دمار شامل في ولاية تكساس الأمريكية

???????????? كارثة طبيعية تؤدي الى دمار المنازل و الشوارع في تكساس???? ????ولايه تكساس الأمريكية ???? ???? أمريكا في ال 48 ساعة اللي فاتوا اتعرضت لكارثة مخيفة وغير متوقعة... البيوت كانت بتتشال من مكانها باللي فيها.. والعربيات بتغرق في مكانها والطرق بتتدمر، وعشرات الناس فقدوا حياتهم... وكل ده بسبب ايه؟! سيول رهيبة أدت لفيضان ضخم وغير مسبوق، ضرب ولاية تكساس من يومين، وسبب كارثة بيئية غير متوقعة، حصلت فجأة وقلبت الدنيا هناك لكابوس محدش كان متوقعه! ⚫️ طب ايه اللي حصل؟! ???? ???? شوف يا سيدي.. القصة بدأت يوم الجمعة بالليل، لما الناس كانت لسه بتستعد لاحتفالات عيد الاستقلال يوم 4 يوليو، والجو في ولاية تكساس كان شكله عادي و مفيهوش أي حاجة... لكن فجأة، وفي وسط ما الناس عايشة حياتها عادي ومحدش مركز، السما اتشقّت ونزلت أمطار عنيفة كأنها شلالات من فوق الجبال! في خلال 45 دقيقة بس، نهر الجوادالوبي Guadalupe River اللي بيعدّي في مقاطعة كير ارتفع 8 متر كاملين عن منسوبه الطبيعي، عشان ينتج عنه جدار رهيب من المية ابتدا يغرق البيوت وينتزعها كلها من مكانها في طريقه، وياخد في سكته العربيات، ويكسر الكباري والمنشآت وحتى يقلب الأرض نفسها من تحتها... ???? بس كل ده بقى لا يقارن باللي لمعسكر صيفي اسمه "كامب ميستيك".. ده المفروض انه معسكر للبنات الصغيرين، موجود جنب النهر على طول، بيمارسوا فيه التخييم أو ال Camping، وبيعملوا أنشطة صيفية.. لكن فجأة وفي وسط ما البنات كانوا نايمين في كبائن خشب، المية دخلت عليهم زي الوحش... المعسكر كله اتدمّر في لحظات، والبنات لقوا نفسهم فجأة وسط سيل جارف من الطين والمية، بيشيلهم من مكانهم وياخدهم معاه ف طريقه... ولحد اللحظة الي انت بتقرأ فيها السطور دي، في 27 بنت من اللي كانوا في المعسكر اختفوا تمامًا مع الأمواج، ومحدش عارف هما فين! ???? الفيضان ده يعتبر من أقوى الكوارث الطبيعية اللي ضربت أمريكا في آخر 10 سنين... ولحد دلوقتي، عدد الضحايا المؤكد وصل لـ 51 شخص، منهم على الأقل 15 طفل... والناس لسه بتدور على مفقودين، خصوصًا من المعسكرات اللي كانت مليانة أطفال في عز الصيف! عايز اقولك ان في أهالي كانوا نايمين ومش حاسين، و صحيوا من النوم فجأة لقوا المية داخلة عليهم وهما في سرايرهم... ناس اتحبست في أدوار عليا في بيوتهم اللي كلها تقريبًا معمولة من الخشب و مبتستحملش السيول والفيضانات، وناس تانية اتجرفوا هما وبيوتهم مع المية... ???? الموضوع وصل لإن في ناس اتسلقت الشجر وفضلوا متعلقين فيه بالساعات! واحدة ست اسمها إيرين، قالت إن هي وابنها قعدوا متعلقين في شجرة ساعة كاملة، بعد ما بيتهم اتملى مية، والسيل جرف جوزها والكلب بتاعهم بعيد ومتعرفش عنهم حاجة! ???? بعد اللي حصل ده، فرق الإنقاذ اشتغلت بأقصى قدراتها، وطلعوا طيارات هليكوبتر ودرونز وقوارب عشان يلحقوا الناس اللي اتحجزت فوق السطوح وفي الأشجار.. وبالفعل قدروا ينقذوا أكتر من 850 شخص... لكن رغم الجهد ده كله، الخسارة كانت ضخمة جدًا... مش بس في الأرواح... لكن كمان في البنية التحتية والاقتصاد، وحتى السياحة اللي كانت بتستعد لاحتفالات يوم التحرير اللي هو 4 يوليو! ???? المشكلة بقى ان المنطقة اللي ضربها الفيضان الأهالي أصلًا من زمان مسميينها "Flash Flood Alley"، أو "زقاق الفيضانات"، وده بسبب طبيعة الأرض بتاعتها اللي مش بتمتص المية بسهولة، فالمطر لما بينزل عليها بقوة كبيرة زي اللي حصل ده، سهل جدًا انه يجري بسرعة ويشيل اللي في طريقه.. بس الغريب إن كان في تحذيرات فعلًا جاية من وكالة الأرصاد قبل الفيضانات بساعات... وحتى وكالة AccuWeather قالت إنها بعتت إنذارات باللي على وشك الحدوث، وإن كان المفروض يتم إخلاء المعسكرات من بدري... لكن الحقيقة إن مافيش تحرّك حصل، ولا في صفارات إنذار اتضربت، ولا حتى أي نظام طوارئ اتفعل... والكارثة حصلت في غفلة تامة من الناس! ???? وبرغم ان المقاطعة دي من 6 سنين كانت بتفكر تعمل نظام إنذار للفيضانات... إلا انهم لغوا الفكرة بسبب التكاليف العالية.. ودلوقتي اللي حصلهم ده، واللي خبراء الطقس وحتى السياسيين نفسهم بيقولوا انه بسبب التغير المناخي الرهيب اللي حاصل حاليًا على الكوكب كله، كان ممكن جدًا يتم تفاديه لو مكانش في إهمال... ???? كان ممكن يتفادوه لو ترامب مكانش بيقلل من تمويل مكاتب الأرصاد وبيطرد موظفينها ويقلل الانفاق على وكالات الإغاثة والدعم الانساني زي FEMA، ويزود الانفاق بداله في حتت تانية زي القطاع العسكري والتكنولوجي اللي بيستعمله بعد كده في الحروب على مخاليق ربنا... ⚫️ طبعًا بعد الكارثة دي، ترامب وحكومته اتحطوا في موقف مُحرج قدام الناس، وبرغم إنه رفض طلبات مشابهة قبل كده، إلا انه في المرة دي وافق يعلن المنطقة كـ "كارثة فيدرالية"... وده معناه دعم مالي وفني من الحكومة المركزية للمنطقة عشان تدعم جهود الإغاثة وفرق البحث عن المفقودين وخصوصًا البنات الصغيرة اللي لحد دلوقتي مصيرهم مجهول... ???? في النهاية، اللي حصل في تكساس ده مش مجرد فيضان... دي علامة تحذير كبيرة جدًا للعالم كله... الطبيعة (بإذن من خالقها) ماعادتش بتدي فرصة... وأي لحظة تراخي او غفلة عن الكوارث اللي ممكن تحصل بدون إنذار، ممكن جدًا تبقى الغلطة الأخيرة... ف ربنا يسترها على الأبرياء على الكوكب كله، ويحفظ أرواح الناس اللي مالهمش ذنب في أي حاجة حكومتهم بتعملها... ???? هتلاقي المصادر الكاملة وبعض الصور للي حصل تحت هنا مع البوست ???? وهسيبلك في الكومنتات صور وفيديوهات تانية لشكل المية وهي بتشيل البيوت وبتجرف العربيات في طريقها.. وفي النهاية لو وصلت لهنا متنساش الشير وعرف غيرك باللي بيحصل على الناحية التانية من الكوكب.. شكرًا. ???? مصادر بتغطي الكارثة اللي حصلت كلها ???? https://apnews.com/article/texas-floods-missing-hill-country-5044c169b59921b2b4f65a2568c354c0 https://edition.cnn.com/weather/live-news/texas-flooding-camp-mystic-07-06-25-hnk