إيران تدك مجمع المصالح الحكومية في اسرائيل

???????????? هناك ظلال قويه تختفي وراء أفعال طهران الحرب بالوكاله ????لتاني مرة في نفس اليوم، الصواريخ الإيرانية استهدفت اسرائيل ودمرت مباني حكومية وعسكرية ومواقع سرية... ومش بس كده... دول كمان اخترقوا كاميرات المراقبة العامة بتاعت المستوطنين وبيراقبوهم لايف من على الشاشات وهما بيقصفوهم جوه بيوتهم! الضربات الإيرانية اللي بتحصل دي أصبحت مدمرة وشديدة الخطورة.. والدنيا حرفيًا مقلوبة ومحدش مستوعب ازاي إيران وصلت لقدر القوة والدقة دي في هجماتها، لدرجة ان القبة الحديدية الإسرائيلية مبقتش قادرة توقف معظم الصواريخ! ⚫️ طب ايه اللي حصل؟! تعالى أقولك الملخص على السريع، وأحكيلك ازاي الوضع وصل لحد كده ???? ???? بص يا عم.. أول حاجة، من حوالي ساعتين كده إيران أطلقت رشقة صاروخية جديدة، نتج عنها واحدة من أدق وأخطر الضربات لحد دلوقتي.. الضربة قصفت منطقة معروفة بإسم "باريس سكوير Paris Square" في مدينة حيفا المحتلة.. والمنطقة دي بتضم جواها برج الشراع أو ال Sail Tower الشهير اللي بيعتبر أطول مبنى في المدينة، موجود جنبه المحكمة الحاخامية ومجمعات حكومية مهمة.. ???? اللي انت متعرفوش بقى هو إن البرج ده مش مجرد مبنى إداري، ده مركز حكومي بيدير شؤون منكقة الشمال الاسرائيلي المحتل كله، وجواه مكاتب لوزارات الداخلية والصحة والتعليم والعدل ، ومكاتب لهيئات الضرائب والإسكان وحتى السجل المدني.. وموقعه على بعد حوالي 700 متر من ميناء حيفا! يعني انت بتتكلم عن العمود الفقري للإدارة الحكومية في شمال الكيان! ???? الفكرة بقى ان الحرس الثوري الإيراني أعلن إن المباني اللي تم استهدافها مش بس مباني حكومية... بل هي جواها مواقع قيادة وسيطرة عسكرية متخفية في وسك الإدارات الحكومية، أو مراكز C2 حسب التعبير العسكري ما بيسميها... يعني إسرائيل كانت بتحرك جزء من عملياتها من قلب المنشآت المدنية والحكومية، وإيران رصدت الموضوع وكشفتهم وضربتهم ضربة مباشرة بدقة مخيفة! ???? لحد دلوقتي في حوالي 27 إصابة مؤكدة في المنطقة حسب الإعلام الإسرائيلي، وده عشان المبنى المستهدف كان مأهول وقت الضربة.. وكمان رئيس بلدية حيفا طلع وأكد إن الضربات الإيرانية أصابت بالفعل موقعين استراتيجيين في المدينة، وده بيأكد صحة المعلومات عن أهمية الموقع اللي تم قصفه! ومش بس كده... ???? ضمن الموجة الجديدة، وبالظبط زي ما إسرائيل قصفت مبنى الإذاعة والبث الإيراني على الهواء مباشرة من كام يوم، إيران استهدفت هي كمان في ضربتها الجديدة مبنى قناة 14 الإسرائيلية اللي هددت باستهدافه قبل كده.. والضربة بالفعل أصابت الهدف حسب المصادر الإخبارية.. ???? واستنى... لسه لسه في أكتر... خد المفاجأة دي.. السبب اللي مخلي إيران دلوقتي مش بتضرب عشوائي، وان ضرباتها بقت مركزة على أهداف استراتيجية دقيقة زي مراكز القيادة والمنشآت الحكومية والموانئ، والبنى التحتية الحساسة، هي إن في حرب إلكترونية وسيبرانية رهيبة بتدور دلوقتي في الفضاء السايبراني ما بين البلدين... ???? من ساعة ما بدأت الحرب، وفي تحالف سايبري ضخم ما بين الهاكرز أو المخترقين الإلكترونيين، جنسياتهم ما بين إيرانيين وروس وصينيين وكوريين شماليين وباكستانيين، بيحارب تحالف تاني بتقوده فرق الحرب الإلكترونية التابعة لجيش الاحتلال ومعاهم حلفاءهم من دول الغرب.. وحرفيًا، التحالف الإيراني مبوظ البنية التحتية الإلكترونية للاحتلال دلوقتي، وهحكيلك عن الحرب السيبرانية دي اكتر في بوست منفصل.. ???? المهم هنا ان التحالف الإيراني ده دلوقتي بيخترق مواقع حساسة جدًا وبيأثر على منظومات البنية التحتية الإلكترونية وفي كلام (غير مؤكد) انهم اخترقوا شيفرات منظومة الدفاع الجوي نفسها.. واللي بيدعم ده ان الرشقة الأخيرة عدد الصواريخ اللي وصل منها للكيان أكبر بكتير من قبل كده! ???? كمان حسب تقرير لبلومبرغ ???? ف إيران نجحت في اختراق كاميرات المراقبة العامة والمدنية في مناطق كتير في جميع أنحاء الأراضي المحتلة، وبتراجع منها نتائج ضرباتها بشكل فوري وبتعظل منها احداثيات المواقع اللي بيتم على أساسها القصف الصاروخي... ???? وده خلى نائب مدير الأمن السيبراني الإسرائيلي السابق يطلب من الناس في تصريحات رسمية إنهم يقفلوا كاميرات المراقبة بتاعتهم أو يغيروا كلمات السر بتاعتها على وجه السرعة، لإن إيران بتستخدمها في مراقبة الداخل الاسرائيلي والتجسس على مواقع الهجمات! ???? والمشكلة ان اسرائيل مش عارفة تعمل نفس الموضوع، عشان إيران قطعت النت عن البلد كلها من أول امبارح عشان تلغي قدرة الاحتلال على اختراق مواقعها ومنظوماتها.. ومش بس كده، دي طلبت من المواطنين انهم يمسحوا برنامج واتساب من على موبايلاتهم خالص، عشان (حسب الحكومة الإيرانية) الاحتلال بيستعمله في التجسس وتحديد مواقع الأهداف والضربات الجوية... ⚫️ كمان إيران بقالها كام يوم بتمسك عدد مهول من الجواسيس وعملاء الموساد اللي كانوا شغالين جوه البلد في طهران وغيرها من المدن والمناطق، وده أدى لتراجع كفاءة الاستخبارات الاسرائيلية نسبيًا، وقلل من الفجوة اللي كانت ما بين الطرفين في الأول.. برغم ان لسه في المجال ده في تفوق اسرائيلي واضح... ????️ إسرائيل دلوقتي يا صديقي في مأزق غير مسبوق... لأول مرة في تاريخهم، قوة معادية بتقصف مدنهم الداخلية ومبانيهم الحكومية ومنشآتهم العسكرية والتكنولوجية والإعلامية بشكل مباشر وبتهد المباني على رؤوسهم.. وكمان قادرة تخترقهم إلكترونيًا وتتجسس عليهم وتجاري اعتداءاتهم بنفس الكفاءة... وعايز أقولك ان ده مسبب للمستوطنين اللي هناك هلع غير مسبوق، ومعظمهم بيحتجوا بشكل علني على حكومة نتنياهو واجرامها اللي وصلهم للنقطة دي، وبسبب ده في تعتيم إعلامي رهيب هناك، ومش سايبين حد يطلع يتكلم... الصحفي الجرئ / عبدالباسط صابر شكرًا.