مين قال إن مريض السكر اختياراته في الأكل محدودة؟
د.محمد الصريدي
مين قال إن مريض السكر اختياراته في الأكل محدودة؟ الأساس هو توازن الكميات في الوجبة الواحدة مع الاهتمام بالبدايل الصحية، والطبق المثالي بيكون: • نص الطبق خضروات قليلة الكربوهيدرات، وغنية بالألياف زي الجزر، البروكلي، الباذنجان، الطماطم، الخس، السبانخ، المشروم، الفلفل. • ربع الطبق بروتين قليل الدهون زي الأسماك، الفراخ، اللحم، البيض، الجبن. • ربع الطبق نشويات كاملة الحبوب زي الرز البني، الشوفان، الخبز البني، المكرونة البني، خضروات نشوية زي البسلة، البطاطا، البطاطس. حساب الوجبات بالشكل ده بيسهل عليك تتحكم في السكر خلال اليوم، وتحافظ على سكرك التراكمي أقل من ٧%. إسأل طبيبك عن الخطة الغذائية المناسبة ليك، وإحمي نفسك من مضاعفات مرض السكر.
