المغرب الجزائر تونس ماذا يحدث
????????????إخواتنا في المغرب والجزائر وتونس.
????احنا في مصر مقدرين جدًا الحركة اللطيفة اللي عايزين تعملوها بخصوص كسر الحصار عن غزة ونتمنى بالفعل إن الحصار ده يتفك، لكن عندنا شوية أسئلة مهمة لازم نعرف إجاباتها قبل أي خطوة.
????أولاً، هل معاكم تصريحات أمنية وموافقات للدخول لمصر ولا لأ؟ بنسأل عشان في نقط لازم تتوضح.
????المعبر له بوابتين، بوابة مصرية وبوابة فلسطينية. احنا كمصر ما عندناش مشكلة إنكم تدخلوا من البوابة المصرية، بس إيه الضمان إن إسرائيل هتفتح البوابة الفلسطينية؟ طيب نفترض إنكم بقيتوا واقفين قدام بوابة رفح الفلسطينية، وتعالوا نفترض كده إن حصل إطلاق نار عليكم سواء من إسرائيل أو من ميليشيا ياسر أبو شباب، وقتها هيحصل إيه؟ دولكم هتطالب مصر بالحفاظ على أرواحكم؟ ولا هتقول إن مصر هي السبب؟ ولا هتسيبوا الموضوع عليكم وتتحملوا مسؤوليتكم؟
????ثانيًا، هل خدتوا موافقات من ليبيا؟ أصل الموضوع مش بسيط، مش هتنطوا من تونس على مصر على طول، ليبيا دولة ذات سيادة ولازم تحترموا ده. هل أخدتوا موافقة رسمية من السلطات الليبية ولا لأ؟
????وأخيرًا، والسؤال الأهم اللي عندي فضول قوي أعرفه، إزاي هتفكوا الحصار عن غزة بجد؟ هل معاكم مسلحين ولا إيه بالضبط؟ إحنا كلنا عارفين إن إسرائيل دولة مجرمة، هتتعاملوا معاها إزاي؟ لما تدخلوا من المعبر، ناويين تعملوا إيه؟
????وكمان، ياترى اتفقتم مع قناة الجزيرة على البث ولا نكلمهم إحنا علشان الخطة تبقى محبوكة؟ وعملتوا فيديوهات جاهزة للبث ولا نعملها ليكم؟
????وبما إننا بنتكلم بصراحة، فخليني أسأل آخر سؤال وده من باب الشفافية، إسرائيل كانت بتعمل تدريبات عسكرية مشتركة مع الجيش المغربي من فترة قريبة، فهل مثلًا إدوكم التعليمات؟ ولا تمويل؟ ولا تنسيق؟ ولا إيه بالظبط؟
⇧
