شيكو: الحمد لله على النجاح الكبير لمسلسل اللعبة 2.. واستنونا في الجزء الثالث
توجه الفنان الكوميدي "شيكو"، بالشكر لفريق عمل الجزء الثاني من مسلسل اللعبة.
وكتب شيكو، عبر حسابه على فيسبوك: "الحمد لله ربنا كرمنا أوي في اللعبة الجزء التاني، مش عارف حاجة غير فعلا الحمد لله".
وتابع: "عايز أشكر كل الناس بجد من أول المنتج أخويا المتفائل أمير شوقي، والمخرج السهل الممتنع وش السعد أخويا معتز التوني، وفريقه، وعايز أشكر كل الممثلين إلى اشتغلوا في المسلسل بكل أدوارهم الكبيرة إلى أصغر حد، وأخيرا أشكر أخويا وزميل الدراسة والتمثيل وكل حاجة أخويا بجد هشام ماجد ٢٤ سنة السنادي يا تافه".
وأكمل: "على مدار الشهر اللي فات تابعنا كل كلامكم وكمنتاتكم وكنا مبسوطين أوي وفرحانين إننا قدرنا نخليكم تضحكوا كدا الحمدلله، وفخورين إننا عملنا مسلسل قدرتوا تتفرجوا عليه العائلة كلها مع بعض، كان تحدي صعب، والحمد لله دي نعمة من عند ربنا ويارب دايما نفضل نضحككم كدا، وتبقوا مبسوطين مننا".
وأردف: "المسلسل دا تقريبا أحسن رد فعل لأي شغل عملناه ويارب نفضل دايما عند حسن ظنكم، واستنونا في الجزء الثالث اللعب مع الكبار قريب أوي".
يذكر أن مسلسل اللعبة، بطولة شيكو وهشام ماجد ومى كساب، ويشارك فيه أيضا ميرنا جميل، محمد ثروت، أحمد فتحى، وانضمت النجمة رانيا يوسف لهم فى الموسم الثانى، من تأليف فادى أبوالسعود، أحمد سعد والى، إخراج معتز التونى.
