اخبار عالميه ومحلية مختصره مع عبده

أهلا بيكم مع عبده في ..... ???? أخبار الكوكب ???? ???? كوكب السبت ١٤/١١/٢٠٢٦ سقوط الإمبراطوريات !! ولو إنت مش متابع الأخبار بسرعة حضر كوباية الشاي بالنعناع علشان هناخد لفة في اخبارالكوكب ومطولش عليكم ... وقولولي لاء طول ،♦️ أمريكا ... من علامات سقوط الإمبراطوريات..... هو إنهيار البنية التحتية !! و اللي حصل إمبارح ف أمريكا أكبر دليل و كان مفاجأة للكوكب كله....!! دا اصلا كان مفاجأة للأمريكان ذات نفسهم !! مرة واحدة أمريكا عاشت فالقرون الوسطى لمدة خمس ساعات وأكتر....!! مرة واحدة كل التكنولوجيا وشبكات الطيران وشبكات الاتصالات توقفت أمريكا كانت عامية حرفيا....!! طب يا ترى إيه اللي حصل .... الولايات المتحدة الامريكية حاليا بتصارع للبقاء وبنيتها التحتية متهالكة....!! ودا مش كلامي ... دا كلام وزير النقل الامريكي حضرتك طلع زير النقل الأمريكي شون دافي إمبارح وقال : نظام الملاحة الجوية لدينا قديم جدا. العديد من أبراج المراقبة الجوية يزيد عمرها على 100 عام ونريد أن نستثمر في تحديثها.... وكمل وقال..... إحنا أمام حالة طارئة ونريد من الكونغرس أن يمنحنا التمويل الذي يحتاجه تحديث قطاع النقل الجوي...!! طب هل هي دي مشكلتهم الوحيدة !! لا خالص .... دا عندهم مشاكل اكبر من كدا بكتيررر والإدارة الامريكية الحالية .... عبيطة لا بجد عبيطة ومتنفعش حتى تقود دولة في وسط إفريقيا ... لا ثانية واحدة بس انا مش جاي أكلمكم عن المعلم عجة ... ترامب سابقا حقيقي انا كنت فاكر ان ترامب هو بس اللي عبيط ... دا طلع في اللي اعبط منه فالإدارة الامريكية بيت هجيسيث وزير الدفاع الامريكي !! هتقولي عمل إيه يا عبده ....!! أبدا كل الحكاية إنه كان قاعد مبسوط مع مراته بس شكلها كدا القعدة كانت مش ولابد وعاملين دماغ !! ف قالها إيه رأيك نروح عند قبر الجندي المجهول ونحط بوكيه ورد وناخد كام صورة هناك بمناسبة يوم المحاربين القدامى اللي دافعوا عن تراب امريكا فالحرب العالمية ...!! قالتله إشطة ...!! وزير الدفاع الامريكي اللي هو اكبر جيش فالكوكب مكدبش خبر وقام واخد مراته وسكرتير مكتبه والنايب بتاعه وطلع على النصب التذكاري في مقبرة ارلينغتون وحطوا الورد واخدوا كام صورة تذكارية ... القصة والحدوتة تخلص على كدا يا كونت ... أبدا !! تقريبا كدا الدماغ عليت معاهم والهوى سطلهم اكتر وقعدوا يقولوا نكت ويضحكوا ضحك هستيري قدام قبر الجندي المجهول .... مسطولين يابااا هنا بقا كانت المفاجأة ...!! الجندي المسؤل عن التأمين إتنرفز وإتعصب جدا من الموقف لدرجة إنه هزقهم حرفيا وقالهم ... يجب على جميع الزوار الحفاظ على أجواء من الصمت والاحترام في جميع الأوقات !! خد بالك إن الجندي ده بيوجه توبيخه لوزير الدفاع الامريكي ومراته وسكرتيره والنايب بتاعه في سابقة لم تحدث في أي جيش فالعالم ولا حتى في دول الموز يا جدع !! هتقولي طب وزير الدفاع سكت له يا عبده !! هقولك ولا نطق بكلمة والفيديو وصل لوزارة الدفاع الامريكية والدنيا إتقلبت فالبنتاجون !! لدرجة ان البنتاجون كرم الجندي مش دي المشكلة !! المشكلة ان القصة دي حصلت بعد ما كان في تصويت فالكونجرس الامريكي على مدى صلاحية بيت هغيسث في منصبه كوزير دفاع ولا لاء !! ودا يوضحلك قد إيه ان جيش اكبر دولة فالكوكب بينخور فيه السوس مش البنية التحتية وبس ولو دخل حرب حقيقية هينهار تماما ودا اللي بتتجنبه الادارة الامريكية هي بتحب الحروب اللي بتعتمد على خونة الاوطان واخطف وإجري !! يا صديقي بداية إنهيار الإمبراطوريات ديما بيبدأ من إنهيار الإلتزام و القيم والأخلاق العسكرية من قادة جيوشها وبييجي بعدها إنهيار البنية التحتية وبعدها الامبراطورية بتكون تاريخ...!!! فاكرين لما السيسي قال للجندي الدولار هيبقا إيه ...؟؟ قاله هيبقا تاريخ يا فندم.... يعني ملهوش لازمة وهنا بقا لازم أخدك يا صديقي لجملة الرئيس السادات لما قال.... انا مش بحارب إسرائيل ....!! أنا بحارب امريكا لوحدي وقدرنا ننتصر ونسترد ارضنا علشان احنا عندنا جيش عظيم عنده عقيدة قتالية راسخة مش كدا وبس !! عزيزي متابع عبده لولا ان أمريكا عارفة مدى قوة الجيش المصري ومدى بسالته وعقيدته القتالية كانت يا باشا حطت عليك وعملت فيك زي ما عملت في العراق وسوريا وليبيا واخيرا إيران !!! طب هي حاولت ....!! يختااااي دي من سنة ٢٠١١ وهي بتحاول وكل مرة بتلبس فالحيط الجيش المصري هو مصنع الرجال .... وعرين الأبطال ،???? كمان في امريكا .... شركة إنفيديا .... إيه شركة إنفيديا دي يا عبده ...!! دي حضرتك درة تاج الإمبراطورية الأمريكية التكنولوجية دي أحد أكبر واعظم شركة فالكوكب لتصنيع أقوى الرقائق و شرائح الكمبيوتر والذكاء الإصطناعي فالكوكب !! مش كدا وبس ...!! دي الشركة اللي امريكا وترامب بيحارب بيها الصين علشان يوقف تطورها الرهيب فالتكنولوجيا ويوقف شركة هواوي عند حدها !! شوفتوا بقا الشركة دي مهمة قد إيه بالنسبة للإمبراطورية الامريكية .... زيها زي الجيش الامريكي أووم إيه يا معلم ....!! ال FBI اللي هي زي أمن الدولة عندنا كدا بس ف امريكا يعني...!! تكتشف إن رئيس شركة إنفيديا الأمريكية ماشي مع البت أليس هوانغ الصينية من ورا مراته !! هتطلعلي واحدة إسكندرانية زي القمر من البلكونة وتقولي لا يااا راجل عليا أنااا دا نص رجالة الكوكب ماشيين مع ستات من ورا مراتتهم يعني هي جت ع الراجل الغلبان ده !!! وبعدين دي صينية .... اومال لو كانت إسكندرانية كانت عملت فيه إيه ???? شوفي والنعمة لو كانت إسكندرانية كان باع الدنيا كلها علشانها ومش بعيد كان رجع منغير ..... مممم شرباته ومشيها شرباته زي واحد صاحبي متعرفهوش نرجع بقا لرئيس إنفيديا اللي هي اكبر شركة أمريكية فالكوكب فالتكنولوجيا ... الراجل ده بعد ما قفشوه ماشي مع واحدة صينية من ورا مراته ... وطبعا مش بعيد تكون مراته هي اللي بلغت عنه بالعكس دا انا متاكد من كدا ???? ال اف بي اي إكتشف ان البت اليس هوانغ الصينية دي اصلا جاسوسة صينية .... اه والنعمة وكل اسرار شركة إنفيديا وملفاتها فحضن الصين حضرتك !! علشان كدا الصين سبقت امريكا تكنولوجيا من زمااان وشركة هواوي الصينية كانت بتناطح انفيديا و طبعا الراجل قدم إستقالته بعد ٣٣ سنة من قيادة شركة انفيديا وآدي آخرة اللي يخون مراته مع واحدة إسكندرانية يووه اقصد صينية ???? ،♦️ وع الناحية التانية من الكوكب .... ،???? ألمانيا... الإسبوع اللي فات ف المانيا صدر قانون مهم جدا ... قانون رفع الحماية عن السوريين !! هتقولي يعني إيه يا عبده !! هقولك بالبلدي كدا كان في قانون في المانيا بيحمي السوريين على اعتبار انهم لاجئين والقانون ده بيوفرلهم دخل شهري وسكن وتعليم وصحة حتى لو هما مبيشتغلوش الحكومة الالمانية قالتلهم بح.... كان في منه وخلص وعملوا قانون رفع الحماية عن السوريين يعني لا تقولي لاجئ ولا زفت ويلا غور على بلدك انت كدا هتكون مطارد طول الوقت من الشرطة الالمانية...!! هتقولي طب واحنا يا عبده ....!! لسه ربنا منفخش فصورتنا ونعمل قانون كدا !! هقولك يختاااي ما احنا عملناه السنه اللي فاتت بس عملناه بصياعة حضرتك وسمناه قانون اللجوء وبدأنا فالإجراءات حضرتك وكل من هو ليس له اي ورق اثبات شخصية او مش مسجل فالمفوضية او ملهوش ورق إقامة او إقامته متجددتش بيترحل فورا وهتلاقي حضرتك في كل الكمائن بتاعة الشرطة فكل حتة لو مسكوا اي سوداني او سوري معهوش تصريح اللجوء او الاقامة بتاعته منتهية بيترحل فورا وعلى حسابه لو مش مصدقني ...!! انزل الحصري ف اكتوبر.... اقسم بالله من سنتين كان اوسخ من حلب ودمشق امبارح كنت بتغدى هناك مفيش ولا سوري لمحته هتقولي طب ما كدا ممكن يروحوا يجددوا الإقامات !! هقولك عيب عليك ... اومال ايه فايدة مدام إعتماد اللي فالدور الرابع اللي مدوخة نص الكوكب !! محدش حرفيا بيعرف يجدد إقامة من سنتين وكله بالقانون علشان المجتمع الدولي هتقولي طب والسودانيين يا عبده ..!! هقولك شوف قصة السودانيين مختلفة شوية !! علشان الحدود المشتركة وكل ما الدولة ترحل فوج من السودانيين عصابات التهريب بتدخل قدهم مرتين تلاتة والقصة دي مش هتخلص غير لما السودان نفسه يستقر واعتقد ان الدعم السريع خلاص كدا بيلعب فالوقت الضايع والسودان هيرجع مستقر !! ،♦️ وع الناحية التانية من الكوكب .... ،???? إسرائيل.... بصوا هو انا مش هتكلم عن الانتخابات والهجص اللي بيحصل عندهم انما في تحرك غريب ومريب كدا بيحصل عندهم !! كل الجراجات اللي تحت الارض فضوها وحولوها لمستشفيات وملاجئ ورعاية طارئة !! مش كدا وبس !! والنهاردة بداوا في نشر ملاجئ متنقلة ومحصنة ضد الغازات السامة والنووي ???? طب إيه اللي هيحصل ...!!! شوف مش هقولك اتخض وإترعب وكدا لاا انسى بس شوف تصريح الرئيس السيسي الاسبوع اللي فات وانت هتطمن على مصر لما وجه بزيادة المخزون الإستراتيجي للدولة من كل حاجة ما قولنا خلاص ....ما اللي ذاكر ذاكر يابااا والنيجة فالكونترول ،♦️ وع الناحية التانية من الكوكب ... ،???? السودان... السودان النهاردة غير السودان إمبارح حضرتك !! السودان هي الحديقة الخلفية للدولة المصرية وبرضوا مننساش ان السودان ومصر كانوا دولة واحدة لحد وقت قريب !! ومشكلة السودان في رأيي مش فالسودان نفسها لا خالص المشكلة في الانظمة السابقة للدولة المصرية اللي سابت الحديقة الخلفية للدولة المصرية يلعب فيها كل من هب ودب !! هتقولي يعني إيه الكلام ده يا عبده !!! هقولك لو الانظمة السابقة في مصر كانت إهتمت بالسودان ومنعت وصول الإخوان لمفاصل الدولة السودانية ومنعت وصول البشير مكناش وصلنا دلوقتي للي إحنا فيه !! بس إركن بقا كل اللي حصل من الانظمة السابقة وتعالى وشوف العظمة اللي بتعملها دلوقتي الدولة المصرية فالسودان بقيادة الزعيم السيسي !! النهاردة نقدر نقول إن الجيش الوطني السوداني قدر يسيطر على ٩٩٪ من الدولة السودانية والدعم السريع خلاص بقا مسألة وقت وخصوصا لما نائب حميدتي نفسه أعلن استسلامه وانضمامه للجيش السوداني اللي هقولهولك ده إعتبره تخاريف مبنجاتي.... عايزك كدا يا عزيزي تتخيل إقامة نظام فيدرالي بين مصر والسودان وليبيا وتقوده الدولة المصرية ...!!! نظام إقتصادي وتعليمي وصحي وعسكري متكامل بقيادة الدولة المصرية تخيلت !!! الدول العظمى يا صديقي لازم يتوسع نفوذها شرقا وغربا وجنوبا وبالمناسبة يعني دي اصلا حدود الدولة المصرية تاريخيا حتى منابع الحبشة فمتستغربش من موقف الدولة المصرية من السودان علشان هي حتة مننا هو مش قالكم نظام عالمي جديد وحدود جديدة هيتم رسمها استنوا انتوا بس للي هيحصل بعد ٢٠٣٠ ???? ،♦️ وع الناحية التانية من الكوكب .... ،???? الصين.... الصين عملت حركة غريبة جدا إمبارح .... رعبت تايوان والمحيط الهادي كله.... الجيش الصيني هبت فدماغة يعمل مناورات بدون حتى اعلان رسمي وحشد اكبر قوة جوية وبحرية في تاريخ الجيش الصيني !!! امريكا سالت تايوان في ايه يا جدعان .... هي الحرب قامت !!! تايون ردت وقالت والنبي ما نعرف بس الجيش الصيني نونوت فدماغه يعمل مناورات من الفجر بكل وحداته الجوية والبحرية فالمحيط الهادي ولا حتى قال ولا حتى اعلن عنها ولا حتى برسالة واتس!! يا ترى الصين ناوية على ايه !!! ،♦️ وع الناحية التانية من الكوكب .... ???? كوكب تحيا مصر ???? ،????وفكوكب تحيا مصر ... يا مصر بتعمليها ازاااي....!! الطماطم المصرية اللي بتجتاح أسواق تونس والدول العربية والأوروبية... الله هي مش دي الطماطم اللي كان عضها حنش !!! الحقيقة مش الطماطم بس !! لا حضرتك دي كل المنتجات الزراعية المصرية بتجتاح اسواق العالم عارفين ليه !! علشان النظام القديم فالزراعة في مصر كله إتغير !! ايوا حضرتك مصر بقت متقدمة جدا فالزراعة اومال هي ليه الدولة المصرية بطنت الترع وغيرت نظام الصرف الزراعي وغيرت نظام الري وإستنبطت أصناف وبذور عالية الانتاج وإستصلحت الاراضي الصحراوية وعملت هيئة رقابة صارمة عالانتاج بمواصفات عالمية !! اللي مصر بتجنيه دلوقتي دا شقى وتعب أجهزة الدولة المصرية في عهد السيسي على مدار عشر سنين مش وليد اللحظة حضرتك !! لا تكون فاكر ان المنتجات الزراعية اللي بيزرعها الفلاح فالارض اللي جمبك هي اللي بتتصدر لأوروبا والدول العربية !! لا حضرتك ....!! دي مشاريع زراعية ضخمة وصوب زراعية فتوشكى وشرق العوينات والضبعة والدلتا الجديدة وسيناء !! كل المشاريع الزراعية دي إتعملت في عهد السيسي بمواصفات عالمية زيها زي الطرق لاء ثانية واحدة ...!! هو انت فاكر ان القصة قصة زراعة وبس ...!! دي مصانع أسمدة كيما ١,٢,٣ مصانع اسمدةاتحدثت واتطورت بمواصفات عالمية بتخدم ع الزراعة !! لاء ثانية واحدة بس ....!! هو انت فاكر ان القصة قصة زراعة وبس !! دا في معامل ومراكز بحوث زراعية لإستنباط أصناف بإنتاجية ومواصفات عالمية !! انت كمواطن مصري بدات تحس بطعم وريحة وحلاوة الفواكه والمنتجات الزراعية مكناش بنستطعمها زمان .... صح ولا انا غلط لاء ثانية واحدة .... هو انت فاكر ان القصة قصة زراعة وبس !! دا حتى المبيدات الزراعية اللي بقت تدخل مصر لازم تعدي على معامل القوات المسلحة علشان تحللها و تشوفها مطابقة للمواصفات العالمية ولا لاء انسى الميغة بتاعة النظام السابق والمبيدات المسرطنة اللي كانت بتدخل تهرييب والهجص ده !! انا روحت محطة السادات التابعة لجهاز الخدمة الوطنية فيها معامل ضخمة جدا بمواصفات عالمية مبتعديش الشعرة سيان بذور او مبيدات زراعية لا والنبي هو انتوا نسيتو يوسف والي واللي عمله فالزراعة والمبيدات المسرطنة وساعتها طلع وقال احنا لازم نستفيد من التجربة الاسرائيلية فالزراعة ???? لو إنتوا نسيتوا ..... التاريخ مبينساش ،???? كمان فكوكب تحيا مصر ... ١٥٠ شركة هندية بتستعد لزيارة مصر ...!! ليه يا عبده !!! يا صديقي مهو مش معقول الصين تنقل مصانعها لمصر والهند تقف تتفرج !! هتقولي علشان الموقع الجغرافي يا كونت !! هقولك يا برنس دا مكنش كفاية ... ما مصر بقالها سبع تلاف سنة فنفس المكان !! انما الطفرة اللي عملتها الدولة المصرية فعهد السيسي فالمواني والطرق والزراعة والصناعة وقوانين الإستثمار والإصلاح الإقتصادي خلى مصر هي تاج المنطقة وكله عايز ييجي يلحق مكان لشركاته ومصانعه وبعد كل ده مش عايز أهل الشر يتدايقوا ويبوظولك السكك الحديدية وشبكة القطارات والطرق !! يا باشا دي حرب من نوع تاني خاااالص!! ال ١٥٠ شركة هندية دول كان المفروض يروحوا اسرائيل علشان يعملوا طريق الهند اسرائيل ومنه لاوروبا هوبا دبل كيك الدولة المصرية العميقة بوظت كل مخططاتهم كدا مقدمهومش غير انهم ييجوا مصر علشان منتجاتهم توصل لأوروبا وإفريقيا ١٥٠ شركة هتتعدى إستثمارتهم ومصانعهم ال ٥ مليار دولار طاروا من اهل الشر فلمح البصر !! ومش عايزهم يبوظوا شبكة القطارات ... لا انت كدا جاي تهزر ???? ????الخبطه الكبرى ترامب وبوتن ورئيس الصين هيجتمعوا يوم 19/11/2026 في الصين علشان البيعه تخلص على بعضها اوكرانيا وتايوان وايران وكله هيقسم في التورته وطبعا ده كله بمباركه السيسي ويا بخت من وفق راسين في الحلال لا والله دول ثلاث روس ومش اي روس يا عبده علشان تعرف ان غرفة العمليات في المخابرات المصرية بتعمل الصح وبمزاج قوي صح يا عبده ولا ليكم راي ثاني ،???? كمان فكوكب تحيا مصر .... تعالى اقولك على حتة كدا من طرف المعلقة واخبار الكوكب اللي جاية هحكيلك القصة كلها.... مصر هتربط البحر الاحمر بالمحيط الاطلنطي.... ايون ... انت قريت صح مصر هتربط البحر الاحمر بالمحيط الاطلنطي ...!!! زي ما مصر قدرت تربط البحر الاحمر بالبحر المتوسط ???? مصر دي هتجنن اهل الشر يا مصر بتعمليها ازاااااي كفاية كدا .... وتقعدوا بالعافية بيعيرونا بفقرنا ...... بس انا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????