محمد عمر : تصريحات رئيس الاسماعيلي مستفزة والجمهور تحمل الكثير
قال الصحفى الرياضى محمد عمر ان بداية الإصلاح الحقيقى للاسماعيلي تكون من الجمعية العمومية، وذلك قبل توجيه اللوم علي مجلس إدارة بعينه لابد من توجيه اللوم لأنفسنا.
واشار الى يحيى الكومي كان سببا رئيسيا فى تحمل النادي غرامات 15 قضية في الفيفا وبعده جاء المهندس نصر ابو الحسن ترجم جواب الفيفا غلط، طالبوه بضرورة استئناف الاسماعيلي اولاً حتى يتم فتح القيد، خد الكلمتين اللي في الاخر وراح باع خط الهجوم بالكامل، ياو انور وعمر الساعي وعبد الرحمن مجدي نظرًا لثقته في فتح القيد.
موضحا ان اللاعيبة فى احتياج الى شخص عليه القيمة في البلد زي المحافظ يقعد معاها قبل كل ماتش من الماتشات الحاسمة القادمة.
ووجه عمر نداء الى رجال الأعمال والنواب يكون ليهم دور أكثر إيجابية بتحفيز اللاعبين بوعود صرف مبلغ مثلا ٢٠ الف جنيه لكل لاعب بعد الفوز و ٥٠ الف جنية لكل من يسجل هدف.
منوه الى انه يجب تكاتف الجميع وبما أن الجمهور هو النقطة المضيئة في الأزمة الحالية.. يبقى لابد نفتح لهم الاستاد والتدريب يكون علي الملعب الرئيسي.
واستطرد عمر قائلا تامر مصطفي متعاقد معنا ٣ شهور ب ٦٥٠ الف جنيه شهريًا.. وعلى حسب الورق اللي موجود في النادي ف هو حصل على مليون و٥٠ الف جنيه مقدم تعاقد.. يبقى ازاي يا كابتن بعد الهزيمة تلم متعلقاتك وتمشي وبعدين ترجع بيومين علي التمرين بعد اتصالات عديدة من المجلس، انت مش متعاقد مع مركز شباب.. ده الاسماعيلي يا كابتن !
ولابد من رئيس الاسماعيلي التوقف عن تصريحاته المستفزة والساذجة باتهامه عقب الهزيمة جمهور الاسماعيلي انه بيشكل ضغط على لاعبين الفريق الشباب.. يا فندم لولا الجمهور الوفي اللي بيجري وراء الفريق في كل مكان كان زمانا في المظاليم من سنين.
