إيران تضرب حاملة الطائرات الأمريكية لينكوكن
???????? ترامب حب يلعب بدماغه ويفتح مضيق هرمز بالعافية، قامت إيران ضربتله حاملة الطائرات إبراهام لينكولن!
????????طب أيه اللي حصل باختصار؟
???? زي ما انت عارف، مضيق هرمز دلوقتي مقفول بالكامل والبحرية الإيرانية فارضة عليه حظر مرور، وأي سفينة أو ناقلة نفط بتعدي منه بتتضرب... وده طبعًا عامل مشكلة اقتصادية كبيرة جدًا في العالم، عشان البترول والنفط والغاز اللي جاي من الخليج العربي مش عارف يطلع، وده اتسبب في زيادة سعر النفط لحد ما وصل دلوقتي 85 دولار وما زال بيزيد...
????بسبب الإغلاق ده، دول كتير بدأت تقفل حنفية النفط بتاعتها هي كمان عشان تحافظ على الانتاج بتاعها للاستهلاك المحلي، ومنهم الصين اللي لسه موقفة تصدير الديزل والبنزين الصبح حسب وكالة بلومبرج، ومعاها كمان الهند واليابان وإندونيسيا، ودول تانية في شرق أسيا... وطبعًا ده معناه زلزال اقتصادي حتمي هيرفع أسعار السلع وهيأثر بشكل خاص على أوروبا اللي أصلًا عندها أزمة طاقة...
????️ مين بقى اللي جه واستغل الحوار ده وعمل لقطة على الأوروبيين؟!
????الرئيس الروسي بوتين طبعًا... جالك امبارح وقالك "أنا بفكر أوقف تصدير الغاز لأوروبا والبحث عن أسواق جديدة أفضل"... وواضح ان الموضوع مش مجرد كلام، لإن النهارده جت أنباء بإن موضوع وقف تصدير الغاز ده دخل النقاش فعلًا في الحكومة الروسية...
????طبعًا بوتين بيعمل كده عشان يضغط على الأوروبيين عشان يخفوا دعم لأوكرانيا، خصوصًا إن أوروبا مرعوبة دلوقتي لإن امداداتها من الغاز كده أصبحت مهددة بالخطر الحقيقي... مفيش غاز من روسيا ولا في غاز من قطر لإنها أعلنت حالة القوة القاهرة ووقفت صادرات الغاز تمامًا...
????️ ف الأوروبيين هيضغطوا على مين؟
مفيش غيره... البرتقالي المجنون اللي فاضحنا في الفضائيات ومودينا ف داهية... شوفلنا يا عم ترامب حوار إيران اللي انت ورطتنا فيه من غير ما تاخد رأينا ده، وحل لنا القصة دي عشان دي فيها قطع رقاب...
???? البرتقالي بتاع الأطفال حاول طبعًا يضغط على شركات الشحن إنهم يعدوا من المضيق وقالهم هيخلي السفن الأمريكية تعدي معاهم تأمنهم، وكمان تعهد إن أمريكا هتدفع تمن أي تعويضات لأي سفينة تتضرب أو تتعرض لأذى، عشان شركات التأمين كلها لغت تأمينها للسفن دي..
بس طبعًا بتوع شركات الشحن مش عُبط... عايزنا نثق فيك وانت حرامي وكداب أساسًا؟!
???? وبعدين بفرض يا سيدي إننا عدينا فعلًا والسفن اتضربت وغرقت، والحكومة الأمريكية دفعتلنا الفلوس.. مين بقى هيعوضنا عن السفن اللي غرقت، واللي هتاخد سنين طويلة ومئات الملايين حرفيًا عشان تتبني تاني؟
قام ترامب تقمص دور رامبو، وقالك خلاص مبدهاش، احنا نفتح المضيق بالعافية...
???? وبالفعل القوات الأمريكية امبارح غرقت 11 سفينة حربية إيرانية (حسب كلام الإعلام الغربي)، وقالك خلاص كده أكيد الموضوع اتحل.. وعشان كده حاول بقى من شوية النهارده انه يبعت أكبر حاملة طائرات في العالم، اللي هي الحاملة الأمريكية "إبراهام لينكولن" للعبور من المضيق والسيطرة عليه...
???????? بس علطول حصلت المفاجأة!
???? حسب تصريحات المتحدث باسم مقر "خاتم الأنبياء" المركزي لوكالة الميادين الإخبارية من شوية، الحاملة قربت على حدود إيران المائية بمسافة 340 كيلومتر بهدف السيطرة على المضيق، بس هما علطول قاموا أطلقوا عليها مسيرات انتحارية (اللي هي غالبًا من نوع شاهد 136)، ونجحوا في إصابتها إصابات مباشرة وأجبروها تنسحب وتتراجع لمسافة تزيد عن الـ 1000 كيلومتر!
لف وارجع تاني... معلش بقى يا بو إيفانكا، المضيق مقفول حتى إشعارٍ آخر ????
???? هحكيلك تفاصيل تانية عن موضوع المضيق ده ومدى تأثيراته في الأسواق العالمية في بوستات قادمة، ومتنساش تبص ع الصورة هتلاقي فيها بعض المصادر وهسيبلك حاجات تانية في الكومنتات ????
ولو وصلت لهنا متنساش بس الشير عشان الموضوع يوصل للكل.. وشكرًا.
⇧
