لفه حول كوكب الارض مع عبده

????????????لفه حول كوكب الارض مع عبده ???????????????????????? ????أهلا بيكم مع عبده في???? ???? أخبار الكوكب ???? ????كوكب الأحد ٨/٦/٢٠٢٥ ولو إنتوا مش متابعين الأخبار بسرعة نحضر كوباية الشاي بالنعناع اللي بيهدي الاعصاب علشان هناخد لفة ف أخبار الكوكب ????ومطولش عليكم وقولولي لاء طول .... ???????? أمريكا... الدنيا والعة ف امريكا .... لا مش بسبب الفضايح اللي إتفضح فيها ترامب فضيحة المتطاهر يا عين امه ولا بسبب البوكس اللي اخده ايلون ماسك فعنيه من وزير الخزانة سكوت بيسنت فقلب البيت الابيض !!! هتقولي الله.... اومال الدنيا والعة فامريكا ليه يا عبده !!! ????????شوف يا سيدي ..... ????ترامب بدأ في ترحيل المهاجرين او اللاجئين وخصوصا في ولاية كاليفورنيا وبدأت الشرطة تقبض على اللاجئين في لوس انجلوس هوبا الدنيا ولعت ....!! ومظاهرات وحرق وضرب وطحن بين الشرطة واللاجئين الغير شرعيين في شوارع لوس أنجلوس لدرجة ان الشرطة مش عارفة تسيطر على الموقف قوم ايه بقا....!! ترامب إستدعى الحرس الوطني !!! الموضوع كبر اكتر والجيش احتمال يعلن التعبئة لمواجهة اعمال التخريب والدمار اللي بيحصل هناك وحاجة آخر درمغة حضرتك !!! لدرجة ان ترامب طلع وقال.... لو حاكم كاليفورنيا والنايب بتاعه معرفوش يسيطروا على الوضع وعلى اعمال السلب والنهب والتخريب انا هحط السرسور المحمي فسيخ ودنهم فين بقا الناس اللي كانت بتطالب الحكومة المصرية انها تنزل الشوارع وتلم اللاجئين فعربيات المواشي وترحلهم !!! إنتوا فاكرين الموضوع سهل وبسيط ؟؟ لا يا حبيبي الدولة المصرية عارفة ان في عالم وسخة بتسخن في موضوع اللاجئين بس على مين !!! أخد الحق حرفة يا برنس وبالقانون....!! وزي ما هما دخلوا متسرسبين واحد واحد .... هيطلعوا برضوا متسرسبين واحد واحد وكله بالقانون. احنا دولة قانون يا برنس انما ترامب فتح صدره وقالك انا شمشون الجبار وهرحلهم فورا..... أهو لبس يا معلم ???? وع الناحية التانية من الكوكب .... ???????? روسيا.... فروسيا بقا الوفد الروسي كان قاعد مع الوفد الاوكراني فتركيا من يومين وإتفقوا على تبادل الاسرى وتبادل الحثث بين الجيشين الروسي والاوكراني... حلو !!! لا مش حلو !!! علشان الجيش الروسي شحن ٦٠٠٠ جثة من الجيش الاوكراني وطلع بيهم على الحدود وفضل مستني الجيش الاوكراني علشان يبادلوا الجثث ومحدش جه من الجيش الاوكراني .... اه والله الجيش الاوكراني قال إيه ياخويا احنا اتفقنا على التبادل اه...!! بس متفقناش على المعاد....!! الروس قالوا يادي النيلة .... اومال هنودي الجثث دي كلها فين ؟؟ الجيش الاوكراني رد وقال عايزين نأجل المعاد إسبوع !!! الجيش الروسي قالهم ال٦٠٠٠ الاف دول حصيلة اسبوع بس ولو استنينا اسبوع تاني هيبقوا ١٢ الف جثة .... بشوقكم بقااا الجيش الاوكراني دلوقتي بيدور على جثث للجنود الروس عنده مش لاقي حضرتك هيجيب منين جثث علشان يبادلهم !!! الجيش الروسي يسكت .... ابدا !!! هوب دبل كيك راح منزل قوايم بأسماء الجنود الاوكرانيين والرتب بتاعتهم على كل القنوات في اوكرانيا وقال للشعب الاوكراني الجيش بتاعكم مش عايز يستلم لحمكم !! واللي ليه ابن او زوج او اخ ييجي ياخد جثته علشان يدفنه بشكل يليق بيه أصلا أصلا كل قيادات الجيش الاوكراني بزلينسكي نفسه مستخبيين في ملاجئ تحت الارض بقالهم تلات ايام بسبب الدرمغة اللي عملها الجيش الروسي فيهم ???????? وع الناحية التانية من الكوكب .... ???? سوريا... إسرائيل النهاردة طلعت بغارة على دمشق... العادي بتاعها يعني حضرتك وقالت في بيان ليها انها كانت بتستهدف قيادي من حماس بس الصراحة يعني والحق يتقال الحكومة السورية لأول مرة متسكتش على الإنتهاك ده !! وطلعت بيان وقالت فيه.... ان الغارة الإسرائيلية ضربت عربية فيها تلات اشخاص كانوا ماشيين فحالهم من الشعب السوري اللي هو احيييه بجد يعني انتوا مش معترضين على الغارة بس معترضين ان في تلات اشخاص كانوا ماشيين بعربيتهم فنفس توقيت الغارة ومن فضلكم يبقا اختاروا التوقيت الصح مثلا !!! دا ملهوش غير معنى واحد حضرتك ان الاسرائيليين منسقين مع الشرع وش ???????? وع الناحية التانية من الكوكب.... ???? إيران.... الإيرانيين بقا بيلعبوا ع المكشوف يا برنس وطلعوا قالوا.... اللهم صلي ع النبي كدا احنا بقا في حوزتنا معلومات إستخبارتية عن الملف النووي الإسرائيلي !!! هنا بقا السؤال اللي عايزك تسأله وتقولي ليه يا عبده إيران أعلنت انها حصلت على معلومات استخباراتية وملفات سرية عن المفاعلات النووية الإسرائيلية ؟؟؟ هقولك إيران بتقولهم بالبلدي كدا انا بقا عندي إحداثيات مفاعلاتكم السرية ???? وتم برمجة الصواريخ الإيرانية على الأهداف دي ف لو فكرت تضرب مفاعلاتي يا برنس.... هخرتألك مفاعلاتك يا معلم وضربة قصاد ضربة وخلي المنطقة كلها تولع !!! هنا ولأول مرة الإسرائيليين بيحطوا جزمة فبوقهم ويسكتوا وخدوا الكلام من الايرانيين وسكتم بكتم اللي كانوا كل شوية هنضرب ايران...!!! ???????? وع الناحية التانية من الكوكب.... ???? كوكب تحيا مصر ???? ???? وفكوكب تحيا مصر.... البنك المركزي المصري بيعلن عن صافي الإحتياطي اللي وصل ل ٤٩ مليار دولار لأول مرة فتاريخه دا بعد ما خلصنا إقساط الديون ودفعنا اللي علينا الحمد لله يعني بالبلدي كدا دفعنا الاقساط اللي علينا والإحتياطي كمان زاد ووصل ل ٤٩ مليار دولار هتقولي طب ما لسه علينا ديون يا عبده !!! هقولك يا نن عين عبده فعز ما الكوكب كله بيواجه كوارث إقتصادية وتضخم وليله سودة حضرتك مصر بتسدد إقساطها فمواعيدها وبتزود إحتياطيها كمان مش كدا وبس....!!! العربية بيزنس بتقول... ان مصر سنة ٢٠٢٦ هيكون قسط الدين ١٤ مليار بس يعني ميجيش حاجة جمب اكبر قسط ديون مصر دفعته السنه اللي فاتت اللي كان ٤٠ مليار دولار وقالت كمان ان ف ٢٠٢٧ هيكون القسط ١٠ مليار دولار بس وف ٢٠٣٠ مصر مش هيكون عليها ولا دولار ديون ???? مش كدا وبس...!!! دي قالت في تقريرها الاقتصادي كمان ان الحكومة المصرية هتزود المرتبات وهترفع دخل المواطن المصري اه نسيت اقولك ان ٢٠٣٠ مصر بتستهدف زيادة الصادرات ل ١٠٠ مليار دولار وان الاحتياطي النقدي فالبنك المركزي فسنة ٢٠٣٠ هيلامس ال ١٠٠ مليار دولار يعني الدولة المصرية ماشية صح جدا وبخطط مدروسة ومشروعات مدروسة يقوم ييجي حتة عيل هربان فلندن يقولك انزلوا يا شعب مصر وهاجموا مشروعات السيسي الواد ده انا حاسس اني عنده خال عبيط.... اه والله شوفوا وانتوا هتعرفوا ليه السيسي مجنن اهل الشر ???? ،???? كمان فكوكب تحيا مصر.... في مشروع عالمي ضخم بيتنفذ فالقاهرة اللي هي العاصمة القديمة اللي ضحكوا عليكم وفهموكم انهم عملوا عاصمة ادارية جديدة وهيسيبوا القديمة تحترق باللي فيها ...!!! ايه هو بقا المشروع ده !!! اول حاجة هو تحويل القاهرة لأكبر متحف سياحي مفتوح فالعالم ...!! هتقولي إزاي يا عبده !!! شوف يا سيدي القاهرة دلوقتي بتشهد اضخم تطوير حصل ليها فالتاريخ وهتتقسم ل ٣ مناطق سياحية القاهرة الفرعونية اللي فيها المتحف المصري الجديد والاهرامات والجيزة وسقارة ودي اول منطقة تاني منطقة ... القاهرة الخيديوية ... ودي بتبتدي من جامعة القاهرة بحديقة الحيوان بالاورمان بمتحف محمد على فالمنيل ومعاهم جادرن سيتي بوسط البلد كله تالت منطقة .... القاهرة الفاطمية ودي بتشمل منطقة القلعة والحسين والسيدة عائشة والسيدة زينب وخان الخليلي وشارع المعز مش كدا وبس ...!!! دي الحكومة المصرية عملت تحالفات دولية مع شركات القطاع الخاص علشان تحول كل مقرات الحكومة اللي فوسط البلد لفنادق عالمية خمس نجوم هتقولي طب يا عبده هي الحكومة المصرية بتعمل كل ده ليه ؟؟؟ شوف يا سيدي.... الحكومة بتستهدف ٣٠ مليون سائح فالقاهرة بس العدد الرهيب ده محتاج فنادق ... ومحتاج مطارات علشان تستقبل كل إسبوع على الاقل ٣ آلاف رحلة طيران سياحة بس اومال حضرتك احنا عملنا العاصمة الادارية ليه !!! علشان ننقل الوزارات برة القاهرة وتحول مقاراتها فنادق وكمان تعمل مطارات تخدم على ال٣٠ مليون سايح اومال السياح دول هيجولك ازاي حضرتك دا مطار القاهرة مكفي المصريين بالعافية !!! شوفوا... لو ربنا كرمنا ووصلنا لسنة ٢٠٣٠ بدون اي حرب او درمغة فالمنطقة مصر هتكون دولة عظمى إقتصاديا فالمنطقة مصر بتستهدف دخل من السياحة بس ٥٠ مليار دولار اي حد من القاهرة هيلاحظ التطور الرهيب اللي بيحصل فكل حتة فالقاهرة من أول مطار القاهرة لحد منطة المتحف الجديد فالهرم مشروع تطوير القاهرة مجنن الإنجليز حضرتك لدرجة ان قناة ال BBC كل إسبوع تعمل تقرير عن تطوير القاهرة كفاية كدا ...... وتقعدوا بالعافية ???????? يديمك ???????? بيعيرونا بفقرنا....... بس انا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????