الرد الروسي الصيني الإيراني على ترام
????????????الرد الروسي الصيني الايراني على امريكا حصل .. وبوتين والرئيس الصيني بيظهروا العين الحمراء لترامب وبيأكدوا ان امريكا مش هي كبيرة العالم ..
????" اللي بيعادي الكل بيخسر يا منصور "
????جملة قالها كبير عائلة النجايحة لمنصور الحفني ." كبير الجزيرة "
????ودلوقتي " بوتين " بيقول الجملة دي لـ " ترامب " .. لكن بوتين هنا مقالهاش كلام، قالها فِعْل ..
????المقال اللي فات شبّهت " ترامب " بـ " هـ.ـTـ.ــلـ..ـر " وبالفعل ترامب أخطأ نفس خطأ هـ.ـTـ.ــلـ..ـر بالظبط ..
????تعرف خطأ هـ.ـTـ.ــلـ..ـر الوحيد كان ايه ؟! واللي كلّفه هزيمة الحـ.ـرب بالكامل وفي النهاية كلّفـه حياته وانـ،ـتحـ..ـاره ؟
الخطأ دا كان انه استهان بالدب الروسي .. وافتكر انه ممكن يدخل ياخد روسيا على المفتاح في ظرف شهر …
????" ترامب " لما استولى على السفينة الروسية من بين مخالب أسطول الظل الروسي .. كانت ضـ.ـربة قوية جدًا ،، لكن القدر ساعده ان روسيا مأخدتش اي خطوات ايجابية وكان الموضوع كله عبارة عن شجب وتنديد واستنكار ..
????يفرح بقى ترامب بالضـ.ـربة دي ويهدا شوية لحد ما يضرب ضربة تانية في وقت تاني ..
????لا .. جنـ.ـون العظمة يركبه ويقرر انه يستولى على سفينة روسية تانية بردو كانت في حماية اسطول الظل الروسي ..
????اووووف .. طيب وبوتين هيسكت ؟! الشكل العام كدا مش حلو ..
????قبل ما اقولك رد فعل الدب الروسي .. تعالى نمشي على نفس الاستقامة كدا ونطير على ايران ..
????" ترامب " حاسس انه حاكم العالم فـ مش هيكتفي بس بتخويف روسيا .. دانا كمان هنهي حلفائك يا روسيا .. واكون ضربت عصفورين بحجر واحد ..
????أنهيت حليف قوي لروسيا وهي ايران .. اللي مدّت روسيا في حربها ضد اوكرانيا بمسيرات " شاهد " اللي كانت هي سبب النصر في اوقات كتير جدًا .. لدرجة ان روسيا طلبت من ايران سر تصنيعها من كتر اعجابها بأداء المسيرات دي .. وبالفعل ايران اعطتها خط الانتاج تحت مسمى " Geran - 2 “ ..
????ثانيًا بقى بالاضافة لاضعاف روسيا عن طريق انهاء حليف قوي ليها .. انا كمان لما أنهي ورقة ايران فبكدا انا بعزز السيطرة الاىىىـ.ـراىيلية على المنطقة في الشرق الاوسط ..
????يقوم ترامب بالاشتراك مع الموىىىـ.ـاد الاىىىـراىيلي ينشّطوا عملاءهم في ايران اكتر وبالفعل تزداد الاحتجاجات من اول امبارح وتزداد حدة المواجهات لدرجة ان جزء كبير من الشعب نزل لتأييد المرشد والحكومة وبيرفضوا تدخل امريكا واىىىـراىيل ..
????وبكدا الشارع الايراني تأزم اكتر .. لان اصبح في مواجهات بين ٣ فئات ، المعارضين للمرشد .. والمؤيدين ليه .. وطبعًا قوات الامن .. ووقع بالفعل قـ.ـتلى ومصابين من ال٣ فئات دول !!
????كدا ترامب في وقت واحد بيضـ.ـرب حليفين اقوياء ، روسيا وايران .. وفي نفس الوقت حب يعمل حركة صايـعـ.ـة اخيرة علشان يبقى ضرب ١٠٠ عصفور بحجر واحد ..
????طلع بتصريح قال فيه : ( أمر تايوان متروك للصين والرئيس الصيني يمكنه ان يفعل ما يريد )
????معناه ايه يا عم هالووين التصريح دا ؟!
????هقولك معناه كبير اوووي يا صديقي .. اولا مينفعش في نفس الوقت أعادي علنًا قوتين عظمتين زي روسيا والصين .. ومادام انا بعادي روسيا حاليًا يبقى لازم أهدّي الامور مع الصين واعطيها تصريح حلو كدا يخلي الامور بيننا أهدى
????بس لو بصيت ع الأمر بشكل مفصّل اكتر هتلاقي ان التصريح دا اصلا مش حاجة كويسة للصين .. دا ترامب بيورّط الصين في حـ.ـرب ضد تايوان ..
????ترامب بيسخّن الرئيس الصيني وبيقوله اعمل في تايوان اللي انت عاوزه .. علشان لو الرئيس الصيني سمع كلامه ودخل تايوان من أجل ضمها بالغصب .. فطبعًا تايوان مش هتسلّم نفسها بسهولة كدا .. لكن هيكون في حـ.ـرب وكرّ وفـرّ ومواجهات مىىىـلحـ.ـة وحـ.ـرب عصـ.ـابات بين القوّتين ..
????وكدا كدا الصين هتاخد تايوان في النهاية .. لكن في الوقت اللي هتنشغل فيه الصين بمواجهات تايوان .. يكون ترامب اتحرك واستولى على " جرينلاند " بدون اعتراض من اي حد لان الصين هتكون مشغولة مع تايوان .. وروسيا كدا كدا ساكتة من بعد موضوع السفينة ومشغولة بالتصعيد مع اوكرانيا ..
????وبعدها ارجع انا كترامب بعد ما اكون اخدت جرينلاند وأمّنت حدودي بالكامل ودفاعاتي الاقليمية .. ارجع اعاقب بقى واستنكر وأغذي تايوان بالعملاء على الارض لتعصيتها على الصين مرة تانية .. وتفضل الصين فترة كبيرة مشغولة بإخماد الثورات التايوانية ضدها ..
????دا يا صديقي في الغالب اللي في دماغ ترامب .. لكن الرئيس الصيني اكيد مش غبي وفاهم دا .. هلشان كدا لو تلاحظ هتلاقيه بقى هااادي جدًا ومش بيتكلم حاليًا عن تايوان ..
????نرجع بقى لبوتين .. هيرد ازاي بقى بوتين على اللي حصل مع السفينتين اللي بيحملوا اعلام روسيا دول وتم اختطافهم من داخل اسطول الظل ..
????هنا بوتين حب يمشي صح فتواصل مع حليفه بالشرق الاوسط .. زي ما ترامب ضرب عصفورين بحجر واشتغل على جبهة روسيا وايران في نفس الوقت .. احنا كمان يا عم المرشد العام هنتحرك مع بعض .. وبدل ما تبقى ضـ.ـربه واحدة هيبقوا ضربـ.ـتين ..
????وبالفعل الصفقة الجديدة بتاعة منظومة الدفاع الجوي الروسية “ Su-35 “ تم انهائها تمامًا لصالح ايران وارسال اخر الدفعات منها في خلال وقت قريب جدًا .. زائد ان روسيا كانت وسيط لايران مع الصين لتحصيل اسلحة تقنية زي رادارات، ووسائل اتصالات مشفرة وملاحة زي "BeiDo" ..
????ومقابل الصفقات دي تم ارسال طائرات شحن لروسيا لتحصيل ثمن الصفقة دي .. لكن الثمن مش دولارات ولا فلوس .. الثمن هو الدهب ..
????تم رصد شحنة كبيرة جدًا من الدهب خارجة من ايران ورايحة على روسيا .. منها ثمن الصفقة ومنها لو حصل حاجة في ايران والامور تفاقمت يبقى المرشد العام نقل الذهب لخارج ايران وكدا كدا تم تجهيز طيران واطقم سرية لخروج المرشد في حال تأزمت الاحداث ..
????وهوووب بعدها يطلع بوتين بضربات جوية استخدم فيها صاروخ فرط صوتي على اوكرانيا .. بس مش بيضرب اي اهداف كدا وخلاص .. دا قاصد يضرب حاجات معينة لانه بالضربة دي مش بيرد على زلينسكي ولا اوكرانيا .. هو بيرد بطريقة غير مباشرة على ترامب واستيلاءه على السفينتين الروسيتين ..
????بوتين ضرب معظم الطائرات الامريكية اللي سلّمها ترامب لاوكرانيا وهي في مكانها على الارض .. اللي هو هتستولى على سفني .. هضربلـك طائراتك .. زائد انه ضـ.ـرب مدينة لفيف اللي على حدود بولندا، بالصاروخ الفرط صوتي " اوريشينيكً" وكدا بردو ضرب عصفورين بحجر واحد ..
????اولًا دا كان رد على محاولة اغتيـ..ـاله الاخيرة .. ثانيًا تصعيد خطير ضد الناتو وضد واشنطن وترامب ..
????طيب وايران ؟! مش اتفقنا انهم اتحركوا مع بعض في نفس الوقت ؟!
????هقولك ايوا يا صديقي .. اولًا ايران احكمت قبضتها الامنية اكتر زائد انها عملت حركة ذكية بانها طالبت المؤيدين بالنزول للشوارع للحفاظ على شرعية المرشد .. وبكدا قدام العالم فمفيش احتجاجات .. دي مجرد قوى يحركها عملاء من الخارج .. بدليل ان شعبي نازل يدافع عني ضدهم اهووو ..
????ثانيًا بقى ايران نظّمت هجمة سيبرانية على الداخل الاىىىـراىيلي .. هجمة مـ.ـرعبة .. لانها مش مجرد تهكير لاجهزة او ارسال رسائل لارقام وهمية ..
????دا في مجموعة من الهاكرز الايرانيين ارسلوا رسائل للمستوطنين على حساباتهم على السوشيال ميديا وعلى هواتفهم .. ومكتوب في الرسائل دي : " هذا هو التحذير الأخير لك انجو بنفسك وبعائلتك .. نحن نعرفك .. وهذه هي بياناتك الشخصية .. "
????وكتبوا جنب كل رسالة زي دي بيانات كل شخص بعتوله الرسالة زي اسمه بالكامل ورقم هويته وعنوان بيته ..
????الهجمة دي ارعبت حرفيًا الداخل الاىىىـ.ـراىيلي .. وبقى الكل اولًا خايف يكونوا راصدينه شخصيًا وهيعملوا ضده اعمال عدائـ.ـية
????وثانيًا خايفين من اختراق حساباتهم البنكية وىىىـ.ـرقة المبالغ اللي فيها .. علشان كدا في عليـ.ـان في الداخل الاىىىـ.ـراويلي بسبب الهجـ.ـمة السيبرانية دي !!
????ودا يا صديقي كان الرد الروسي الصيني الايراني على الاحداث الاخيرة وعلى غرور ترامب ..
????ودا اللي دعا ترامب لاقامة مؤتمر صحفي علشان يهدأ الاوضاع واللي قال فيه انه مش هيكون ابدًا طرف في اي عقوبات على بوتين والعقوبات لو حصلت هتكون من الناتو ومش مني ..
????واثناء المؤتمر دا سأله صحفي سؤال خبيث شوية .. الصحفي قال لترامب : " هل تستطيع الولايات المتحدة خطف بوتين؟”
????علشان يرفض ترامب الفكرة دي نهائيًا ويقول للصحفي ان امريكا لا تعمل بمثل هذا الاسلوب .. وان بوتين ليس مثل رئيس فنزويلا .. ان بوتين شخص ليس سهلًا .. والتعامل مع بوتين يكون إما عبر القوة الرادعة أو عبر الصفقات السياسية ..
????يعني من الاخر اشتغل شغل بيتسو موسيماني في تنويم الخصم ..
????دي يا صديقي الحكاية كلها .. عارف اني طوّلت في المقال شوية .. بس معلشي كنت حابب اوضّح كل النقاط اللي بين السطور .. فلو حضرتك شايف ان المقال يستحق وتم بذل مجهود فيه .. فأتمنى تعمل لايك وشير علشان الكل يعرف اللي بيحصل ونكبّر أسرتنا بإذن الله
????عينكم دائمًا على الحقيقة .. " هالووين "
⇧
