عوده منتج صنع في مصر وعوده 4000 مصنع للعمل
????????????عاجل عوده منتج صنع في مصر ????????????????????????
???? يا مستوردين.. شوفوا لكم شغلة تانية لأن المكن المصري قرر ميسكتش تاني!
???? بقيت أسمع بقالي سنين نغمة الصناعة في مصر بتودع والمستورد كسر عضم المحلي، والناس اللي كانت بتقول إن المصانع اللي قفلت دي خلاص بقت خرابة وعليها عفاريت.. بس اللي حصل اليومين دول بيقول إن العفاريت دي طلعت عفاريت شغل، وإن اللي كان بيحجز كفن للمصانع المصرية يروح يرجعه وياخد فلوسه، لأن القطر قام وفيه 4 آلاف مصنع رجعوا يصفروا من تاني!
???? لما نتكلم عن عودة 4 آلاف مصنع للعمل بتوجيهات رئاسية، إحنا مش بنتكلم عن مجرد طوب وأسمنت وشوية مكن اتزيت.. إحنا بنتكلم عن 365 ألف بني آدم رجعوا لبيوتهم بمرتبات وكرامة. إحنا بنتكلم عن "كسرة عين" للمستورد اللي كان بيذلنا بقرشين العملة الصعبة عشان يجيب لنا إبرة وفتلة من بره.
الحكومة المرة دي لعبتها صح؛ بدل ما نقعد نبني من الصفر ونضيع وقت، دخلت الإنعاش للمصانع اللي كانت متعثرة. ليه؟ لأن تشغيل القديم أسرع وأرخص وأنجز. دي مش سياسة.. دي شطارة تجار في مصلحة البلد.
???? أكبر قلم على وش المشككين كان عودة شركة النصر للسيارات. الشركة دي اللي كانت رمز لمصر وبقت جثة لمدة 15 سنة، النهاردة بتنتج أتوبيسات وبتجهز للعربيات الكهرباء. مش بس هي، عندك النصر للمسبوكات وسمنود للوبريات وكيما.. قلاع صناعية كانت مهجورة والنهاردة المكن فيها مبيسكتش.
???? واللي يفرحك بجد، هو اللي حصل في الفيوم. مجمع الملابس الجاهزة هناك حول الستات من مجرد ناس مستنية معاش لناس منتجة. المصنع اللي كان مقفول من 2009 بقى خلية نحل بتشغل 2000 ست، وفي الطريق لـ 3 آلاف. دي التنمية اللي بجد، اللي بتخلي الست قوية، وبتوفر لها حضانة لعيالها جوه المصنع عشان تشتغل وهي مطمنة.
???? وزارة البيئة المرة دي مش جاية عشان تدفع الناس غرامات، دي جاية عشان تقول للمصنع: تعالى أحدث لك مكنك وأعلمك إزاي متلوثش وتوفر في الطاقة. ليه؟ عشان لما نيجي نصدر لأوروبا وللعالم، يقولوا المنتج المصري أخضر ومطابق للمواصفات. يعني ضربنا عصفورين بحجر: حافظنا على صحتنا وفتحنا أسواق بره.
???? الخطة مخلصتش عند الـ 4 آلاف.. فيه 6 آلاف مصنع تانيين العين عليهم. البنوك بدأت تتحرك، والبيروقراطية والروتين بياخدوا على دماغهم بالرخصة الذهبية وتسهيل الإجراءات.
الرسالة واضحة لكل واحد كان فاكر إننا هنفضل بلد بتستهلك وبس: الصناعة المصرية رجعت تسن سنانها، والـ 365 ألف عامل اللي رجعوا دول هما أول الغيث. اللي جاي مش بس صنع في مصر، اللي جاي "مصر بتصنع مستقبلها بإيد ولادها.
???? متمشيش إيدك فاضية. اخبط اللايك والشير وشرفنا بالمتابعة عشان تبقى في قلب الحدث قبل أي حد في الدنيا.. وتكون من عائلتي .. وختامها مسك، صلي على الزين، سيدنا محمد ﷺ.. اللهم أعز الإسلام والمسلمين.
تحيا مصر وتعيشي يا بلادي حرة ????????????????????❤️
#تحيا_مصر ❤️????????????
⇧
