إيران اغلقت الباب في وجه العالم

إيران قفلت الباب في وش العالم... وبتقول الحرب مش هتخلص! البرلمان الإيراني وافق النهارده بأغلبية كاسحة على قانون بيعلّق التعاون بالكامل مع الوكالة الدولية للطاقة الذرية. يعني ببساطة: ❌ لا تفتيش ❌ لا تقارير ❌ لا رقابة والسبب؟ الرد على الضربات اللي حصلت مؤخرًا على منشآتهم النووية. رئيس البرلمان الإيراني قالها صراحة: "الوكالة فقدت مصداقيتها"، واتهمها إنها بتتواطأ مع إسرائيل وأمريكا! ???? ده معناه إن إيران داخلة على مرحلة جديدة تمامًا… مفيش رقابة دولية، ومفيش التزام بأي اتفاق نووي، وده بيفتح الباب لكل السيناريوهات السودا، بداية من تخصيب يورانيوم بسرعة، لحد احتمالية تصنيع قنبلة فعلًا. لكن اللي أخطر من كده، إن طهران بتراهن على حاجة واحدة: إن المعرفة النووية ماينفعش تتقصف. يعني حتى لو أمريكا ضربت، المنشآت ممكن تتبني تاني، والعلم فضل موجود. وفي النص ده كله، أمريكا بتتكلم عن ضربة "ناجحة"، لكن تقارير استخباراتية أمريكية بتقول إن اللي حصل فعليًا ماكانش له تأثير كبير، وإن البرنامج النووي الإيراني هيتأخر "كام شهر" بس. ???? كتير بيسأل طب وايه النتيجة يعني ???? – إسرائيل شايفة إنها لسه مخلّصتش – إيران شايفة إنها اتحدّت الكل – أمريكا متلخبطة بين التصعيد والتهدئة – والوكالة الذرية... بتتفرج ????يعني من الاخر برضو: الحرب فعليًا لسه ما بدأتش! وإيران بتقولها صريحة: "مش هنوقف التخصيب... وخلّي إسرائيل تطلب زي ما هي عايزة". بحسب ما ورد في صحيفة "فاينانشيال تايمز" ووكالات أنباء دولية عن مصدر في البرلمان الإيراني