولتلكم مصطفى مدبولي كان فالصين وقعد مع رئيس شركة الصناعات الهندسية للطاقة المتجددة علشان يعمل اكبر مصنع لتصنيع محطات تحلية المياه فالكوكب !! فاكرين لما قولتلكم ان مصر بتستهدف انتاج ٣٠ مليون متر مكعب فاليوم من تحلية مياه البحر !! عارفين ليه ؟؟ علشان في كارثة بتحصل فالكوكب ومحدش بيتكلم عنها.... الكارثة هي موجة الجفاف اللي بتضرب الكوكب و اللي بتزيد كل سنة عن السنة اللي قبلها !!! انا بس عايزك تعرف وتتأكد ان الدولة المصرية بتتحرك في ملفات خطيرة جدا المواطن المصري ميعرفش حاجة عنها ولا يمكن تيجي فباله اصلا!! ملفات بتمثل قضية وجود وبقاء ... حياة او موت بالنسبة للشعوب هتقولي معقول يا عبده للدرجة دي !!! شوف يا صديقي.... ،???? الجفاف !! نص أراضي قارة اوروبا وحوض البحر المتوسط بيواجه موجة جفاف محصلتش فالتاريخ ..... ومحدش بيتكلم ولا حد بيتحرك !! دا مش كلامي حضرتك !! دا كلام المرصد الاوروبي للجفاف اللي طلع وقال من شهرين.... إن الأقمار الصناعية رصدت ان أوروبا الشرقية بتوعاني من جفاف شديد لدرجة ان المجر وصربيا وكوسوفو وبلغاريا نص الاراضي فيهم نشفت تماما والزراعة انهارت من الجفاف دا بلغاريا انقطعت المياه تماما عن ١٥٦ الف شخص ونزحوا من اماكنهم ..... ولا حد جاب سيرتهم !! فالمجر ... المرصد الاروبي بيقول ان الجفاف ضرب ٤٧ ٪ من أراضيها والموضوع بيزيد كل سنة !! مش كدا وبس !!! طب اوروبا الغربية !!! انجلترا حضرتك ... ١٨٪ من أراضيها ضربها الجفاف تماما فرنسا .... تلتين أرضيها بتعاني من الجفاف !! طب و حوض البحر المتوسط !!! اذربيجان وأرمينيا ....٩٥٪ تركيا....٧٧٪. من الاراضي عطشانة وضربها الجفاف قلبي عندك يا اردوغان ???? المشكلة مش السنادي وبس... المشكلة ان الموضوع بيتطور كل سنة وبيزيد سنة عن سنة ودا حسب تقرير المرصد الاوروبي اللي بيرصد الجفاف فالعالم ومحدش بيتحرك في ملف تغير المناخ غير .... ام الدنيا ???? عرفتوا بقا ليه الدولة المصرية بتتحرك في ملف المياة وتحلية مياه البحر بسرعة جدا !! عرفتوا بقا ليه الزعيم السيسي بعت مصطفى مدبولي وكامل الوزير للصين !!! علشان يوقعوا عقود انشاء اكبر مصنع لإنتاج محطات تحلية المياة فالكوكب هنا فمصر مع نقل كامل تكنولوجيا التصنيع هنا فمصر !! بالكتير سنتين تلاتة والشعوب الاوروبية مش هتواجه خطر الحرب قد ما هتواجة كارثة الجفاف !! لو مش مصدقني .... شوف الخبر اللي تحت فالكومنتس وقول بالفم المليان تحيا مصر ???? ،???? وع الناحية التانية من الكوكب .... ،???? ألمانيا.... البرلمان الألماني البوندستاغ اللي هو زي مجلس الشعب عندنا يوم الجمعة اقر الميزانية الجديدة اللي كان خايف منها شولتس !! خايف ليه بقاا !! علشان الميزانية الجديدة كارثة على الإقتصاد الألماني حضرتك !! دا مش كلامي .... دا كلام شولتس نفسه علشان الميزانية الجديدة تقدر ب 588 مليار دولار !!! رقم مرعب طبعا !! بس اللي حضرتك ما تعرفهوش ان كدا ألمانيا هتحتاج تقترض السنة الجاية 147 مليار دولار فوق ديونها اللي مش عارفة تسددها واللي وصلت 6.6 ترليون دولار شولتس طبعا طلع يدبدب فالارض وقالهم كدا الإقتصاد الالماني بيوعاني وهينهار ولازم نرفع الدعم !! البرلمان الالماني هدد حكومة شولتس وقالهم اضربوا راسكم فالحيط خلي الشعب يعيشله يومين !! ،???? وع الناحية التانية من الكوكب ... ،???? السعودية ... خش هتجيبك.... وإطلعلي يابني بالخط الأحمر السعودي !! الخارجية السعودية امبارح أصدرت بيان رسمي فهمي نظمي بالخط الاحمر السعودي وقالت فيه .... انها بتدين بشدة تصريحات النتن بخصوص قضية التهجير !! وانها بتقف في ضهر الأشقاء المصريين دولة وشعب واللي هيقرب منهم هنشلوحة!! وان التهجير خط أحمر بالنسبة للسعوديين مش بقولكم.... التنسيق المصري السعودي الإماراتي على اعلى مستوى ومش رفاهية حضرتك .... لا دا كلنا فسفينة واحدة ???? بس برضوا التنسيق موقفش عند كدا وبس !! لو عايز تعرف التنسيق بين الدولة المصرية والسعودية وصل لحد فين يبقا استنى لما توصل لفقرة كوكب تحيا مصر ???? ،???? وع الناحية التانية كن الكوكب .... ،???? الأردن... الملك عبدالله ملك الاردن صحي الصبح واخد نفسه وطلع ع الإمارات !! ومن هناك أعلن موقف الاردن الثابت ضد ضم الضفة الغربية !!! ومش الضفة وبس !! دا طلع بيان هو والشيخ محمد بن زايد ال نهيان رفضهم التام لضم أي جزء من الاراضي الفلسطينية !! زود يابني حتة فالخط الاحمر ....!! وبدل الضفة بقا كل الاراضي الفلسطينية وحل الدولتين ???? ،???? وع الناحية التانية من الكوكب .... كوكب تحيا مصر ???????? ، وفكوكب تحيا مصر .... ???????? فاكرين موجة الهجوم اللي حصلت على السعودية الفترة اللي فاتت !!! طب فاكرين السوشيال ميديا كانت مقلوبة خناقة بين الشعب المصري والشعب السعودي ليه ؟؟؟ علشان اللي كان بيسخن الدنيا بين الشعبين على وسائل التواصل الإجتماعي هي الوحدة ٨٢٠٠ الإسرائيلية حضرتك طب عارفين ليه ؟؟؟ علشان اللي جاي اخطر مما تتخيل !! لو انت فاكر ان التنسيق بين الدولة المصرية والدولة السعودية فالمواقف الدولية و بس ف احب اقولك لاااا دا انت فايتك كتير !! شوف يا سيدي .... يوم الإتنين اللي فات الجيش المصري والجيش السعودي وقعوا على برتوكول تعاون عسكري بحري .... لحد كدا حلو !!! لا مش حلو.....???? علشان هو مش بروتوكول تعاون عسكري بحري عادي بين مصر والسعودية !!! دا تشكيل قوة بحرية مصرية سعودية للسيطرة على البحر الأحمر من بابه حضرتك !! بمشاركة مجلس البحر الأحمر حضرتك !!! مين بقا فمجلس البحر الاحمر يا عبده !!! أمريكا ..... تؤتؤ انجلترا..... تؤتؤ الصين.....تؤتؤ طب اسرائيل .... تؤتؤ الله اومال مين يا عبده !!؟ مجلس البحر الأحمر حضرتك هي الدول المطلة ع البحر الاحمر اللي اتشكل فالرياض سنة ٢٠٢٠ مصر السعودية الاردن اليمن السودان ارتريا جيبوتي الصومال اومال حضرتك احنا ودينا قواعد فالصومال وجيبوتي وارتريا ليه ؟؟ ما علشان نسيطر ع البحر الاحمر من بابه وكمان علشان إثيوبيا متفكرش تفتح حتى شباك منور عليه ???? تسكت إسرائيل على كدا ابداااا اسرائيل طلعت وقالت ..... إحنا بنحذر من قوة بحرية مصرية سعودية قد تعيد رسم موازين القوى فالبحر الأحمر أيوه يعني إيه اللي مضايقكم يا ولاد المتدايقة !!! مجلة Epoch الإسرائيلية طلعت قالت ... ان القوة المزمع تشكيلها هتكون معنية بتأمين حرية الملاحة وحماية طرق التجارة في واحد من أهم الممرات التجارية البحرية فالعالم !!! لحد كدا حلو.....!!! لا مش حلو...!! علشان المجلة كملت وقالت ان التنسيق الامني بين مصر والسعودية بيسير بالتوازي مع تفاهمات سياسية متقدمة بين القاهرة والرياض وتنسيق عالي المستوى بين الدولتين حتى في دعم المناصب الإقليمية !!! ازاي يا عم الحج ؟؟ قالك القاهرة اتفقت مع الرياض على دعم اختيار الرياض لعادل الجبير لرئاسة مجلس البحر الأحمر ... في حين الرياض اتفقت مع القاهرة لدعم نبيل فهمي لمنصب امين جامعة الدول العربية أيوا يعني إنتوا إيه مشكلتكم مع التقارب المصري السعودي ؟؟ التقرير هنا قالك لااااء دا كدا في قلق إسرائيلي من هذه التطورات.... خاصة أن أي تعاون مصري سعودي في المجال الأمني قد يغير موازين القوى في المنطقة....!!! طب وانتوا مال أمكم !!! قالك ازاي يا عبده يا ابومحمد !!! دا بيؤثر مباشرة على حرية الوصول إلى خليج العقبة.... الشريان البحري الوحيد لإسرائيل نحو ميناء إيلات ومصدر رئيسي لواردات الطاقة والتجارة الإسرائيلية.... دا كدا مصر والسعودية بيعملوا علينا كماشة طب التقرير يسكت على كدا .... ابدا التقرير الإسرائيلي قال.... أن تعميق التعاون العربي والإفريقي في البحر الأحمر قد يحد من النفوذ الأمريكي والغربي هناك.... ويعزز استقلالية القرار الإقليمي في ظل مساعٍ لتأسيس تحالفات أمنية محلية بعيدة عن الوصاية الخارجية .... ويأتي كل ذلك في سياق تقارب استراتيجي متسارع بين مصر والسعودية يشمل ملفات اقتصادية واستثمارية وأمنية، حيث تمثل الرياض أحد أبرز الممولين للاستثمارات في القاهرة، فيما تضطلع الأخيرة بدور محوري في حماية الأمن الإقليمي ومواجهة التحديات المشتركة، من الإرهاب إلى النفوذ الإيراني..... عرفتوا بقا عظمة التحركات المصرية السعودية طب عرفتوا معنى كلام الرئيس السيسي اللي قاله الإسبوع اللي فات لما طلع وقال.... إحنا راصدين كل حاجة بتحصل فالمنطقة ... وبنواجهها بإجراءات مدروسة جدا???? أهو دا إجراء واحد من الإجراءات المدروسة اللي مخلي امريكا واسرائيل لا على حامي ولا على بارد !! تخيل إجراء زي ده مخلي امريكا وإسرائيل بقالهم يومين بيلفوا حوالين نفسهم ومش عارفين يعملوا ايه !!! مع السيسي.... مش هتقدر تغمض عنيك ???? كفاية كدا ...... وتقعدوا بالعافية ???????? يديمك ???????? بيعيرونا بفقرنا .. بس انا مش هسكت الزعيم عبدالفتاح السيسي والسلام عليكم ورحمة الله وبركاته تحيا مصر ????????