لعبه مصر و الامارات والكراسي الموسيقية
????????????مصر والإمارات .. ولعبة الكراسي الموسيقية.
????منذ شهر بالتمام والكمال كتبت مقال مخصص عن سياسة الإمارات الخارجية كدولة براجماتية ليس لها أي أطماع توسعية دينية او مذهبية او سياسية .. وانما مشروعها واجندتها اقتصادية بحتة تقوم على المصلحة في حماية طرق التجارة البحرية والموانئ وامتلاك سلاسل الإمداد
???? قاعدة رقم ١
????????الدول اربع انواع :
????١- دول فاعلة : ذات سيادة كاملة وقرار مستقل و مشروع خاص وعلاقات مبنية على تبادل المصالح
????٢- دول تابعة: سيادتها و قراراتها تتبع دول أخرى عظمى في جوارها الإقليمي وتتطابق مع تلك الدولة في كافة المواقف
????٣- دول وظيفية: دول مزروعة في كل منطقة من العالم لتنفيذ أجندات دول أخرى في مقابل الحصول على نفوذ إقليمي
٤- دول فاشلة: دول ليس لها اي سيادة على ارضها او قرارها ولا تتمتع بأي نفوذ فاعل داخل الدولة او خارجها
????وكلنا نقدر ندي أمثلة على كل نوع من الانواع اللي فوق بس مش هنقول اسامي دول عشان الموضوع جارح.
????قاعدة رقم ٢
الدول الفاعلة تتبع سياستها الخاصة ، ومن الخطأ في عالم السياسة الاعتقاد بأن أي دولة فاعلة يجب ان تعمل طبقاً لمصالح دولة أخرى (حتى لو دولة شقيقة)
???? تعالوا نبدأ الحكاية ونربط الاحداث و نرص قطع البازل
علشان نفهم ازاي وليه الامارات بتلعب كل الادوار دي في المنطقة وازاي مصر (اللي بتعتبر الإمارات شريك استراتيجي وحليف مثالي) بتتعامل مع سياسات الامارات في المنطقة وكمان بتتلاعب بيها.
???? الموضوع بدأ في مارس ٢٠١٥
عملية عاصفة الحزم .. قوات التحالف الاماراتية والسعودية بدأت تضرب في اذرع ايران داخل اليمن بمنتهى القوة
واراد الطرفين من مصر التدخل العسكري بشكل كامل في اليمن
وقتها قرر الرئيس السيسي الوقوف على الحياد وقال لهم لو ايران بنفسها هي اللي هجمت عليكم هتلاقوا الجيش المصري "مسافة السكة" لكن مش هضرب رصاصة واحدة في اليمن.
???? وقتها الفراغ الاستراتيجي ده اتملى بدولة السودان
عمر البشير بعت الرجل المفضل بتاعه حميدتي
على رأس ٣٠ ألف جندي من مليشيا الدعم السريع لأراضي اليمن يحاربوا ضد الحوثيين بتمويل إماراتي سعودي ضخم
وده كان نتيجته تعاظم ثروة حميدتي و شبكة علاقاته بالخلايجة اللي حولته فيما بعد من مجرد ميليشيا محلية في السودان لقوة اقليمية ليها تأثير كبير.
???? الملف ده تحديداً عشان تفهمه لازم ترجع تقرأ الجزء الأول بعناية و هسيب اللينك بتاعه في التعليقات لكن خلينا نكمل
وجود الامارات في اليمن كان هدفه حاجتين
????١- السيطرة على الموانئ البحرية وطرق التجارة (حرفة الامارات)
????٢- السيطرة على سلاسل الامداد
????في نفس الوقت وعلى الناحية التانية من مضيق باب المندب وتحديداً في چيبوتي كان في خلافات كبيرة جداً بين شركة موانئ دبي ودولة جيبوتي على ميناء "دوراليه" (احفظ الاسم ده كويس) و اللي اتطورت بعد كدا المشاكل دي لحد شهر فبراير ٢٠١٨
????شهر فبراير ٢٠١٨ ده كان شرارة كل الاحداث اللي غرست بعدها الامارات غرسة سودا في القرن الافريقي واثيوبيا والسودان وليبيا ومش عارفة تخرج منها لحد النهاردة
ليه؟؟
تعالى احكيلك
????في فبراير ٢٠١٨ صحيت الامارات على دولة جيبوتي بتطردها تماماً من ميناء دوراليه وبتعمل تأميم كامل للمينا وقتها لجأت الامارات للتحكيم الدولي وقلبت الدنيا علشان ترجع للميناء ده تاني
في قضية كبيرة اتقلبت عليها الصحافة العالمية وقتها اسمها "قضية دوراليه" في محكمة لندن الدولية
????وقتها اتحكم للإمارات ببطلان التأميم وحق استرجاع الميناء وكمان تعويضات تتصرف من دولة جيبوتي لشركة مواني دبي
لكن جيبوتي بتضرب بكل الأحكام دي عرض الحائط وبتكمل شغل وادارة للميناء عادي جداً
بالمناسبة الميناء ده بيخرج من خلاله ٩٠٪ من تجارة اثيوبيا وجيبوتي ليها ديون مليارية عند اثيوبيا نظير رسوم تصريف التجارة دي.
???? الامارات لما لقيت ان جيبوتي مش هاممها الاحكام الدولية ولا المحاكم بدأت تتحرك بشكل سريع في تأمين بدايل
????مارس ٢٠١٨ .. اتفاق مع حكومة صومالي لاند للاستحواذ على ميناء بربرة بالشراكة مع اثيوبيا
بنسبة ٥١٪ للإمارات
٣٠٪ حكومة صومالي لاند
١٩٪ اثيوبيا
????أكتر طرف كان مستفيد من الصفقة دي هي اثيوبيا.. عشان تلاقي بديل عن التضييق الچيبوتي وتفلت من الديون وتلاقي منفذ ع البحر... منفذ بجد ليها اسهم ملكية فيه مش باب خروج بضايع.
???????? هنا مين اتضايق ؟!
طبعاً مصر
????في ابريل ٢٠١٨ المكالمات اشتغلت
وصحيت الامارات على الحكومة الصومالية قالبة عليها الدنيا و مقدمة فيها شكاوى في الجامعة العربية و البرلمان الصومالي اصدر فرمان بمنع الشركات الامارتية بالعمل في الصومال
هنا الامارات اخدت كارت احمر هي واثيوبيا من ميناء بربرة
????تقوم الامارات تدور على بديل بسرعة
فين البديل؟!
????ميناء عصب .. اريتريا
الامارات مكانش ليها رجل خالص جوا اريتريا
????وعشان تدخل بسرعة في اريتريا و تبدأ شغل وتعوض خسايرها بدأ تفرش لنفسها ادام النظام الاريتري كوسيط لإنهاء الحرب اللي بقالها ٣٠ سنة بين اثيوبيا وارتريا
????النظام الاريتري وافق و قال للإمارات وريني شطارتك
???? ١٥ يونيو ٢٠١٨
الامارات تقدم لاثيوبيا وديعة ب٣ مليار دولار للبنك المركزي الاثيوبي وده في عز أزمة تمويل سد النهضة وتمكن مصر من اقناع اطراف دولية حليفة بالتنازل عن استمرار تمويل السد وبداية انسحاب البنوك الدولية من التمويل وخصوصاً الصين وايطاليا
ودي كانت بمثابة "قبلة حياة" لأبي أحمد وكان مستعد قصادها ينفذ اي طلب تطلبه الامارات فوراً
???? ٩ يوليو ٢٠١٨
بيوافق ابي احمد على كل شروط اريتريا وبينهي حالة الحرب تماماً بين بلده و بين ارتريا باتفاق "إعجازي" تم وقتها برعاية إماراتية.
????هنا الامارات رمت بياضها خلاص لاريتريا .. وارتريا وافقت تدي الامارات ميناء عصب تعمل فيه اللي هي عاوزاه..
????مين بقا اتفرج ع المشهد ده كله واتضايق ؟! طبعاً مصر
????انت عشان عاوز الميناء .. مولت سد النهضة بشكل غير مباشر
يعني جيت على مصلحتي
????بالمناسبة .. الامارات كانت ماضية بالفعل مذكرات تفاهم مع اريتريا في ٢٠١٥ لاستئجار الميناء ده ومطار مهجور جنبه ولكن مكانتش الحاجة له ملحة اوي خصوصاً بسبب وجود الامارات في جزر ميون وسقطرى اليمنية .. لكن بعد الطرد من دوراليه كانت شرارة التحرك ناحية ارتريا
????بعدها الامارات بنت قاعدة عسكرية كبيرة في ميناء عصب والمطار اللي جنبه اتصلح واستخدمته الامارات للاغراض التجارية والعسكرية ضد الحوثيين.
????أما ابي احمد واسياس أفورقي فأصبحوا حبايب بعد اتفاق السلام بل وحلفاء في حرب التجراي.
???? بعدها مصر نزلت بتقلها في ملف القرن الافريقي بالكامل
وادركت ان اي فراغ استراتيجي هيتساب في المنطقة دي مش هيكون في مصلحة الأمن القومي المصري
????ومن وقتها بدأت الدبلوماسية المصرية تتحرك في ارتريا وجيبوتي والصومال عشان تفكك التحالف مع الامارات .. لحد ما بشكل مفاجئ
????في فبراير ٢٠٢١ الامارات بتخرج من ميناء عصب وبتفكك البنية التحتية العسكرية ليها هناك تحت ذريعة انتهاء العمليات العسكرية ضد اليمن..
???? انا مش هحكيلك في المقال ده مصر اقنعت كل دول ازاي
انا هركز اوي على وجهة النظر الامارتية وانت هتفهم لوحدك هي مشيت ليه.
????مع كل مغرز دخلته الامارات ادركت انها بتيجي على مصلحة دولة فاعلة كبيرة زي مصر وده هيخلق لها مشاكل اكبر بكتير من الدول الصغيرة اللي هي بتحاول تلعب بيهم في القرن الافريقي ومصر كمان لما دخلت بتقلها في الملف ده الامارات أدركت حقيقة واحدة بس
????ان شهر العسل اللي هي بتقضيه في باب المندب مسيره ينتهي
????مع نهايات عام ٢٠٢١ وبدايات ٢٠٢٢
بدأ الامارات تهادن مصر وتحاول تشوف ازاي تقدر تناور وتخرج من المغرز ده
????وفي مايو تحديداً ٢٠٢٢ جات الفرصة
????مع انتخاب حسن شيخ محمود رئيس جديد للصومال توجهت الامارات فوراً لإصلاح العلاقات اللي باظت على حس اتفاقية ميناء بربرة وعملت اتفاقية مع حسن شيخ محمود لدعم الجيش الصومالي وتدريبه وتسليحه وتمويله لمواجهة حركة الشباب
????????كدا عسل اوي ، مش كدا؟!
????في نفس السنة وتحديداً
نوفمبر ٢٠٢٢
بينتهي شهر العسل بين ابي احمد واسياس افورقي بفعل فاعل وتعالى احكيلك
????من وقت اتفاقية السلام اتحالف اسياس مع اثيوبيا لمحو عدوه التاريخي اللي هم التجراي ولقاها فرصة مش هتتكرر ومن وقتها في طرف خفي كان بيدعم التجراي للدرجة اللي وصلت ابي احمد على حافة الهاوية
????واضطر في نوفمبر ٢٠٢٢ يعمل اتفاقية سلام اسمها اتفاق بريتوريا مع التجراي وده انهى تماماً حالة شهر العسل بين اريتريا واثيوبيا
????ناخد بالنا ان هنا اثيوبيا تجارتها كمان اتحاصرت
الامارات خرجت من عصب وارتريا زعلانة منهم
????جيبوتي بتديهم بالجزمة وعاوزة تحصل الديون
????الصومال منعتها من الوصول للبحر
????????كل المعطيات بتقول ان الصدام جاي.
????١٥ ابريل ٢٠٢٣
????انقلاب حميدتي
هنا الامور بتتعقد اكتر
مصر بتنحاز بشكل كامل للجيش السوداني ضد قوات الدعم السريع
الامارات عاوزة مينا بورسودان بس في نفس الوقت ليها علاقات ممتازة مع الدعم من ايام عاصفة الحزم
????تجارة الدهب وسلاسل الامداد للدعم هتكون مكسب كبير يبقى لازم الامارات تدعم وصول حميدتي لحكم السودان هنا هتكسب كل حاجة .
????مين يزعل؟!
مصر ????????
ومصر زعلها وحش
متزعلهاش ..
???? ١٨ اغسطس من نفس السنة ٢٠٢٣
الامارات بتدرك نهاية شهر العسل الاثيوبي مع ارتريا وان الصدام كدا كدا جاي..
????الامارات بتقرر سحب الوديعة ام ٣ مليار وتحويلها لاستثمارات مباشرة جوا اثيوبيا
في مجالات الطاقة والنقل واللوجستيات والزراعة
(زلزال في البنك المركزي الاثيوبي)
???? ١٣ اكتوبر ٢٠٢٣
بيطلع ابي احمد في خطاب تاريخي يطالب بالحصول على ميناء عصب وانه حق تاريخي لاثيوبيا
????وده اتسبب في حالة الطلاق بين اريتريا واثيوبيا تماماً وانهيار اتفاق السلام.
????مين بيملى الفراغ هنا ؟!
مصر ????????
???? يناير ٢٠٢٤
اثيوبيا بتتوجه بشكل منفرد لاقليم ارض الصومال عشان تاخد ميناء بربرة مقابل الاعتراف بالدولة
و بتاخد بالجزمة
???? ٢٩ يوليو ٢٠٢٤
الامارات بتزن على سحب دولاراتها وسحبتها فعلاً من اثيوبيا وبدلتها بدراهم اماراتية وده خلى اثيوبيا تعمل تعويم للبر الاثيوبي ويفقد ٤٠٪ من قيمته بعدها خرجت سلسلة من التحركات المسلحة في كامل ربوع اثيوبيا لحصار حكومة ابي احمد.
????هنا الامارات قررت انها تنحاز تماماً لحقوق مصر في قضية النيل والسد وتخرج نفسها من حالة القوادة السياسية اللي بتقوم بيها مع اثيوبيا
???????? نرجع للسودان مرة تانية
????٢٥ سبتمبر ٢٠٢٤
مطار ام جرس التشادي على الحدود السودانية التشادية
طيران مجهول بيقصف المطار وبيموت فيه اربع صف ظباط اماراتيين صدر لهم نعي رسمي من الخارجية الاماراتية
????بعدها تراجعت الامارات عن تصدير رجالها بشكل مباشر في امداد حميدتي واستعانت بالمرتزقة
????سبتمبر ٢٠٢٥
الامارات بتوافق على الانضمام الى اللجنة الرباعية رفقة مصر والسعودية والولايات المتحدة لإنهاء حالة الحرب في السودان.
????حط قطع البازل دي كلها جنب بعضها وانت هتفهم ليه الإمارات اتحركت و ليه غرزت وليه انسحبت وان الفلوس مش كل حاجة وان الثقل السياسي والرزانة والتفكير الاستراتيجي اهم ١٠٠ مرة من الفلوس
????مش محتاج اقولك مصر بتعمل ايه دلوقتي في ميناء عصب - ارتريا و ميناء دوراليه - جيبوتي ولا بتعمل ايه على الاراضي الصومالية أكيد انت متابع الانجازات
????مش معنى وجود خلافات بين الامارات ومصر في ملفات ان ميكونش بينهم اتفاق في ملفات اخرى
????عندك مثلاً ملف ليبيا ..وملف شرق المتوسط زي ما ذكرنا في الجزء الأول .
???? أما بقا علاقة الامارات بإسرائيل وازاي مصر قدرت تستفيد منها بالشكل اللي مخلي الموساد بيعمل اعلانات سبونسر عشان يجند ناس مش هقولك
????دي هسيبها لخيالك عشان مش مصرح بالنشر
????بس انت شاطر و هتفهمها لوحدك
⇧
