لفه حول كوكب الارض مع عبده

????????????مساء الخير وأهلا بيكم مع عبده في .... ???? أخبار الكوكب ???? ????كوكب الثلاثاء ٨/٧/٢٠٢٥ ولو إنتوا مش متابعين الأخبار بسرعة نحضر كوباية الشاي بالنعناع علشان هناخد لفة في أخبار الكوكب.... ????ومطولش عليكم وقولولي لاء طول .... ???????? روسيا.... في روسيا حصلت حادثة غريبة شوية ....!!! وزير النقل إنتحر بعد عزله من منصبة ب ٢٤ ساعة...!! هتقولي يادي النيلة ...!! إيه اللي يخلي وزير النقل ينتحر يا عبده ؟؟ ????????شوف يا سيدي ... وزير النقل الروسي إسمه رومان ستاروفويت ده لسه ماسك وزارة النقل بقاله سنه وبوتين عزله من منصبه من يومين !!! ????????بس مش دي المشكلة !! ????المشكلة انه كان حاكم منطقة كورسك أثناء المعارك مع الجيش الاوكراني في منطقة كورسك وتقريبا كدا والله اعلم الراجل ده مكنش مظبوط وتم إثبات عليه تهم إختلاسات و تخابر مع الاوكرانيين ????ف يوم ما بوتين عزله لتقديمه للمحاكمة راح الراجل ركب عربيته وضرب نفسه بالنار او ربما تم التخلص منه علشان ما يعترفش بحاجة !!! ولما بلغوا بوتين بإنتحاره رد بوتين وقال... ????عاش خاين..... ومات كافر ???? ???????? كمان في روسيا ... يوم الجمعة اللي فاتت كنت معزوم ف البيت الروسي بمناسبة الصداقة المصرية الروسية وكان في إستقبالنا السفير الروسي رجل مثقف جدا وبيتكلم مصري حلو وبيحب مصر جدا ????????سألته وقولتله .... ????ليه روسيا لحد دلوقتي مش عارفة تخلص حرب اوكرانيا رغم قوة الجيش الروسي !! رد عليا حتة دين رد ابن لذين !! ????????قالي بص يا عبده ... ٦٠٪ من الشعب الاوكراني هو فالأصل شعب روسي وولاؤه وإنتماؤه لروسيا ????وروسيا اصلا دخلت اوكرانيا لتحرير الشعب من النظام الغربي لو الجيش الروسي عايز يخلص على اوكرانيا يقدر يمسحها من على الخريطة في ٢٤ ساعة بس للأسف هنضرب ف الشعب الاوكراني اللي هو شعبنا فالاساس علشان كدا الجيش الروسي ماشي بمشرط جراح ????حتى الصواريخ والقنابل اللي بنستخدمها بنحاول انها متلمسش المدنيين ????قالي عارف زي مين ؟؟ زي الجيش المصري لما كان بيحارب الإرهاب في سيناء هل الجيش المصري مكنش قادر يمسح كل سيناء ؟؟ قولتله كان يقدر طبعا !! قالي بس الجيش المصري كان بيعمل ألف حساب للمدنيين اللي ملهومش ذنب صح ولا غلط ؟؟ قولتله صح جدا !! ????قالي النظام الاوكراني بيحاول يستفذ الجيش الروسي علشان يستعمل القوة الغاشمة وتحصل مذابح فالمدنيين ????وتبقا فضيحة تاريخية للجيش الروسي انه بيضرب شعبه ???????? وع الناحية التانية من الكوكب ... ???????? الكويت ... ف الكويت بقا وفالتليفزيون الكويتي الرسمي وفالإستوديو وأثناء ما هما على الهواء مباشر والمذيع بيناقش مع الضيوف ظاهرة التغير المناخي وسخونة العالم دخل عليهم عامل الدليفري وسلم عليهم وقال للمذيع انت كنت طالب اوردر وانا بتصل عليك علشان اسلمك الاوردر وانت مبتردش ..!!! كل ده وعلى الهواء مباشر ???? على فكرة ... دي مش الكاميرا الخفية ....!! دا حصل بجد وعلى الهواء مباشرة ???? ???????? وع الناحية التانية من الكوكب .... ،???? بريطانيا.... يعني الإمبراطورية التي لا تغيب عنها الشمس يعني اللي ضاحكين عليك وبيقولوا تتحرك أساطيلنا من أجلك اينما كنت سعر الشحن ثابت.... سعر المنتج ثابت اينما كنت اهو الحوثيين اللي لابسين شوية شباشب علموا عليها وأغرقوا السفينة ماجيك سيز البريطانية واللي رافعة علم بريطانيا العظمى فالبحر الأحمر بالبضايع اللي عليها ودا رد على الهجوم الإسرائيلي على تلات مواني بحرية يمنية ???????? وع الناحية التانية من الكوكب.... ،???? أمريكا .... ف أمريكا بقا النتن مجتمع مع ترامب واتلم تنتون على تنتن والإتنين أنتن من بعض وبيناقشوا فرص السلام فالشرق الاوسط و لو سألتني بصراحة هما مجتمعين ليه فخليني اقولك انهم بيجهزوا لضرب إيران ضربة تانية بس مش دي المشكلة ...!! المشكلة ان نتنياهو بيسلم ترامب تذكية اسرائيل لترشيح ترامب لجايزة نوبل للسلام اللي هو المنطق بينتحر رسميا ???????? وع الناحية التانية من الكوكب .... ،???? البرازيل... ف البرازيل بقا لولا دي سيلفا رئيس البرازيل بيعمل عظمة ف إجتماع البريكس وبيعلن من هناك هو و بوتين عن نظام مالي عالمي جديد هيبتدي بين دول البريكس وبعضها هتقولي بس يا عبده دا هيكون بين دول البريكس بس !!! هقولك ما دول البريكس بتمثل ٤٥٪ من الكوكب حضرتك مش كدا وبس !!! ????دي الصين أعلنت عن إنشاء بنك التنمية لدول البريكس وقالت علشان دول البريكس ما تلجأش للبنك الدولي تاني بنك التنمية اللي الصين هتعمله مقصود بيه انها تنهي الهيمنة الأمريكية والدولار حرفيا ومش بعيد صندوق النقد والبنك الدولي يبيعوا عيش بعد كدا ???? ????هتقولي بس الكلام ده هبد يا عبده ومش هيحصل وأمريكا جامدة فورتيكة ومش هتتأثر !!! هقولك لو أمريكا مكنتش هتتأثر ومش خايفة من اللي بتعمله البريكس مكنش طلع ترامب وقال اللي هيشارك فالبريكس والبنك ده امريكا هتفرض عليه ضرايب ١٠٠٪ ???????? وع الناحية التانية من الكوكب .... ،???? تركيا .... فتركيا بقا في ١٩ جندي من قوات المارينز التركي راحوا يجيبوا جثة جندي مات سنة ٢٠٢٢ ف كهف فالعراق ...!! لحد كدا حلو ..... لا مش حلو !! علشان الكهف ده كان متفخخ بس مكنش متفخخ بقنابل ولا ألغام حضرتك!! كان متفخخ بغاز الميثان واول ما الجنود دخلوا اوغمن عليهم وماتوا والدنيا مقلوبة فالجيش التركي مش كدا وبس ....!!! دي تكلفة التأمين على الديون التركية إرتفعت ووكالة ستاندرد اند بورز طلعت وقالت إحتمال تخلف تركيا عن سداد الديون إرتفعت خد بالك دا فنفس الوقت اللي الوكالة نفسها طلعت وخفضت نسبة التأمين على الديون المصرية وقالت ان الوضع المالي في مصر مطمئن جدا يقوم ييجي واحد ابن حرام متعرفش تقريبا كدا راضع لبن من واحدة تركية يقولك أصل تركيا جامدة فورتيكة ومصر هتفلس ???????? وع الناحية التانية من الكوكب ... ،???? سوريا.... لو لسه فقلبك ذرة شك إن الجولاني مش عميل لأمريكا طب أحب اطمنك وأقولك إنه عميل إسرائيلي ???? والنعمة منا اللي قولت دا ترامب اللي طلع فضحه النهاردة وهو بيتغدا مع نتنياهو فواشنطن ترامب طلع وقال بعد الغدا.... لقد رفعت العقوبات عن سوريا بناءا على طلب من إسرائيل اللي هو أحيييه حرفيا طب والإسلام يا جولاني .... تعيش انت طب والإمارة الاسلامية يا جولاني ... تعيش انت يا حج طب والاسلام هو الحل يا جولاني ....لا دا كلام بنضحك بيه على المهابيل والمهابيش فدماغهم دي كدا مبقاش اسمها جمهورية سوريا العربية دي كدا بقا إسمها جمهورية سوريا الإسرائيلية حضرتك ???????? وع الناحية التانية من الكوكب .... ???? كوكب تحيا مصر ???? ،???? وفكوكب تحيا مصر .... إيلاف النعم...!!! مشكلة الشعب المصري هي إيلاف النعم لدرجة انه مبيحسش بالنعمة اللي هو عايش فيها غير لما يفقدها او يحصل خلل فيها بدليل...???? ان الشعب المصري محسش بالمعجزة اللي حصلت في شبكة الطرق والكباري على مدار عشر سنين وكان طول الوقت بيتريأ على الطرق والكباري !!! و اول ما حادثة حصلت على الطريق الإقليمي الدنيا إتقلبت وفين التطوير وفين الطرق ؟؟ ومتقفلوش الإقليمي !!! طب يا حبيبي احب اقولك إن مصر سنة ٢٠١٠ كانت مصر رقم واحد فالكوكب في حوادث الطرق انت متخيل ان مصر سنة ٢٠١٠ كانت من اكثر الدول فالعالم في حوادث الطرق نتيجة سوء الطرق !! طب هل في حد يعرف ان حوادث الطرق في مصر قبل ٢٠١٠ كانت بتقتل ٢٥ الف مصري .... اه والله دي بيانات مثبتة رسميا فالمنظمات العالمية طب احب اقولكم إن احد أسباب رفض ملف مصر في تنظيم كأس العالم ٢٠١٠ هي الطرق طب اقولكم معلومة يمكن ناس كتير متعرفهاش ؟؟ حوادث الطرق في مصر قبل ٢٠١٠ كانت بتحصد سنويا ارواح ٢٥ الف مصري في حين حروب مصر مع إسرائيل بما فيهم حرب أكتوبر اللي انتصرنا فيها مصر فقدت فيها ٣٠ ألف شهيد.... اه والله هتقولي طب ودلوقتي يا عبده بعد التطوير اللي عملته الدولة في شبكة الطرق في عهد السيسي؟؟؟ دلوقتي مصر بقت من أقل الدول فالعالم في معدل حوادث الطرق وبقت تتراوح بين ٢٠٠٠ ل ٣٠٠٠ ف السنة طب المعدل الدولي كام يا عبده ؟؟؟ ٤٥٠٠ فالسنة يا حبيب قلب عبده يبقا إنجاز .... ولا مش إنجاز يا برنس ؟؟ بس المشكلة عندنا في إيلاف النعم الناس بقت شايفة طرق وكباري عالمية طب يتعلموا الادب ويستخدموها صح ؟؟ لا ازاي دا احنا نسابق الموت عليها دا يا مؤمن الدولة عملت رادارات وكاميرات على الطرق في ناس طلعوا كسروها ومحدش وقف يقولهم عيب اللي ببتعملوه مش كدا وبس ....!!! دي الدولة لما عملت الردارات على الطرق علشان تحافظ على ارواح الناس طلعوا وقالوا دي الدولة بتلم إتاوات .... لا يا شيخ وهاتك بقا يا كوميكس وفبركة لمخالفات علشان تهينوا نظام المرور فمصر و دلوقتي .... الحقونا يا مرور وفين اللجان الامنية على الطرق !! طب يا سيدي خد عندك دلوقتي مفيش طريق غير وهتلاقي عليه لجنة واتنين وعلى الله بقا مترجعوش تعيطوا وتقولوا بيوقفوا حال الشعب وبييجوا على اكل عيشهم طب إيه تاني يا عبده في إيلاف النعم ؟؟؟ شوف يا سيدي..... مصر من أكثر الدول فالعالم تطورا في نظم الإتصالات والمعلومات حقيقي مصر بتمتلك شبكة ضخمة جدا وبنية تحتية متطورة فالإتصالات مش موجودة غير فالدول المتقدمة ودا سبب رئيسي في ان مصر بقت من الدول الأولى الجاذبة للإستثمار الأجنبي مهو منغير شبكة اتصالات ولا انترنت محدش هييجي يستثمر عندك يا قلبي لا هو انت فاكر ان الاتصالات والانترنت اللي الدولة المصرية بتصرف عليهم مليارات فالبنية التحتية علشان سيادتك عامل باقة نت ب ١٠٠ علشان تطلع ع الفيس تشتم فالدولة مثلا ؟؟ انت أهبل يابني ؟؟ من الحاجات اللي بتقاس بيها قوة الدولة فالإقتصاد والإستثمار هي قوة شبكة الإتصالات والبنية التحتية للإنترنت حضرتك ف لو حضرتك متخيل إن سنترال رمسيس هو كل شبكة الاتصالات والانترنت في مصر ف إسمحلي أقولك انك أهبل وبريالة ولسه عايش في التمنينات من ايام التليفون ابوقرص مصر من الدول المتقدمة جدا في عالم الإتصالات وسوق ضخم جدا جدا للمستثمرين الاجانب في مصر بس برضوا مش دي المصيبة.... !!! المصيبة ان لقيت واحد عامل نفسه ابو امه العالم ببواطن الامور من الخبراء فالاتصالات وكاتب بوست طويل عريض وبيحذر فيه ان الجيش المصري لازم يكون عامل حسابة وياخد باله من الكابينة اللي موصل منها انترنت لتتفصل بسبب حريق سنترال رمسيس والناس عنده ايه..... ما شاء الله عمالة تشير من عنده منغير حتى ما تسأله عن الفساا اللي كاتبه فدخلت وبقوله إيه الفسااا اللي انت كاتبه ده ؟؟ انت ليه محسسني ان الجيش المصري واخد واصلة نت من سنترال رمسيس؟؟ قالي و ايش عرفك انت ؟؟ انت عارف بتكلم مين ؟؟ قولتله مين ؟؟ قالي اعمل سيرش على اسمي فجوجل وانت تعرف ؟؟ انا قولت باااس انا كدا وقعت فشر أعمالي ... طب لما أعمل سيرش واشوف مين ده ؟؟ وفعلا كتبت اسمه على جوجل وعملت سيرش !! لقيت جوجل بيقولي مين ابوشخة ده اللي جاي تسألني عنه ؟؟ ???? طب لو انتوا مش مصدقني اعملوا سيرش عن واحد اسمه محمود السيد ???????? المهم خلينا فموضوعنا....???? إيلاف النعم عند الشعب المصري ... الشعب المصري محسش بالنعمة اللي هو فيها من ثورة فالاتصالات وتقدم مش موجود فالمنطقة كلها ولا فقارة افريقيا غير لما الاتصالات والخدمة اتقطعت يادوب ساعتين تلاتة بسبب انه تم تفعيل خطة الطوارئ وتحميل خطوط سنترال رمسيس على سنترالات تانية هتقولي طب والجيش يا عبده !!! هقولك سبحان الله ...!! دا انا لسه مكلمكم فالموضوع ده من أسبوعين في اخبار الكوكب فاكرين لما قولتلكم ..... أيوا حضرتك الدولة المصرية من بدري اووي عارفة كل ده وعملت حسابها هتقولي ازاي يا عبده ....!!! هقولك على المستوى المدني.... الدولة المصرية عملت أكبر مجمع لعقل مصر الإلكتروني تحت الارض ب ٦٠ متر فالعاصمة الادارية اللي هي السحابة الإلكترونية ومحصن ضد..... لاء ثانية واحدة بس علشان الكلام ده مهم جدا فمكان تحت الأرض محصن ضد الضربات النووية حضرتك مش كدا وبس ...!!! العقل ده مربوط بشبكات صناع القرار ومربوط بكل الوزارات والبنوك وليه سيرفرات خاصة بيه بعيدا سيرفرات امريكا بالبلدي كدا عندنا شبكة انترنت واتصالات خاصة لا يمكن اخترقها ولا يمكن ضربها بالنووي حضرتك بالمناسبة دي اللي افتتحها عبدالفتاح السيسي السنة اللي فاتت حضرتك ???? طب على المستوى العسكري ....!!! لا دي بقا قصة طويلة ترجع تفاصيلها لسنة ٢٠١٧ لما السيسي سافر روسيا ودخل مركز عمليات الحرب في وزارة الدفاع الروسية السيسي ساعتها مطلبش سلاح ولا طلب طيارات ولا حتى طلب نووي حضرتك السيسي طلب يبني مركز عمليات زيه بالظبط فالاوكتاجون ويكون متصل بالاقمار الصناعية العسكرية فالروس ساعتها قالوله بس انت معندكش اقمار صناعية للإتصالات العسكرية !!!! السيسي قالهم منا جاي الزيارة دي علشان حاجتين بس.... اول حاجة عايز قمر صناعي للاغراض العسكرية بشرط يكون اول قمر صناعي عسكري يتصنع في روسيا وتاني قمر يتم نقل تكنولجيا تصنيعه فمصر دلوقتي مصر عندها تلات اقمار صناعية للإتصالات العسكرية والرابع هيكون فرنسي لأغراض التجسس ???? تاني حاجة قالهم عايز اعمل شبكة سيبرانية عسكرية خاصة بالجيش المصري...!! ووقع ساعتها مجموعة اتفاقيات عسكرية مع روسيا أهمها.... الامن السيبراني العسكري بين مصر وروسيا فحضرتك لازم تعرف ان الجيش ليه شبكته الخاصة بإتصالاته بإنترنته بأقماره الصناعية العسكرية مش سارقين واصلة من سايبر جمبهم علشان حتة عيل بريالة ييجي يقول الحقوا الجيش بسرعة قبل ما الاتصالات ما تقف والانترنت يتقطع عنهم ،???? كمان فكوكب تحيا مصر .... أقوى نظام صواريخ دفاع جوي صيني هنا فمصر !!! شوف يا سيدي .... ولا اقولكم.... هبقا احكيلكم قصته البوست اللي جاي علشان انا طولت عليكم ???? كفاية كدا ...... وتقعدوا بالعافية ???????? يديمك ???????? بيعيرونا بفقرنا...... بس انا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????