ماذا يحدث في إيران الان من تجهيزات

✅ ماذا يحدث في إيران الان ✅✅✅ ???? في تجهيزات كبيرة وخطيرة بتتحضر دلوقتي جوه إيران ???? ❌الجيش الإيراني حاليًا بيجهز نفسه لحرب شاملة... وفي تقارير بتقول انهم بيصنعوا صواريخ بالستية عملاقة وزنها بيوصل لـ 25 طن، عشان تبقى سلاح الضربة الاستباقية اللي عايزين ينفذوها قريب على إسرائيل ،،،‼️ ❌والمختلف المرة دي إن الخطة مش مجرد ردع أو قصف صاروخي على أهداف عشوائية… لأ، ده تجهيز لضربة أولى كاسحة ممكن تشل الكيان... ومش مستبعد كمان يضربوا معاها قواعد عسكرية أمريكية موجودة في 3 دول تانيين ،،،‼️ ???? طب هو أيه الحكاية، وأيه اللي بيحصل بالضبط؟! ???? ❌ شوف يا سيدي… حسب تصريحات مصدر عسكري إيراني، لـ صحيفة "الجريدة" الكويتية، فـ الجيش الإيراني دلوقتي ومعاه الحرس الثوري، بيعملوا تعبئة عسكرية ضخمة لم يسبق لها مثيل وماحصلتش قبل كده بالمستوى ده، من وقت الحرب الإيرانية العراقية... ❌وحسب التقرير، فـ رئيس الأركان الجديد للجيش الإيراني "عبد الرحيم موسوي" بيتبنى حاليًا منهج متشدد جدًا وأصعب بكتير من سلفه اللي اغتالته اسرائيل "محمد باقري"... وشايف إن السبيل الوحيد لردع الكيان الصهيوني هو ضربها بكامل القوة والعنف الموجود لدى الأمة الإيرانية بأكملها، وبكامل أسلحتها الأكثر تدميرًا من أول لحظة ،،،???????????? ❌ وعشان كده، فهو بالفعل أمر بتجهيز صواريخ بالستية تقيلة وشديدة التدمير، وزن الواحد فيها بيوصل لـ 25 طن كاملين من المتفجرات... وعشان تبقى فاهم بس، فالقدر ده من المتفجرات في صاروخ واحد زي ده، هو كفيل بتدمير مدينة صغيرة أو مطار عسكري كامل بضربة واحدة ،،، ‼️ ❌???? مش بس كده... حسب المصدر، فالقادة العسكريين الإيرانيين كمان محضرين يضربوا القواعد الأمريكية اللي في العراق وأذربيجان وقبرص لو الحرب بدأت، حتى لو العلاقات مع الدول دي اتقطعت تمامًا ،،، ❌❌ ❌ يعني المرة دي الموضوع مش مجرد تهديد... التقرير قال بالنص كده إن "موسوي" شايف إن الخسائر الضخمة اللي حصلت في إيران خلال حرب الـ 12 يوم مع اسرائيل، كان سببها "الدبلوماسية الساذجة" اللي كانت الحكومة مصرة عليها... وان التصريحات الضعيفة للرئيس الإيراني مش بتجيب إلا مزيد من المخاطر على الأمن القومى ،،،‼️ ❌وللسبب ده؛ فـ حاليًا قادة القوات المسلحة الإيرانية بقوا شغالين من دماغهم ومش عاملين أي اعتبار لقرارات الرئيس والحكومة الإيرانية اللي لسه مقتنعين بالمحادثات والدبلوماسية، وعاملين حسابهم إن في حالة بدء المواجهة، فهما هيولعوا المنطقة كلها بدون أدنى تردد وبأقصى قدر ممكن من القوة الغاشمة ،،،‼️ ❌️ يعني هما شايفينها حرب وجودية المرة دي، ويا إما ينتصروا يا إما يولعوا المنطقة كلها معاهم... ❌كمان وفقًا للتقرير، فـ إيران بالفعل قدرت تأمن أكتر من 1800 منصة إطلاق صواريخ جديدة بدل اللي اتدمروا في الحرب، من ضمنهم 300 قادرين يطلقوا الصواريخ البالستية الثقيلة اللي حمولتها بتوصل لـ 25 طن دي ،،،‼️ ???????? ومش بس كده... خد الأتقل...???????? ❌في تقارير تانية بتقول إن إيران قدرت بالفعل تطور نوع جديد من الصواريخ اسمه Rastakhiz... والصاروخ ده قادر على حمل رؤوس حربية كهرومغناطيسية أو EMP... ❌ الصواريخ دي لو صح وجودها مع إيران فعلًا، فخليني أقولك ان طريقة عملها مش بس مجرد انها بتنفجر في هدفها انفجار تقليدي.. لأ.. هي لما بتوصل لهدفها، بتطلق موجات كهرومغناطيسية قادرة تعطل أنظمة الكهرباء والاتصالات، وتعطل جميع الأجهزة الإلكترونية الموجودة في دائرة ممكن يوصل قطرها لـ 50 كيلومتر كاملين ،،،‼️ ❌وفي بعض الكلام في وسائل الإعلام الإيرانية إن إيران بالفعل سلّمت خمس قنابل كهرومغناطيسية لـ «حزب الله» اللبناني، ولسه القنابل دي لم تُستخدم لحد دلوقتي، وتعتبر من ضمن «المفاجآت الاستراتيجية» اللي بيتكلموا عنها ،،،‼️ ???? طب هو ليه كل التجهيز ده وبالشكل الخطير ده دلوقتي؟???? ❌السبب يا صديقي هو إن القادة العسكريين الإيرانيين شايفين إن حلفاءهم خانوهم، وإنهم تم اختراقهم استخباراتيًا بشكل مهين، وماعرفوش يردوا الرد اللي هما كانوا نفسهم فيه عشان يحافظوا على صورة الردع الاستراتيجي اللي تحفظ أمنهم القومي... ❌ وأهم دليل على ده هو تصريحات "محمد صدر" عضو مجمع تشخيص مصلحة النظام الإيراني، اللي فجّر مفاجأة من يومين لما قال في تصريحات صحفية رسمية إن روسيا (اللي هي المفروض كانت الحليف الأهم لإيران، واللي إيران زودتها بعشرات الآلاف من الطيارات المسيرة عشان تدعمها في حربها على أوكرانيا)، سلّمت إسرائيل معلومات دقيقة عن مواقع الدفاعات الإيرانية في بداية حرب الـ12 يوم ،،،???????????? ???????? أنت متخيل؟ ❌ الحليف اللي المفروض يحميك ويقف جنبك ويدعمك، رايح يبيع معلوماتك ويسلمها لعدوك مباشرة، عشان يشتري مصلحته مع أمريكا وتخفف دعمها لأوكرانيا... وهو اللي حصل فعلًا زي ما شفت في الفترة الأخيرة، مع انقلاب أمريكا على أوكرانيا والأوروبيين ❌مش بس كده... "صدر" قال كمان إن روسيا ادت تركيا (اللي هي المفروض عدوتها) منظومة الصواريخ الروسية المتطورة "إس-400"، ورفضت تديها لإيران برغم انها حليفتها! وكمان لسه بتماطل في تسليم إيران طيارات الجيل الخامس "سوخوي-35"! ❌ يعني أهم حليف استراتيجي المفروض انه كان يدعم إيران في الحرب دي سابها لوحدها... وعشان كده هما عندهم غضب كبير من اللي حصل ومتوعدين إن الحرب اللي جاية مش هيسيبوا أي حدود أو خطوط حمراء ،،، ❌وده السبب اللي خلى إيران اتجهت للصين عشان تاخد منها اللي هي عايزاه، وفي تقارير بتقول إنها خدت منها طيارات J-10c المطورة، وأنظمة دفاع جوي وبطاريات صواريخ من منظومتها الأحدث، اللي استخدمتها باكستان في حربها الأخيرة مع الهند... ❌ والمفاجأة الأكبر بقى إن إسرائيل مش بس مخترقة الحدود الإيرانية… دي وصلت لمرحلة إنها تخترق أجساد القادة نفسهم، في واحدة من أكبر الفضايح الأمنية والاستخباراتية اللي تم الكشف عنها أثناء الحرب على الإطلاق ،،،‼️ ❌مصدر في مكتب المرشد الإيراني كشف بردو في تقرير لـ "الجريدة" إن أحد الأسباب الجوهرية التي خلت المرشد علي خامنئي ياخد قرارات بإجراء تغييرات جذرية في المجلس الأعلى للأمن القومي والأجهزة الأمنية، كان انهم اكتشفوا ارتباطات مباشرة بين رجال دين إيرانيين وشخصيات أصولية متطرفة وبين الموساد الإسرائيلي ،،،???????????? ???? الأمن المضاد في الحرس الثوري ووزارة الأمن كشفوا إن في بعض الشخصيات العامة اللي كانت رافعة شعارات دعم النظام ومعاداة أمريكا واسرائيل، طلعوا على علاقة وثيقة بجهات إسرائيلية وبياخدوا منها تمويلات... وعدد كبير منهم هرب بره إيران قبل ما يتقبض عليهم...???? ???????? ومش بس كده... ❌ التحقيقات كشفت كمان إن بعض الشخصيات دي كانوا بيستخدموا وسائل غير تقليدية للتجسس بتقنيات متقدمة، منها مثلًا إنهم كانوا بيقدموا للقادة السياسيين والعسكريين هدايا قيمة منها ساعات فاخرة وأقلام وموبايلات ذكية وأجهزة إلكترونية وطبية، مزروع جواها أجهزة تجسس ،،،،???????????? ❌وواحدة من أهم التقنيات دي كانت أجهزة تجسس متناهية الصغر اتحطت جوه حبوب فيتامينات، وبلعها بعض القادة في الحرس الثوري بدون ما يعرفوا أو ياخدوا بالهم ،،،‼️ ♦️ ومن ضمن القادة دول كان العميد "حاجي زادة"، القائد السابق لسلاح الجو في الحرس الثوري نفسه؛ واللي تم اغتياله بسبب واحد من أجهزة التتبع دي عرفوا بيه مكانه وقصفوه، ولقوا الجهاز ده جواه بعد ما انتشلوا جثته ،،،‼️ ❌ يعني باختصار… اللي بيحصل دلوقتي جوه إيران هو تعبئة عامة واحتقان عسكري غير مسبوق... القادة العسكريين شايفين إنهم في خطر وجودي حقيقي، وإن البلد محاصرة ومخترقة ومعزولة... وعشان كده فاللي بيتحضر دلوقتي مش زي اللي فات خالص... وربنا يسترها على المنطقة كلها... ???? المصادر والتقارير اللي اعتمدت عليها كلها هسيبهالك تحت في أول كومنت كالعادة ???? ولو وصلت لهنا متنساش تشير البوست عشان الناس كلها تبقى عارفة اللي بيحصل ورا الكواليس... -------------------------------------------------------------------- ???????? ???? ????