لفه حول كوكب الارض مع عبده

????????????أهلا بيكم مع عبده في .... أهلا بيكم مع المختصر المفيد في .... ???? أخبار الكوكب ???? ????كوكب الثلاثاء ١٧/٢/٢٠٢٦ معلش إتأخرت عليكم .... وكل سنة وكل الشعب المصري بخير وسلام ???? وبمناسبة رمضان ...تبرعوا لإنقاذ أمريكا!! ولو إنتوا مش متابعين الاخبار بسرعة حضروا كوباية الشاي بالنعناع علشان هناخد لفة في أخبار الكوكب ... ومطولش عليكم وقولولي لاء طول ... ،???? أمريكا .... تبرعوا لإنقاذ أمريكا ....!! دا مش كلامي انا والله ....!! دا كلام ترامب اللي طلع من يومين وقال للشعب الأمريكي ان رمضان داخل علينا و إن الديون الأمريكية هتكون سبب ف الإنهيار الإقتصادي ..!! وان الإقتصاد الأمريكي يوميا... خد بالك من كلمة يوميا بيستلف ٧ مليار دولار !! يعني بالبلدي كدا الشعب الامريكي علشان يعيش وياكل ويشرب الحكومة الامريكية بتستلف ٧ مليار دولار يوميا على ريق النوم طب الحل إيه يا عم ترامب ... طلع ترامب وقال انا بناشد الشعب الامريكي إنه يتبرع ولو بدولار لإنقاذ أمريكا ..!! وان ال٣٩ ترليون دولار ديون امريكا هي مسؤلية كل واحد فالشعب الامريكي !! هتقولي الله ....معقول يا عبده !! بقا أمريكا اللي واكله فلوس روسيا وبترول فنزويلا واقتصاد اوروبا هتفلس !!! اومال عايزة تحارب إيران ليه ؟؟ انت بتقول اي كلام يا عبده ???? شوف يا سيدي .... و علشان محدش يضحك عليك .... الحرب على إيران هي حرب أمريكية بالدرجة الاولى مش علشان خاطر إسرائيل ولمؤاخذة !! إسرائيل عارفة ان امريكا هتنهار ... هتنهار آجلاا او عاجلااا !! بس هي عايز تطلع بأكبر المكاسب وبتستغل الكوارث اللي بتحصل فالكوكب لمصلحتها وميجراش حاجة فوسط المدعكة دي كلها انها تنفذ كل أحلامها ومخططتها للوصول لحلم الدولة الكبرى علشان لما تنهار امريكا تفضل هي مكملة ???? وعلشان تفضل مكملة لازم تخلص من ايران وتركيا ومصر زي ما خلصت من العراق وسوريا...!! نرجع بقا للحرب الامريكية الايرانية ...!! حرب امريكا على ايران هي حرب امريكية وجودية حضرتك ..... اه والله علشان تقفل محبس البترول عن الصين اللي هي مش عارفة توقفها زي ما قفلت محبس البترول بتاع فنزويلا عن الصين !! الصين بقا عارفة ان بترول ايران لو توقف ف ٥٠٪ من مصانع الصين هتتوقف تماما علشان كدا بقولك ان الحرب الامريكية الايرانية هي حرب وجودية بالنسبة لأمريكا والصين ودا سبب الحشد الرهيب للجيوش الامريكية والأسلحة الصينية فالخليج !! ياعم والله دي حرب وجودية لحد ما يوصلوا لإتفاق بين امريكا والصين مش امريكا وايران !! ولو وصلوا لإتفاق هيكون الاتفاق ده هو تأجيل للمواجهه بس بين امريكا والصين !! علشان كدا أمريكا بتقدم رجل وتأخر رجل فالحرب دي !! والصين من مصلحتها ان المواجهه متحصلش دلوقتي !! الصين من وجهة نظرها ان امريكا كدا كدا هتنهار إقتصاديا لوحدها بسبب الديون .... ليه ادخل نفسي فحرب مع حد ميت ميت !! طب مين اكتر دول امريكا مديونة ليها !! اليابان المملكة المتحدة الصين اه نسيت أقولكم ان ادارة ترامب عملت موقع رسمي للحكومة الامريكية وبتقول فيه ... اتبرع ولو بدولار لإنقاذ امريكا ....اه والنعمة ولو مش مصدقني بص على الاخبار الأمريكية أو سى إن ان ،???? وع الناحية التانية من الكوكب ... ،???? اليابان... الكوكب كله عينه على الحرب الامريكية الايرانية وانا عيني على اليابان ...!! هتقولي ليه يا عبده ....!! هقولك علشان اليابان خلاص هتعلن افلاسها رسميا والإقتصاد الياباني هيكون اكبر قنبلة نووية إقتصادية هتضرب الكوكب كله ...!! هتقولي ازاي يا عبده ....!! دا انت لسه قايلنا ان اليابان هي اكبر مدين لامريكا ...!! اه منا نسيت اقولك ان اليابان إشترت بكل فلوسها ديون امريكا أقصد سندات أمريكية يعني عيان معرفش بيعمل ايه فميت !! ودلوقتي اليابان ديونها وصلت ل ٩ ترليون دولار يعني ٢٥٠٪ من الناتج القومي !! فالحل إيه !! يا إما اليابان تطبع فلوس عالفاضي زي ما هي بتعمل وتداري على خيبتها وديونها تزيد !! يا إما تفكر تبيع السندات الامريكية اللي معاها وتنقذ بلدها بس فالحالة دي أمريكا هتنهار رسميا ..... اه والله علشان اليابان هي اكبر دولة فالكوكب بتمتلك سندات امريكية اللي هي ديون امريكا لو فكرت تبيعها السندات دي هتنهار وهينهار معاها اقتصاد امريكا !! علشان كدا امريكا واقفة فضهر الاقتصاد الياباني بكل ما تملك من قوة !! ودا احد اسباب اغتيال رئيس الوزاراء الياباني شينزو لما فكر بس يبيع السندات الامريكية علشان ينقذ حكومة اليابان من الافلاس !! وينقذ المصانع اليابانية من الافلاس...!! مش بقولكم قنبلة نووية .... ربنا يستر ع الكوكب ،???? وع الناحية التانية من الكوكب ... ،???? إيران ... ايران هتنضرب هتنضرب حضرتك !! علشان الحرب مش حربها أصلا ولا هي حرب علشان النووي الايراني ولا علشان برنامج الصواريخ البالستية !! كل دي حجج حضرتك !!! الحرب اصلا بين امريكا والصين ...!! هتقولي طب الحل ايه يا عبده !! الحل الوحيد اللي ممكن يوقف الحرب دي كلها ان ايران توافق انها تقفل محبس البترول عن الصين !! طب لو النظام الايراني موافقش !!! يبقا كدا هتنضرب ....!! هتقولي طب والحوثيين وحزب الله هيسكتوا ...!! ياعم دول كومبارس فالفيلم ... التلاتة بشلن السؤال هنا .... هل الصين هتدخل الحرب ولا لاء !!! اصلا لو الصين مدخلتش دا معناه ان الصين بتتخلى عن ٥٠٪ من الطاقة اللي بتوصلها لبناء الإمبراطورية الصينية ودا هيعطلها سنين كتير وامريكا هتكمل شوية معانا فالكوكب ???? ،???? وع الناحية التانية من الكوكب .... ، ???? الإمارات... دورها إنتهى ....!! ازاي يا عبده ...؟ والله حضرتك الامارات قبل فضيحة ابستين حاجة ...وبعد فضايح ابستين حاجة تانية خالص ولاحظ كدا دورها فالعالم قبل الفضيحة ... وحصلها ايه بعد الفضيحة اه بالمناسبة يعني ....!! جزيرة ابستين هي معقل لتجنيد العملاء حول العالم لل CIA بس للعملاء الكبار يعني اللي بيتحكموا فالعالم !! كل الوثائق المعلنة والغير معلنة ما هي إلا برامج تجنيد لعلماء واثرياء وحكام علشان يكونوا تحت إيد أمريكا علشان تتحكم فالكوكب لسنين طويلة !! هتقولي ما هي فضحتهم !! هقولك العالم بيتشكل من اول وجديد والكروت دي اتحرقت خلاص !! هتقولي بس الرئيس السيسي كان فالإمارات !! الرئيس السيسي بينقذ ما يمكن إنقاذه وبيحاول يلم شمل المنطقة كلها علشان مش من مصلحة اي دولة اللي هيحصل فالمنطقة وخصوصا ان الحرب القادمة فالمنطقة هي حرب بين قوتين عظمتين !! كمان التغييرات اللي عملها بن زايد فالقيادات الإماراتية بتقول انه بينضف البيت الداخلي بعد ما اكتشف ان القيادات دي مكنتش بتتحرك بأوامر منه وكانت بتنفذ أجندات خارجية !! معلومة صغنونة ... الإمارات وشعب الامارات وأولاد بن زايد هيفضلوا اقرب الناس للشعب المصري وحب مصر ???? وبلاش حد يسحبك من الاخوان علشان الاخوان اكتر ناس بتكره الاماراتيين والتريند كله شغال من عندهم ،???? وع الناحية التانية من الكوكب .... ،???? الكويت .... دولة الكويت دي نموذج عجيب جدا !!! الكويت بتعلن عن عجز فالموازنة بيوصل ل ٣٢ مليار دولار !!! بالبلدي كدا يعني الكويت محتاجة السنة الجاية تستلف ٣٢ مليار دولار لسد العجز فالموازة ...!!! هتقولي ازاي يا عبده ؟؟ مش معقول ..... الكويت !!! هقولك اه والنعمة وتعالى احكيلك القصة كلها .... إزاي دولة زي الكويت، بإيرادات نفط بمليارات الدولارات تعلن عجز يقرب من 10 مليار دينار؟! السؤال مشروع جدًا عزيزي متابع عبده !! الكويت واحدة من أعلى دول العالم دخلًا من تصدير النفط طبعا قياسًا بعدد السكان. في 2025 متوسط إنتاج الكويت كان حوالى 2.4 – 2.6 مليون برميل يوميًا. ولو افترضنا متوسط سعر 75 دولار للبرميل خلال العام، ده معناه: 2.5 مليون برميل × 75 دولار = 187.5 مليون دولار يوميًا يعني سنويًا 68 – 70 مليار دولار إيرادات نفط تقريبًا (أرقام تقديرية حسب متوسط الأسعار والإنتاج). وده غير:• الاستثمارات الخارجية الضخمة للصندوق السيادي الكويتي و عوائد الأصول العالمية والفوائض المتراكمة عبر عقود طيب إزاي بعد كل ده يا عبده : وزارة المالية تعلن عن مشروع موازنة 2026–2027 بعجز متوقع 9.8 مليار دينار كويتي(حوالي 32.1 مليار دولار)؟ المفارقة هنا مش في ضعف الموارد… المفارقة في هيكل المصروفات. الكويت بتعاني من مشاكل كارثية في: بند رواتب ودعم ضخم جدًا بيشكل النسبة الأكبر من الإنفاق اقتصاد معتمد بنسبة عالية على النفط بطء في تنويع مصادر الدخل التزامات اجتماعية مرتفعة جهاز إداري ضخم وتكاليف تشغيلية عالية يعني المشكلة مش “فلوس قليلة” المشكلة “مصروفات كبيرة جدًا مقارنة بالإيرادات 70 مليار دولار تقريبًا إيرادات نفط سنوية مقابل عجز متوقع 32 مليار دولار يعني العجز تقريبًا نص قيمة دخل النفط السنوي! وده يفتح سؤال أكبر: هل المشكلة في سعر النفط؟ ولا في طريقة إدارة المالية العامة؟ ولا في نموذج اقتصادي محتاج إعادة صياغة؟ الكويت مش دولة فقيرة… بس الأرقام بتقول إن الاعتماد على النفط لوحده مش ضمان للاستقرار المالي. والسؤال الأهم: لو دولة بإمكانيات الكويت بتسجل عجز ضخم… إيه اللي ممكن يحصل لو أسعار النفط هبطت فجأة ...!! اللي عايشين هناك – حسب ما بيوصلني – بيشتكوا من ضغوط اقتصادية وتضييق أكتر. فهل فعلاً كانت المشكلة في الوافدين؟ ولا في حاجة أعمق بكتير؟ خد بالك ان هي دي بقا عظمة الإقتصاد المصري إنه إقتصاد متنوع سياحة زراعة صناعة ودا اللي مخليه مختلف تماما عن اللي بيحصل فالخليج في النهاية… ربنا يحفظ الكويت وأهلها ويديم عزها. لكن الأرقام بتقول إن في تحدي حقيقي محتاج مواجهة بصراحة وشفافية ،???? وع الناحية التانية من الكوكب .... ،???? الصين ... الرئيس الصيني بيعمل تغييرات جذرية في قيادات الجيش الصيني ...!! اه ياعم الراجل خلاص عارف انه ف اي لحظة هيواجه امريكا عسكريا....اكون او لا أكون !! كمان لازم تعرف يا صديقي ان الصين حاطة عام ٢٠٢٧ هو عام انضام تايوان للصين بالزوق بقا او بالعافية !! مش بس كدا ....!! دا الرئيس الصيني اصدر قرار عالمي بإلغاء جميع الجمارك عن الدول الافريقية ...!! لا حضرتك مش علشان سواد عيونهم !! دا علشان يأمن سلة الغذاء في حالة قيام حرب عالمية وكمان علشان يكسب الدول الافريقية في صف الصين ويفتح اسواق افريقيا للمنتجات الصينية اكتر ما هي مفتوحة اللي بالتالي هتدخلها امريكا عن طريق الدول الافريقية وبكدا هيضرب الاقتصاد الامريكي اكتر ما هو مضروب ،???? وع الناحية التانية من الكوكب .... ،???? روسيا .... المعلم بوتين بيعمل عظمة والله ...!! بعت لترامب وقاله ... بقولك ايه يا برنس ايه رأيك روسيا تنقذ الاقتصاد الامريكي !! قاله ازاي ؟؟ قاله روسيا ترجع تستخدم الدولار في كل تعاملاتها التجارية مش كدا وبس !! وهنشتري السندات الامريكية اللي هي الديون الامريكية يعني ..!! في مقابل تسيبلي اوروبا كلها.....!! عزيزي متابع عبده .... لو انت فاكر ان الكلام دا هزار !! ف احب اقولك لو بصيت لكل تحركات امريكا تجاه اوروبا هتلاقيها فعلا امريكا بتتخلى عن اوروبا تماما .... بس واحدة واحدة بل يمكن اكتر من كدا وترامب بيضغط على زلينسكي انه يتنازل عن نصف اوكرانيا ونصف جيشه لروسيا في مقابل ان العقوبات تترفع عن روسيا وترجع روسيا لنظام سويفت الامريكي الشرط الامريكي الوحيد ان روسيا تتخلى عن الصين وبوتين رافض ???? ،???? وع الناحية التانية من الكوكب ... ،???? إثيوبيا.... الحمار الإثيوبي بيرفس... وكل ما يرفس اكتر تفهم انه مزنوق زنقة الفار فالمصيدة وكلها ايام وهتبتدي حرب التيجراي .... ايه بتقول ايه يا عبده !!! لاء ثانية واحدة هي بدأت أصلاا بس المرة دي غير أي مرة !! علشان لاول مرة فالحرب دي الاعداء هيكونوا اصدقاء وإرتريا هتكون بتدعم التيجراي ضد إثيوبيا ،???? وع الناحية التانية من الكوكب .... ???? كوكب تحيا مصر ???? ،???? وفكوكب تحيا مصر ... مشروع حياة كريمة ...!! مشروع حياة كريمة من أضخم المشاريع التنموية اللي إتنفذت فالكوكب !! والله حضرتك دا مش كلامي دا كلام مدير برنامج الاغذية العالمي فالامم المتحدة اللي جاي النهاردة فالعاصمة الادارية علشان يجتمع مع وزيرة التنمية المحلية والبيئة علشان ياخد كوادر من مصر علشان ينفذوا المشروع ده فالدول الإفريقية وينقلوا خبرتهم تخيل يا مؤمن في ١٢٠ قرية فالصعيد دخلت برنامج حياة كريمة ووصلها مية وكهربا وغاز ومدارس وشوارع اتسفلتت !! ياعم دولة زي إثيوبيا ٨٠٪ من شعبها ميعرفش حاجة عن الكهرباء غير اسمها بس وييجي بني آدم نايم على بطنه طول النهار يقولك وهو السيسي عمل إيه للمواطن البسيط !!! ،???? كمان فكوكب تحيا مصر .... البنك المركزي المصري بيعلن عن صافي الإحتياطي النقدي تخطى ال ٥٢.٥ مليار دولار ودا أعلى إحتياطي في تاريخ مصر ???? هتقولي طب والمرتبات يا عبده !! هقولك ما تقلقش في حزمة زيادة فالمرتبات والمعاشات فالطريق لرفع قيمة الدخل للمواطن مش كدا وبس وكمان تكافل وكرامة وان شاء الله الناس كلها هتكون عايشة ومستورة فلحظة ممكن الكوكب كله ينزل دب فبعضه ،???? كمان فكوكب تحيا مصر .... كلمة السر ..... جهاز مستقبل مصر الجهاز اللي هيغير وجه مصر وينقلها للعالمية ودا بقا اللي هنتكلم عنه ف أخبار الكوكب القادمة ان شاء الله كفاية كدا ..... وتقعدوا بالعافية ❤️ يديمك ❤️ بيعيرونا بفقرنا ... بس انا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ???????? ???? أخبار الكوكب ???? كوكب الثلاثاء ١٧/٢/٢٠٢٦