ماذا تعرف عن قمه شرم الشيخ مع الخليج

????????????حتى لا ننسى.. ماذا سقط في قمة شرم الشيخ؟! الخليج يراجع سياسته مع مصر! ???? أيوه حضرتك، دول الخليج دلوقتي، وبالتحديد السعودية والإمارات وقطر، الثلاثي المُتنافس على القيادة والصدارة والزعامة، بيراجع سياسته، اللي حطها، فيما يخص الصعود لتعويض وملئ الفراغ اللي كانت سابته مصر، لما حصل ثورات الربيع، أو الخريف العربي، وحُشرت القاهرة، في مواجهة أزمات داخلية وخارجية، كانت كفيلة أنها تقضي عليها.. ???????????? ???? بس قبل ما تقرأ التحليل، واللي أتمنى تقرأه للآخر سطر، وتديني تعليقك ورأيك اللي أحترمه، لازم تعرف أن المصريين بيحبوا الخليج جدًا، شعوب ودول وكمان أنظمة حكامة، ولما نتكلم وعشان نوضح الصورة، مش معناه، أننا بنهاجمهم زي ما بتعمل صحفهم أو قنواتهم أو كتابهم، اللي بالمناسبة 99% منهم بياخد تعليمات بتوجهات واضحة، إحنا لأ.. ودي الحقيقة.. فلما بننتقد، بننتقد سياسات، مواقف كنا عايزين نشوفكم فيها ومحصلش، طموحنا صعد بيكم لمرتبة، لكن لم تتحقق..بالبلدي، كان عشمنا فيكم كبير..لكن وإن كان هناك خلاف في وجهات النظر.. يبقى للخليج شعبًا، وبلد ودول، وأنظمة كل التقدير والإحترام، والدعم كمان، الخليجي ينزل مصر، يتشال على الرأس إحترامًا، ومعمظم الشعوب الخليجية تعشق مصر، وده عن واقع، سيبك من الأرزقية دول اللي شغالين وقيعة.. بس ده مش معناه أننا ما نفهمش مع بعض القصة على حقيقتها.. لأ حضرتك نفهم، وبعد كده نتغاضى، وننسى، والمصريين قلبهم كبير، وعقلهم أكبر. ???????????? ???? بعض الناس شايفه، أن فيه مبالغة، في ردة فعل الشارع المصري، من حيث الفرحة بمشهد شرم الشيخ، والعالم كله، ورئيس أكبر دولة في العالم، بيصطفوا ورا مصر، مع العلم إن الصفقة كلها ممكن تنهار في أي وقت..بس أنت مش واخد بالك، إن بإتفاق شرم الشيخ، أسقطت أكبر مُخطط للإطاحة بالبلد دي، مخطط تعاون فيه الجميع، الأمريكان بـ أطماعهم، وسيطرتهم، الإسـ.ـ.ـرائيليين، بحلمهم، اللاعبين الخفيين في العالم، وحلم تغيرر الخريطة، إيران بمشروعها، ومد أذرعها..تركيا ومخطط التوسع، الخليج ومخطط القيادة..الأوروبيين، وعودة حلم السيطرة على إفريقيا، وتسيد المتوسط، بتنحية مصر، كل دي مشاريع، سقطت.. بإتفاق شرم الشيخ..الرصة اللي ورا رئيس مصر دي، رصة مستحقة، لأن الراجل نجح ونجى بمصر من مؤامراتهم وحصارهم.. ???? فتكون النتيجة.. أن الحـ.ـرب، اللي كان مفروض تكون فيها نهايتك، تُخرج منها أقوى من الأول، والنهاية فعلا تبقى على ارضك، بس توقيع اتفاق، محتواه الحقيقي اعتراف من الغرب بالكامل، أنك أنت المنتصر الأكبر في الحـ.ـ,رب دي.. أنت المنتصر الحقيقي، على كل سياستهم، والدول الوظيفية، واصحاب المخططات.. لدرجة أن نتنياهو مقموص ومجاش.. ???????????? ???? مش نتنياهو بس .. ولكن السعودية والإمارات، أيوه أهلنا، اللي بنكن ليهم كامل التقدير والإحترام، واللي أنت سعيت لـ إشراكهم في الملحمة دي، تحت عنوان "أنا مش لوحدى هدير المنطقة تعالوا نتشارك" فأبوا ورفضو.. ???? الناس دي مجتش عشان مشاريعها الإقليمية، ومحاولاتها، أنها تبقى دول، بديلة عن مصر وتتزعم الإقليم على حساب مصر، كل ده، سقط في شرم الشيخ، والدور المصري، هزم المشاريع الصـ.ـهيـ.ـونية والخليجية والإيرانية والتركية... ???? أه، متزعلش من كلمة مشاريع دي، ودي مش إهانة ليهم، ولا تقليل منك، هي دي السياسة، لو هتلوم حد لوم نفسك، أنك ترضى أنك تكون في مؤخرة الصف..زي ما بيشتغلوا على مشاريع، أنت شايفها مؤامرة، هي بالنسبة ليهم نهضة وتمكن..أنت كمان لازم تشتغل.. ومتحولش تقول، إحنا أشقاء، مفروض يحجزوا ليه الصدارة ومكاني على ما أرجع، عارف ليه لأن من نهياة القرن الـ20 وأنت جاي، مفيش حاجة في السياسة وعلاقات الدول إسمها أشقاء كله رفع شعار (لا أشقاء، لا صداقة دائمة، لا عداء دائم، لا إتفاق تام في كل الملفات ولا إختلاف تام في كل الملفات..فقط مصالح).. فيه اللي بيخطط للدول دي، مراكز عالمية غربية، وسياسيين كبار، غربيين برده، زي توني بلير، هم اللي حطيين السيستم، اللي بيمشي عليه الخليج..الخليج جابهم وعشان يحطوله السيستم، مسار التنمية السياسية والاقتصادية ، حلوة الصيغة دي. ???????????? ???? لما ترامب أتكلم بصراحة في يناير اللى فات، وقال إنه مع التهجير، وإنه لازم أمريكا هي اللى تحكم قطاع غـ.ـزة، وهتعمل عليها مشاريع استثمارية وعقارية وسياحية، مصر رفضت وقتها بشكل علني، وقالت اللي بيحصل ظلم، لايمكن تشارك فيه، وقتها بدل ما الأشقاء العرب يقفوا جنبنا ..فوجئنا في تقرير معهد توني بلير، إن السعودية والامارات وقطر، تواصلوا مع ترامب وتعهدوا بتمويل التهجير والمشاركة في المشاريع الأمريكية في قطاع غـ زة، وده كان واضح على تحركاتهم وتصرفاتهم، دبلوماسيًا وموقفهم من القضية الفلسطـ.ـينية، اللي أثبتت مصر من شرم الشيخ، أنها لم تكن أبدًا قضية العرب، دي قضية مصر، وشوكة في ضهر مصر...برغم بقى أن مصر، متبعة سياسة مختلفة، ماشية على أسس ومبادئ، منضبطة جدًا، مطلعتش بره الصندوق، وفي النهاية، حتى الأن حسمت المعركة لصالحها بدون نقطة د.م واحدة، ولا تدفع دولار واحد من ثرواتها.. ???? طيب يعني أنت شايف، كشقيق عربي، أنه ترامب في واقع الأمر، بيتكلم في خطر وجودي بيضرب الدولة المصرية.. مش المفروض هنا، أنه يا تبقى في ضهري أو تسكت.. إنما تروح لـ ترامب في السر وتقوله، أنا معاك وكمان هتمول خطة ريفيرا ترامب في قطع غـ.ـ.زة، وتديله أمل؟! ???? الغرض هنا كان التخلص من دور مصر الإقليمي، أنه مصر العظمي لما أخدت ضربة في يونيو 67 سكتت كتير، وارتاحوا منها، وكانت فرصة لدول تصعد في الإقليم، طيب ما مصر تاخد ضربة تانية، بس بسيطة، ضـ ربة التهـ جير، وتفضل تاني شوية، عشان السنين الأخيرة الصعود المصري بقى مرهق ومقلق، للدول الوظيفية في المنطقة، أنت دولة كبيرة، الجميع يخشاها، برغم المشاكل الاقتصادية، وأنت مش قليل كـ مصري، أنت بس محتاج، ترجع تفتكر أنت مين.. ???????????? ???? عشان كدا تسابقت الدول التلاتة، السعودية والإمارات وقطر في تقديم التريليونات، لـ ترامب عشان يجي يزورهم في الخليج، واللى قدم طيارة خاصة، واللى قرر يمول قاعدة عسكرية بالكامل، في أمريكا، نفسها تحت إدعاء إنه بيدرب قواته الجوية، كل دا الغرض منه كان إنه ترامب يحضر الخليج وميحضرش في مصر.. وإنه تبقى الجولة اللى حصلت في مايو اللى فات، هي اعلان وفاة الدور المصري خلاص، ترامب جه الرياض وأبو ظبي والدوحة ومراحش القاهرة .. وتم الاتفاق فعلا إنه يتم تهميش مصر وعدم التواصل أو الاستعانة بها .. ???? مش كدا وبس..ولكن حصل بعدها القمة العربية في بغداد عاصمة العراق، وتلاقي محدش راح القمة إلا مصر وبس، ووقتها كانت الصورة واضحة، إن مصر بقت بتحاول في طريق، والخليج راح طريق تاني، متأمن بوعود أمريكية..ولكن جت الضـ ربة الإسـ رائيلية لـ الدوحة، في وقتها، نصر من السما، واللى كانت رسالة لكل عواصم الخليج العربي، عشان تبدأ الأسر الحاكمة في الخليج، تسأل في صمت بعض الأسئلة اللى لازم تتسأل من زمان.. ???? هو إحنا فعلا في أمان؟! هل السلام الابراهيمي حقيقة وإسرائيل مش هتضـ ربنا؟! هو فيه زعيم للإقليم والشرق الأوسط هيتضرب ويسكت؟! هو فيه زعيم في الشرق الأوسط زميله في الخليج يتضرب وميعرفش يدافع عنه؟! الزعامة مش ببلاش، حتى إسأل الزعامة!! ???????????? ????بدأت ثورة الشك في الخليج العربي ..مصر وقتها متأخرتش وحضرت قمة الدوحة، القمة العربية الإسلامية اللى كان ممكن الخليج يكتفى بـ أنها تبقى قمة خليجية أو حتى يعمل قمة دولية، ولا يستضيف فيها مصر، ولكن زي ما الخليج اتفق على تهميش مصر، قرر إنه الدور المصري لازم يبقى حاضر في مشهد قرر فيه الخليج، إنه يهوش إسـ رائيل ويوضح لـ أمريكا أنهم ممكن ياخدوا قرارات بعيدة عن التفاهم مع أمريكا، وفعلا السعودية، بعد القمة عملت المعاهدة مع باكستان، وباكستان يعني الصين، فـ باكستان كانت جسر أو وسيط لـ اتفاق بين السعودية والصين .. ???? لكن برضو دعوة مصر لـ قمة الدوحة، مكنش معناه، أنه مصر تتسيد الإقليم، ولكن تبقى جزء من إستراتيجية الردع الخليجي، لـ إسرائيل، وأعتقد إنه هنا أنت ممكن تتلخبط شوية وتسأل: ???? هو مش ده الخليج العربي، اللى وقف جنب مصر، ودعمها؟! ولسه أغلب استثمارته فيها؟! والرئيس السيسي مش بيفوت فرصة، إلا لما يفتكر بالخير الدعم الخليجي، لمصر، قبل وبعد ثورة 30 يونيو؟! ???? هنا الإجابة، أنك لازم تعرف استراتيجية الخليج مع مصر، استثمارات الخليج في مصر مكسب ليه في المقام الأول، وبتتمتع الاستثمارات الخليجية في مصر بحصانة، لا تتمتع بيها في بلدها،أنت بلد مكسب لأي حد يجي يستثمر فيها، عندك قوى شرائية 110 مليون شخص، وعندك بنية تحتية تفوقت على الجميع.. واللي بيحط دولار بياخده 100، وشوف الشركات اللي استحوذ عليها الخليج بقت مكاسبها كام، وفي أقل من 3 سنين.. كمان الخليج فاهم إن سقوط مصر مضر بالأمن الخليجي الجماعي، وتسليم مصر للفوضى أو الإخوان نفس الشئ، عشان كدا لازم مصر تبقى مستقرة وفيها حكومة مستقرة، ولكن سياسيًا واقتصاديًا تفضل دولة نامية، مترفعش راسها، ولا تفكر يبقى ليك دور في الإقليم ولا برا الإقليم..تسمع الكلام وبس. ???????????? ???? فـ الاستثمارات والمساعدة عشان سقوط مصر أو صعود الفوضى أو الاخوان، مش لمصلحة الخليج، وفى نفس الوقت محاولات التطويق اللى بتوصل لبعض الأحيان إلى حصار ناعم وهادئ الغرض منها، أنه مصر تفضل دولة نامية في مكانها وبس..هو عايزك دايما في عنق الزجاجة.. ???? تعيش في مرحلة عنق الزجاجة ع طول..ولا أنت تقع جوا الزجاجة وتنتهي..ولا تخرج من عنق الزجاجة وتفوق لهم وتبقا رقم 1. ???? اللى حصل في الأسابيع الأخيرة إنه أخيرًا، ترامب عمل مراجعة للسياسة الخارجية، واقتنع بوجهة نظر مصر، بخصوص حـ.ـرب غـ.ـزة، وإنه لازم الحرب تنتهي، مش كدا وبس، ولكنه لما فكر مين يبقا وسيط قوي بين حماس وإسرائيل ملقاش غير مصر.. وهنا بدأت تحصل مراجعة أمريكية سريعة للعلاقات مع مصر، ماهي مش فاضية، هي كـ أمريكا الصين هي الخطر الحقيقي.. ???? دول الخليج بقى اللى لازم يبقى فيه وقفة، ليها.. يعني حتى لو الترتيبة اللى أنت عملتها عشان تبقى متسيد المنطقة وفشلت، ومصر رجعت اقوي من الأول وفى أقل من 6 شهور..المفروض تحضر..لأن عدم الحضور، يُصنف عداء واضح..أو أنك مستكتر عليه اللي أنا فيه..واللي أنا فيه كتير، كفاية أني مدفعتش دولار واحد واحد وجبت العالم كله عندي..إنما عدم الحضور بيؤكد كل الآراء اللى كانت بتتقال إنه فيه منافسة، وده طبيعي، لكن منافسة غير صحية، دي المشكلة، وفيه عقد تاريخية وفيه شخصنة في الموضوع وكراهية، والمسالة مش منافسة عادية، للصالح العام، أو عشان المنطقة، أو كل واحد يشوف مصالحه إنما أنت مش طايق تيجي تشوفلي الخير ولا تشوفني وأنا متجمع حواليا كل زعماء الغرب ومن غير ما أدفع دولار واحد بس .. ???????????? ???? أنا مش ذنبي إنى دولة محورية وشروط الزعامة مش بتتوفر، في أي دولة في المنطقة غير مصر.. ????مش ذنبي أنك دولة وظيفية .. ???? مش ذنبي أنه الفلوس عمرها ما بتعمل زعامة، ولا قيادة، و 7 تريليون دولار مكانوش كافيين إنه القمة دي تتعمل في الخليج مش مصر .. ???? أنت كان عندك الفرصة تبقى معايا وجنبي، من الأول، ومش ناسيلك جميلك معايا، ولكن بدل ما نقف في وش عدونا المشترك ،بتروح من ورايا وأنا عارف، وعندي كل حاجة، وتقعد مرة مع الأمريكان ومرة مع الصـهـ.ـاينة، وحتى مع أثيوبيا، وأنا فاهم ومسجل وعارف كل حاجة، بس مش عايز أتخانق معاك، وأأأأأأأأحقق غرض العدو من شق الصف العربي والإسلامي.. ???? والنهاردة بدل ما تحضر وتبقى زيارة بروتوكولية، أنت بتغيب بشكل مسيء ليك أنت، وبتأكد للعالم كله، إن اللى بيتقال عنك حقيقي، وبجد مش مبالغة من بعض المصريين .. ???? دى الحدوتة كبيرة بقا وبتوجعك قوي، ونجاحنا ممكن يخليك تتقمص، وتبطل تلعب سياسة، وتقفل على نفسك باب أوضتك وترفض تقابلني.. ???? الـ.ـحـرب خلصت في غـ زة، مؤقتًا، وترامب عايزها تهدي بين إسـ رائيل وايران ولبنان واليمن عشان يتفرغ هو لـ حـ رب أوكرانيا وروسيا وبعدها يشوف هيعمل ايه مع الصين..أمريكا فهمت أنه مصر لا غنى عنها، وباركت الزعامة المصرية.. مش أمريكا بس.. دا كل الدول اللى حضرت..بريطانيا وفرنسا وألمانيا وإيطاليا .. كان حفل تنصيب مصر زعيمة للشرق الأوسط.. المشاريع الإقليمية لـ ايران وتركيا وقطر والتنيظم الدولي للإخـ وان انهارت.. حاليا عندك مصر العظمي وإسـ رائيل الصغري .. ???? مشروع إسـ رائيل الكبرى تم القضاء عليه خلاص.. مكنتش مجرد قمة، كانت لحظة إعلان رسمي إن مصر رجعت تتصدر المشهد مش بس في الإقليم العربي، لكن على مستوى الشرق الأوسط كله. ???? أمريكا لأول مرة من سنين طويلة، تعترف علنًا إن القاهرة بقت العاصمة السياسية للإقليم، وإن مفيش ملف من ملفات المنطقة ممكن يتقفل من غير توقيع مصري أو على الأقل مباركة مصرية..اللي حصل إن الحرب الأخيرة كانت الضربة الحاسمة اللي قلبت الترابيزة على كل المشاريع البديلة. ???????????? ???? المشروع الصهيـ وني فشل، المشروع التركي وقع، المشروع الإيراني اتكسر، والمشاريع الخليجية اتعرّت..الكل كان داخل السباق عايز ياخد مكان مصر، لكن في النهاية مصر هي اللي وصلت لخط النهاية، والباقيين واقفين بيتفرجوا من بعيد. ???? الإسـ رائيلي كان فاكر إن الحـ رب هتخرج مصر من المعادلة، لكن النتيجة كانت إن نهاية الحـ رب نفسها بقت التتويج للعودة المصرية... ???? الإيراني كان شايف إن محور المقاومة هو اللي هيقود المنطقة، لكن لما شاف إن واشنطن بنفسها بتكلم القاهرة مش طهران، فهم إن اللعبة خلصت. ???? التركي كان بيحلم إنه يمد نفوذه لحد البحر الأحمر وليبيا وسوريا، لكن لما مصر دخلت في التسويات الجديدة، كل تمدداته اتقفلت عليه بالأبواب الحديد. ???? السعودية والإمارات وقطر كانوا فاكرين إنهم بعد ما يلموا الأمريكان والإسـ رائيليين على طرابيزة واحدة، يقدروا يخلقوا قيادة عربية جديدة بقيادة الفلوس، بس اكتشفوا إن الزعامة مش بالشركات ولا بالاستثمارات ولا بالطيران الخاص، الزعامة بالقرار المستقل، وبالقدرة على فرض معادلات جديدة لما الدنيا تتحرق..ومصر عملت كده بالحرف. ???? من أول ما بدأت الحرب على غـ زة، كانت القاهرة هي الدولة الوحيدة اللي عندها خطة مكتوبة جاهزة، فيها تصور سياسي وإنساني وأمني واقتصادي. ???? اللي أمريكا نفسها في الآخر أخدته وطبقته هو الخطة المصرية، بالحرف، حتى لو غيروا العنوان وسمّوها مبادرة سلام شاملة. ???????????? ???? لكن الحقيقة واضحة للعالم كله: اللي حط الأساس هو السيسي، واللي ختمها بتوقيعه هو ترامب. في المؤتمر، كل الدول الأوروبية كانت قاعدة تسمع، مش تتكلم...ألمانيا وفرنسا وبريطانيا وإيطاليا والإتحاد الأوروبي، الكل كان بيصفق لما السيسي بيتكلم. ???? في المقابل، إسـ رائيل خرجت من القاعة زي الطالب اللي جاب صفر في الامتحان بعد ما كان متخيل نفسه الأول على الصف.. ???? نتـ نياهو اتحشر في ركن، الإعلام الإسرائيلي كله بيتكلم عن فشل الحكومة، واليمين الإسـ رائيلي بيطالب بمحاكمته على القرارات اللي أدت لانتصار مصر السياسي. ???? وفي نفس الوقت الخليج كله بيتفرج في صمت..اللى كان بيحاول ياخد مكانك بقى مضطر يرجع يقولك “ارجع انت القائد وإحنا وراك.” الخليج بدأ يراجع نفسه، خصوصًا بعد ما مصر رفضت أي مشاركة مالية أو سياسية في مشاريع التهـ جير، وفضلت تلعب دورها كدولة عظمى، مش دولة بتاخد أوامر.. أو إعانات.. ???? في النهاية، كل ده مش معناه عـ.ـداء مع الخليج، لأااااااااااا، ده غلط لايجوز أننا نقع فيه، العكس، ده لازم إحتواء.. مصر مينفعش تنفصل عن عالمها عن مكانها، وجيرانها، مصر مينفعش تدخل عداوات مجانية، لازم يتخلق إحتياجات ومصالح..وتأكد إن الوقت اللي هتنام فيه، كـ دولة أو شعب أو مسؤول، مش هتلاقي مكانك، هناك من يتحين سقوطك..التعاون بين الدول قايم على المصالح، فمتطمعش في العشم، وعشان لاتصطدم بالواقع..اللي بكلمك فيه ده تاريخ وواقع.. وقديمًا قالوا : من يتحدى مصر..يتحدى التاريخ.. ومن يتحدى التاريخ يُدفن بين صفحاته.. #مصر #السعودية #الامارات #قطر #البحرين #عمان