لفه حول كوكب الارض مع عبده

????????????أهلا بيكم مع عبده في .... ???? أخبار الكوكب ???? ،???? كوكب الجمعة ١٩/٩/٢٠٢٥ ،???? ألمانيا.... عزيزي متابع عبده .... لو إنت فاكر إن أسعار الكهرباء والغاز والبنزين مرتفعة في مصر ...!! ف أحب أقولك إن في ٤.٥ مليون أسرة مدفعوش فواتير الكهرباء والغاز من سنة ٢٠٢٤ !! ثانية واحدة بس وركز فالرقم ... حضرتك في اربعة مليون ونص اسرة مش رافضين يدفعوا الفواتير ... لا حضرتك هما عاجزين عن دفع فواتير الغاز والكهرباء من السنة اللي فاتت !! والحكومة مش عارفة تعمل إيه !!! هتطلعلي واحدة إسكندرانية وتقولي .... اه يا عبده ما حقهم ما يدفعوش...!!! دي فاتورة الكهرباء بتيجي بالشئ الفلاني ... دا انا لو مشغلة مفاعل نووي تحت الحوض فالمطبخ مش هتيجي بالرقم ده !! هقولك براحة على نفسك يا ستي !! الكلام ده مش فمصر !!! دا ف ألمانيا ...???? ألمانيا اللي هما ملوك اوروبا وقاطرة الإقتصاد الاوروبي واللي بيوهموك إنهم غرقانين فالنعيم والحكومة هناك بتوزع عليهم عسل ومانجا كل يوم الصبح الدنيا مقلوبة هناك حضرتك !! علشان مكتب الإحصاء الإتحادي في ألمانيا طالع يقول أن في ٤.٥ مليون مواطن ألماني مش عارفين يدفعوا فواتير الغاز والمية والكهرباء من سنة ٢٠٢٤ وعاجزين تماما عن دفع الفواتير !!! ،???? وع الناحية التانية من الكوكب ... ،???? بريطانيا... يعني الإمبراطورية التي لا تغيب عنها الشمس !! لا انا مش جاي أكلمكم عن زيارة المعلم عجة لبريطانيا...!! أنا جاي أكلمكم عن حكومة الجباية !!! اه حضرتك كل ما تطلع بيانات الإقتصاد المصري ويتقال إن حصيلة الضرايب زادت وبقت ٢ ترليون جنيه في مصر يطلع ولمؤاخذة واحد من الخوابير يضحك ع الناس ويقولهم دي حكومة الجباية !! علشان هو ميعرفش ان حصيلة الضرايب زادت علشان الإنتاج زاد والمصانع والشركات والتصدير زاد فبالتالي حصيلة الضرايب بتزيد يعني الإقتصاد ماشي صح و لما تسأله وتقوله ايوا يعني حضرتك موارد الدول والحكومات بتكون منين ؟؟ مبيردش !! طب الدولة هتصرف ع المدارس والمستشفيات والطرق والمشاريع والمرتبات دي كلها منين ؟؟ مبيردش!! أيوا يعني الدولة هتجيب موارد مالية منين ؟؟ مبيردش !! ف بريطانيا حضرتك ....!! نائبة رئيس الوزاراء أنجيلا راينر قدمت إستقالتها ....!!! ليه يا عبده ؟؟ علشان بكل بساطة حضرتك مدفعتش الضرايب اللي عليها !!! الست راينر إشترت بيت جديد وخبت ع الدولة ومدفعتش الضرايب !! ف بكل بساطة طلعت وإعترفت انها كانت متهربة من الضرايب وأعلنت إستقالتها !! ما طلعتش وقالت حكومة جباية ولا قالت الدولة عايزة تاكل حقنا !! وطلع رئيس الوزاراء البريطاني كير ستارمر قال.... أنا حزين جدا لأن فترة عمل راينر في الحكومة انتهت بهذه الطريقة، لكنه قال إنها توصلت إلى القرار الصحيح عزيزي المواطن الجميل اللي عايش في ام الدنيا لازم تعرف ... ان في اوروبا والدول المتقدمة إنت بتدفع ضرايب على النفس اللي بتتنفسه !! وإن جريمة التهرب الضريبي في أوروبا أمن قومي !!! اه والله اللي بيتقفش متهرب من الضرايب هناك بيتشلوح و بيتحبس فورا وبيتم مصادرة كل أمواله مش زي هنا فمصر بيطبطبوا عليه وبيعملوله مبادرة فمباردة وجوا المبادرة مبادرة علشان يحترم نفسه ويدفع الضرايب اللي عليه ولما بيتهرب من الضرايب بيسامحوه ويقولوله عفا الله عما سلف ... بس ابقا ادفع المرة الجاية !! وف الإخر يطلع ناس يوهموك ان البلد قايمة ع الجباية اومال الدول في اوروبا تبقا إيه !!! ،???? وع الناحية التانية من الكوكب .... ،???? أمريكا .... في أمريكا بقا في خناقة كبيرة ... المعلم عجة .... ترامب سابقا ساب اللي بيحصل ف الشرق الاوسط واللي بيحصل في اوروبا واللي بيحصل من الصين و عمل عقله بعقل نائبة الكونجرس الامريكي إلهان عمر الصومالية الأصل ودماغه وألف سيف يرحلها ع الصومال... علشان الست إلهان طلعت وإتريأت على وفاة الامريكي شارلي كيرك !! ترامب طلع وردح ل إلهان عمر وقال.... يالها من حثالة في بلدنا ....!!! خد بالك هو مش بيتكلم عن مواطنة امريكية عادية لا دا بيتكلم عن نائبة ف الكونجرس الأمريكي عن ولاية ميسوتا ترامب يسكت على كدا ..... أبدا !! دا طلع تاني وقال.... دولة إلهان عمر.... يقصد الصومال يعني ... تعاني من إنعدام سيطرة الحكومة المركزية، والفقر المدقع، والجوع، وعودة الإرهاب، والقرصنة، وعقود من الحرب الأهلية، والفساد، والعنف المتفشي... يعيش 70% من السكان في الصومال فقر مدقع، وإنعدام الأمن الغذائي على نطاق واسع.... تُصنف الصومال باستمرار بين أكثر دول العالم فسادًا، بما في ذلك الرشوة والاختلاس وحكومة غير فعّالة. ... كل ده والست إلهان عمر جاية تُرشدنا إلى كيفية إدارة أمريكا!!! يسكت على كدا .... أبدا دا كمل وقال..... أليست هي من تزوجت شقيقها للحصول على الجنسية؟ يا لها من حثالة في بلدنا تُملي علينا ما يجب فعله، وكيف نفعله. شكرًا لإهتمامكم بهذا الأمر. اجعلوا أمريكا عظيمةً مجددًا!» ترامب فرشلها الملاية..... وإحتمال يرحلها ع الصومال هي وتوكل كرمان وكل المهاجرين !! عرفتوا ليه بقا التلاتة الحلوين اللي ف امريكا اللي مصر أسقطت عنهم الجنسية علشان هاجموا السفارة المصرية في واشنطن طلعوا يعيطوا في فيديوا !! علشان لما هينطردوا من أمريكا مش هيلاقوا دولة تئويهم.... هيبقوا بلا جنسية !! ودا جزاء اللي يخون بلده !! ،???? وع الناحية التانية من الكوكب .... ،???? السعودية .... وقعت السعودية على إتفاقية دفاع مشترك مع باكستان !!! وف نقلة شطرنج عالمية السعودية كدا علمت على أمريكا ...!! هتقولي إزاي يا عبده ؟؟ هقولك شوف يا سيدي ...!! أمريكا بقالها خمس سنين وأكتر في مفاوضات مع الدولة السعودية علشان توقع معاها إتفاقية دفاع مشترك وشراكة إستراتيجية !!! بس أمريكا كان شرطها الوحيد لتوقيع الإتفاقيات دي ان السعودية توقع على أتفاقيات تطبيع مع إسرائيل !! حلو الكلام....!!! لا مش حلو.... علشان السعودية كانت رافضة تماما التوقيع غير بشرط واحد ... لما إسرائيل تعترف رسميا بإقامة الدولة الفلسطينية ???? الصراحة يعني ملعوبة من السعودية ومن اللي منسقين معاها ومش هقول هما مين???? ما انتوا عارفين ???? الامريكان والسعوديين إتفاوضوا كتير مع امريكا !!! حضرتك السعوديين فسحوا الأمريكان ييجي خمس سنين !! لدرجة ان امريكا عرضت ع السعودية إنشاء مفاعلات نووية وبرضوا السعودية رفضت وعلقت المفاوضات وفالآخر السعودية وقعت على إتفاقية الدفاع المشترك مع مين ؟؟ مع باكستان !! اللي هي حليف إستراتيجي للصين ???? وبكدا الرسالة وصلت لأمريكا ...!! ان العربدة اللي شغالة فيها إسرائيل فالمنطقة برعاية أمريكا هتكون السبب لخروج امريكا من الشرق الأوسط واللي بياكل على ضرسة ... بينفع نفسه باكستان تسكت..... أبدا !! دا طلع وزير الدفاع الباكستاني خواجة محمد آصف وقال.... بموجب اتفاقية الدفاع مع المملكة العربية السعودية، إذا وقع عدوان ضد باكستان أو السعودية، فسيتم الدفاع عنهما معاً، ويمكن لدول أخرى الانضمام إلى هذا الترتيب". وقال كمان... "لا يوجد مبرر لإطلاع أي دولة على الاتفاقية"، مضيفا أنه بموجبها "سيتم استخدام كل قدراتنا العسكرية والنووية ". يعني بالبلدي كدا .... ممكن لدول أخرى الإنضمام للإتفاقية دي ومش من حق امريكا او غيرها الإطلاع على بنود الإتفاقية اللي بموجبها هنستخدم كل قدراتنا العسكرية والنووية للدفاع عن البلدين....!! وتقولي مؤتمر الدوحة للرد على امريكا واللي عملته إسرائيل !! يابني هو ده الرد اللي يزلزل ويخليهم يراجعوا نفسهم الف مرة الدولة المصرية والدولة السعودية بيعملوا أعظم تنسيق في تاريخهم لإنقاذ المنطقة ،???? وع الناحية التانية من الكوكب .... ،???? الصين... الصين تسكت على اللي بيحصل ف الكوكب ... أبدا طلع وزير الدفاع الصيني فمؤتمر شيانغشيان في بكين قدام العالم كله وقال... العالم يقف مجددا اليوم عند مفترق طرق في مواجهة السلام أو الحرب.... الحوار أو المواجهة".... مؤكدا أن جيش الصين "مستعد للتعاون مع جيوش الدول الأخرى للحفاظ على السلام العالمي". فاكرين لما قولتلكم بعد العرض العسكري الصيني اللي هز الكوكب كله إن الصين لازم تعلن عن نفسها انها قوة عسكرية عالمية ودا لازم يحصل بمعركة حربية تنتصر فيها انتصار ساحق على امريكا !! اهي الصين بتسخن وبتقول .... حد ليه شوق فحاجة !! مش كدا وبس ..!! دي بتعلن وبتقول انها على استعداد مساعدة جيوش الدول الاخرى في مواجهة امريكا هي هنا بتقصد حرفيا دول الشرق الاوسط وبالأخص ايران ومصر والسعودية ،???? وع الناحية التانية من الكوكب ... ،???? روسيا ... النهاردة إستونيا بتعلن عن إختراق ٣ طائرات مج ٣١ روسية مجالها الجوي لمدة ١٢ دقيقة وطبعا إستونيا إستدعت حلف النيتو وطالبت بتطبيق المادة الرابعة كدا بالصلاة ع النبي .... روسيا ناوية والنية لله انها تولع الكوكب !! والصين بتقولها إحنا فضهرك وشدي حيلك عايزين عاركة تخلصنا من امريكا ،???? وع الناحية التانية من الكوكب .... ???? كوكب تحيا مصر ???? ،???? وفكوكب تحيا مصر .... الشعب المصري والله متطمن وحاطط فبطنة بطيخة صيفي ودا ليه ... !!! علشان عندنا جيش مصري العظيم ... ورئيس عظيم....???? ومجلس عسكري محترف يقدر يدور المنطقة كلها وإحنا مش شاغلين بالنا باللي هيحصل فالمنطقة!! تعالوا بقا أقولكم إيه اللي كان شاغل الشعب المصري فاليومين اللي فاتوا ... نص الشعب المصري وخصوصا الستات كان مشغول بشياكة حرم الرئيس وسيدة مصر الأولى في إستقبال ملكة إسبانيا وخصوصا البروش اللي بحرف العين.... عبدالفتاح نور عنيها وعنينا ???? ونص الشعب التاني كان مشغول بزحام الطرق في وسط البلد في اول يوم لزيارة ملك إسبانيا !!! الصراحة انا قولت ياااه على نعمة شبكة الطرق اللي عملتها الدولة المصرية !! يوم واحد زحمة فكرنا بأيام النظام السابق واللي كنا كل يوم كنا بنعاني فيه من الزحمة وعمرنا كله ضاع في زحمة الطرق في وسط البلد النهاردة وبكل فخر بقول إن الدولة المصرية تستحق جايزة نوبل علشان شبكة الطرق اللي إتعملت وأنقذت مصر من مصير مجهول !! زيارة الملك فيليب السادس كانت فرحة لمصر والمصريين بس كانت نكد لشعب المغرب اللي طلع وقال.... إزاي ملك إسبانيا يزور مصر وعمره ما زار المغرب !! إزاي إسبانيا توقع كل الإتفاقيات الاقتصادية مع مصر وتضخ كل الاموال دي فالإقتصاد المصري ومتفكرش فالمغرب بس لو الشعب المغربي ركز فاللي عملته الدولة المصرية فخلال عشر سنين تحت قيادة الزعيم السيسي هيعرف الإجابة إنما هما مركزين فشتيمة مصر والسيسي ،???? كمان فكوكب تحيا مصر ..... مش بس ملك إسبانيا اللي فمصر ...!! لا حضرتك دا كمان نائب رئيس الوزارء الروسي أليكسي اوفرشوك كان فزيارة لمصر يوم الحد ... وطلع قال ..... لقد جئنا إلى هنا وننشئ بالفعل صناعة جديدة كليا في البلاد، كما نفعل دائماً عند بناء محطات الطاقة النووية"... ونائب رئيس الوزاراء الروسي كان فمصر علشان حاجتين مهمين جدا .... اول حاجة المدينة الصناعية الروسية وتوطين الصناعة الروسية فمصر وتاني حاجة مفاعلات الضبعة النووية اللي قال عنها .... مشروع الضبعة النووية من أبرز المشاريع فالكوكب وان المشروع بيشتغل فيه ٢٧ ألف شخص يوميا معظمهم مصريين .... الرقم حقيقي مرعب مش بس كدا ....!! دا كمل وقال إحنا مش بنبني وبس ...!! لا حضرتك إحنا بنعمل على توطين الصناعة في مصر ،???? كمان في كوكب تحيا مصر .... تعالى يا حبيبي ... يا اللي طلعت قولت إن نتنياهو وقف الغاز لمصر علشان يمشي كلمته علينا !! فاكرين لما قولتلكم ان مصر ردت على تعليق نتنياهو لإتفاقية الغاز وقالتله .... بشوقك...... !! اهو شركة شيفرون الأمريكية طلعت وقالت لنتنياهو إنت أهبل يابني !! كلمة مصر هي اللي هتمشي ورجليك فوق رقبتك !! وأعلنت الشركة عن بدأ مشروع خط أنابيب جديد إسمه نيتسانا لربط حقل الغاز ليڤياثان بمحطات الإسالة في مصر... هنا القاهرة ???? فعهد الزعيم السيسي كلمة الدولة المصرية بتمشي ع الكبير والصغير فالكوكب بمزاجهم او غصب عنهم !! .???? كمان فكوكب تحيا مصر ... التصنيع العسكري في مصر ...!! هو إحنا عندنا تصنيع عسكري في مصر يا عبده ؟؟ طب أحب اقولكم إن الجيش المصري بيصنع ١٥٥ نوع سلاح مختلف تصنيع مصري خالص بقدرات مصرية خالصة من اول الرصاصة ...... لحد الصاروخ البالستي العابر للقارات لو عايز تعرف مصر بتصنع سلاح إيه ... يبقا إستنى البوست اللي جاي من اخبار الكوكب علشانا أنا طولت عليكم مفاجأة ..... هتتصدموا والله من اللي مصر بتصنعه اومال هي إسرائيل مرعوبة ليه من مصر وما خفي .... كان أعظم???? كفاية كدا ...... وتقعدوا بالعافية ???????? يديمك ???????? بيعيرونا بفقرنا ...... بس انا مش هسكت الزعيم عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????