وفاه رئيس اركان الجيش الليبي في حادث طائره

???? رئيس اركان قوات حكومة الوحدة الوطنية الليبية مات من شوية في حادث سقوط طيارة فوق الأراضي التركية... ????بس يا ترى هل ده قضاء وقدر ولا حادث اغتيال؟ ولو اغتيال، مين اللي له المصلحة في اغتيال قائد عسكري ليبي مهم زي ده؟ تركيا ولا روسيا ولا اسرائيل ولا حد من أبناء نفس وطنه؟! ????????تعالى بس نفهم أيه اللي حصل بالضبط الأول، عشان الصورة تبقى واضحة... ???? ⚫️ من حوالي كام ساعة كده، كان في طيارة من طراز Dassault Falcon 50 طالعة من أنقرة راجعة لطرابلس، وعلى متنها واحد من أهم الشخصيات العسكرية في الغرب الليبي؛ الفريق أول "محمد علي أحمد الحداد"، رئيس أركان قوات حكومة الوحدة الوطنية، ومعاه 4 قيادات عسكرية و3 من طاقم الطيارة… ????"الحداد" كان في تركيا أصلًا عشان يحضر اجتماع استراتيجي مهم مع وزير الدفاع التركي، وبعد ما خلص الاجتماع، المفروض كان يرجع عادي على بلده مرة تانية... بس اللي حصل هو إن بعد 42 دقيقة بالضبط من الإقلاع، الطيارة تبلغ عن عطل كهربائي وتطلب هبوط اضطراري... ???? وبعدين فجأة الاتصال يتعطل والطيارة تختفي من الرادار، وبعدها كاميرا أمن تركية تلتقط ومضة انفجار في السما فوق منطقة "هايمانا" جنوب أنقرة بحوالي 74 كم... ويتم إعلان سقوطها رسميًا بسبب عطل فني؛ ووفاة كل من كانوا على متنها... ????️ بس هنا بقى بييجي السؤال المهم... هل فعلاً الراجل ده مات بسبب عطل فني؟ ولا الموضوع فيه لعبة أكبر بكتير، وأطراف دولية شافت إن وجوده بقى خطر على مصالحها في الشرق الأوسط والبحر المتوسط؟ ⚫️ تعالى معايا أحكيلك بحث استقصائي في غاية الأهمية، هيفهمك مين الراجل ده بالضبط وكان بيعمل أيه في ليبيا، وليه وجوده كان خطر على أطراف كتير ودول كتير، ومين أكتر حد مستفيد من خروجه من الصورة... والأهم؛ تأثير ده على مستقبل ليبيا هيكون أيه... ????️ هقسملك البحث على محورين... أول محور هيحكيلك مين هو الحداد وأيه مشروعه، وتاني محور هيناقش كل بلد مستفيد أيه من موته بالترتيب، بدايةً من تركيا وبعدين روسيا وبعدين اسرائيل وبعدين الفاعل الوطني (حفتر)... وهسيبلك تقييم بالأرقام عن مدى احتمالية استفادة كل دولة، وليك الحكم بنفسك في الآخر... ???? ???? نبدأ بأول محور... شوف يا سيدي… عشان تفهم ليه الحداد تحديدًا اتشال من الصورة، لازم تفهم إنه كان بيمثل فكرة مزعجة جدًا لكتير من الأطراف الدولية... فكرة اسمها "توحيد الجيش"... الراجل ده من ساعة ما بقى رئيس أركان في 2020، وهو واخد على عاتقه مهمة مستحيلة، وهي توحيد الجيش الليبي والوصول لحكومة واحدة موحدة تنهي التقسيم والحروب والتدخلات الأجنبية اللي مستمرة بقالها أكتر من 15 سنة... ???? وعشان تفهم أكتر، فخليني أقولك إن ليبيا بقالها سنين وهي مقسومة نصين: حكومة "الوحدة الوطنية" في الغرب في طرابلس، واللي هي الحكومة المعترف بيها من الأمم المتحدة وقائدها "الدبيبة" وبتدعمها تركيا؛ وحكومة تانية في الشرق الليببي بيقودها الجيش الوطني الليبي، بتتحكم في حقول الغاز والنفط تحت إيد المشير "خليفة حفتر" وبتدعمها روسيا... الفريق "الحداد" بقى كان بيمثل تيار مؤسسي... وكان نفسه يجمع المليشيات والقوات الليبية المتفرقة تحت راية واحدة، وبدأ فعلاً يعمل نوع من الدبلوماسية العسكرية مع أمريكا وأوروبا وحتى مع خصومه في الشرق... يعني ببساطة، الحداد كان عايز "جيش وطني موحد"، وده معناه إن ليبيا تبطل تحتاج لـ مرتزقة أو قوات أجنبية على أرضها... ومن هنا بدأت المشكلة! ???? ليبيا من 2011 وهي بلد بتتحكم فيها معادلة التفرقة والفتنة... شرق لوحده وغرب لوحده، ومع كل منطقة مليشياتها ورجالها ومصالحها وأبوابها الخلفية للخارج… يعني بدل ما يبقى عندك دولة، بقى عندك شبكة مصالح... واللي يتحكم في أكبر جزء من الشبكة دي بياخد جزء من كل حاجة: نفط، تهريب سلاح، عقود اقتصادية، تحكم في موانئ... وبكده فوجود الفوضى والانقسام في ليبيا بقى في حد ذاته هدف استراتيجي وسياسي لعدد من الدول الفاعلة في المنطقة... طيب... مين بقى هي الدول الفاعلة في المنطقة دي؟ وأيه مصلحتها في موت واحد زي "الحداد" وخروجه من الصورة؟! ???? هنا بقى تيجي المفاجأة يا صديقي، وهي إن موت الراجل ده بيخدم تقريبًا كل الأطراف اللي بتتغذى على الانقسام، بنسب متفاوتة! 1️⃣ تعالى ناخدهم واحدة واحدة باختصار، ونبدأ بتركيا.. لو بصيت على تركيا، هتلاقي إن مصلحتها في ليبيا مش مجرد تحالف عسكري ولا استرايتيجي، لا دي مصلحة بمليارات الدولارات... تركيا حالياً مسيطرة على الغرب الليبي، وعندها حوالي 3500 جندي تركي هناك، موجودين في قاعدتين عسكريين في (الوطية ومصراتة)، ده غير عقود بـ 20 مليار دولار متوقفة على وجود نظام محتاج للدعم التركي عشان يفضل واقف على رجله... ???? الحداد كان طرف في حكومة حليفة لتركيا، بس كان حليف تقيل على قلبهم شوية... ليه؟ لأنه كان عايز يبني جيش وطني ليبي مستقل، والجيش ده لو اتبنى فعلاً وبقى قوي وموحد، أول طلب هيطلبه هو خروج القوات الأجنبية.. بما فيهم الأتراك! فبالتالي فكرة إن الحداد يموت فوق الأراضي التركية، وبعد 9 أيام بس من قرار البرلمان التركي بتمديد وجود قواته في ليبيا لسنتين كمان، بتفتح علامات استفهام كتير... هل تركيا شافت إن الحداد بدأ يكبر أكتر من اللازم وبدأ يفكر في سيادة ليبيا الكاملة؟ ???? لكن بردو اغتياله على أرضها هيسببلها أزمة دبلوماسية كبيرة... ليه أصلًا يفكروا يستضيفوه عندهم عشان يغتالوه في قلب بلدهم، ويخلوا شكلهم وحش؟! ⚫️???? وعشان كده نسبة الاحتمال في حالة تركيا هي في رأيي 60%... (لأنها ضمنت استمرار النفوذ العسكري والسياسي لسنوات قدام، بس في نفس الوقت اغتياله على أرضها محرج دبلوماسيًا ليها)... 2️⃣ تاني دولة هي روسيا.. ودي بقى مصلحتها أوضح من الشمس... روسيا دلوقتي بتمر بفترة انكسار في المنطقة بعد ما نظام الأسد الموالي ليها في سوريا انهار في أواخر 2024، وخسرت نفوذ كبير كانت بتضغط بيه على خصمها الإقليمي في تركيا، وبتسيطر بيه على ممرات التجارة والغاز في البحر المتوسط، واللي من خلاله تقدر تضغط على دول أوروبا عشان يوقفوا دعم لأوكرانيا... ???? وعشان كده، فجأة بقت ليبيا هي الأمل الوحيد لروسيا، والبديل عشان تفضل موجودة في البحر المتوسط وليها رجل في أفريقيا... روسيا دلوقتي عندها قوات "فيلق أفريقيا" (اللي هي كانت زمان اسمها قوات فاجنر) ومسيطرة من خلالها على الشرق الليبي بالكامل مع المشير خليفة حفتر... لكن مشروع الحداد لتوحيد الجيش كان هيبقى معناه ببساطة إن روسيا تخرج من اللعبة، لأن أي توحيد هيتم برعاية غربية وأمريكية، وده معناه إن وجود روسيا في ليبيا هينتهي للأبد! ???? فبالتالي غياب الحداد وسياسته وتوجهه هيخلي الشرق والغرب يفضلوا منقسمين، وبالتالي روسيا تفضل هي "الحامي" للشرق وحقول النفط... وكمان متنساش إن روسيا تاريخيًا عندها خبرة طويلة في عمليات الاغتيال الاستخباراتي والهجمات الإلكترونية من النوع اللي ما بيسيبش بصمات واضحة... وبالفعل في كذا طيارة تركية قبل كده وقعوا بنفس الطريقة... وسجل روسيا في عمليات التخريب التقنية معروف ومُوثّق في سياقات مختلفة.. ولو ممكن تفتكر إن روسيا هتخاف تنفذ حاجة زي كده على أرض دولة عضو في حلف الناتو زي تركيا، فأصلًا روسيا بقالها شهور بتهدد الناتو بالحرب بشكل مباشر... يعني هما كده كده مقطعين بطاقتهم ومش فارقة معاهم... ???????? وبكده ففي حالة روسيا هتلاقي إن القدرة التقنية والمخابراتية موجودة، والمصلحة كمان موجودة وكبيرة وتعتبر أمن قومي بالنسبالهم... وعشان كده نسبة احتمال تورط روسيا في رأيي هي 90%! 3️⃣ طيب... نروح بقى للطرف الثالث، وهو إسرائيل.. وهنا ممكن تستغرب إيه علاقة إسرائيل بـ ليبيا؟ والحقيقة ان الموضوع كله بيتلخص في كلمتين.. الغاز والطاقة... إسرائيل دلوقتي عايزة تنفذ مشروع خط "إيست ميد" (EastMed) عشان تصدر غازها وغاز قبرص لأوروبا من خلال اليونان... والمشروع ده كان مُصمم في الأساس لتحقيق مليارات لاقتصاد الاحتلال، وكمان لتقليل اعتماد أوروبا على الغاز الروسي اللي خلى روسيا ليها نفوذ عليهم، ومخلي الاقتصاد الروسي لسه شغال لحد دلوقتي وبيمول الحرب في أوكرانيا... ???? الحداد وحكومة طرابلس كانوا وقعوا اتفاقيات بحرية مع تركيا في 2019، بتدي لتركيا حقوق تنقيب على الغاز في البحر المتوسط، وبتضيق الدنيا على إسرائيل في تقسيم الحدود البحرية... وإسرائيل زي ما انت عارف هي خصم استراتيجي وإقليمي لتركيا، وفي أصلًا ما بينهم صدامات دبلوماسية كبيرة دلوقتي في سوريا... فبالتالي هنا إسرائيل مصلحتها إن ليبيا تفضل ضعيفة ومفككة، عشان ما يبقاش فيه دولة قوية جديدة تقدر تعترض على مشاريع الطاقة في المتوسط، والحداد بفكره العسكري الوطني كان عائق قدام ده... ???? لكن في نفس الوقت اسرائيل صعب تغتاله في تركيا بدون ما تسيب علامات وبصمات إلكترونية ممكن تدل عليها... وكمان اغتياله حاليًا مش مفيد ليهم أوي لإن الصفقات متوقعة فعلًا من 2019، وكمان اغتياله مفيد لروسيا... ???????? وعشان كده نسبة احتمال وجود يد اسرائيلية في رأيي هي 50% أو أقل... والاحتمال الأكبر هو مشاركتهم كعامل ثانوي، وليس طرف أساسي... وطبعًا الحكم ليك في الآخر... 4️⃣ أخيرًا بقى، نيجي للمنافس الوطني الموجود في الشرق، واللي هو المشير خليفة حفتر... واللي واحد من داعميه هو دولة الإمارات.. طبعاً مش محتاجة تفكير، الحداد هو الخصم العسكري المباشر لحفتر، وطول ما الحداد موجود، فيه بديل شرعي ومؤسسي لحفتر قدام المجتمع الدولي... حفتر باني استقلال قواته على دعم خارجي من كذا طرف وعلى شرعية أمر واقع، ووجود حد زي الحداد بيحاول يبني قيادة واحدة، طبيعي يشوفه تهديد وجودي... ???? عشان كده موت الحداد بيفضي الساحة في ليبيا، وبيرجع المشهد تاني للانقسام وبيخلي الغرب الليبي في حالة تخبط... ومتنساش كمان إن حفتر أساسًا حليف لروسيا وقواتها في الشرق، يعني ممكن جدًا يكون له مصلحة مباشرة في مساعدتهم (لو هما فعلًا اللي نفذوا العملية)... ⚫️???? وعشان كده، نسبة الاحتمال بالنسبة لحفتر في رأيي هي 80%! ????️ وفي النهاية، لو سألتني مين أكبر رابح؟ هقولك إن الإجابة المحزنة هي: كل اللي عايز ليبيا تفضل مكسورة ومتقسمة... تركيا تكسب لأنها هتفضل موجودة من غير ما حد يطلب منها تخرج... روسيا تكسب لأنها هتفضل ماسكة شرق شبه مستقل ومحتاج لها... حفتر يكسب لأنه هيفضل قائد دولة شرق ليبيا الفعلية... وإسرائيل تكسب لأن أي دولة ليبية قوية وموحدة على سواحل البحر المتوسط معناها دخول لاعب جديد في معادلات حدود بحرية وحقول طاقة مش ناقصة أصلًا منافسين... والخاسر الوحيد في وسط كل ده هو مين؟! الليبيين نفسهم، اللي خسروا الراجل اللي كان بيحاول يجمع شمل جيشهم، ويرجعهم دولة موحدة من جديد، ليها وزن إقليمي شامل بعيد عن الانقسام والتفرقة...