اهلا بكم مع عبده اخبار عالميه ومحليه

????????مساء الخير وأهلا بيكم مع عبده ???????? ???????? أخبار الكوكب ???????? ???? كوكب السبت ١٤/٦/٢٠٢٥ ولو إنت مش متابع علشان هناخد لفة ف أخبار الكوكب.... ،???? حرب الرياح.... إيه حرب الرياح دي يا عبده ؟؟؟ انت جاي تهزر والمنطقة كلها بتتخرتأ...!! هو في حرب تانية فالكوكب غير الحرب الايرانية الإسرائيلية ؟؟ ولا تقصد الحرب بين روسيا واوكرانيا يا عبده !!! لا يا سيدي لا الحرب دي ولا الحرب دي !! دي حرب تانية خالص بين بلجيكا وهولندا.. حرب كوميدية بجد.... اه والله القصة بدأت من هولندا لما إتهمت بلجيكا بسرقة الرياح....أيوا ياعم اتهام رسمي فهمي نظمي... شوف يا سيدي هولندا بنت مزرعة رياح فالبحر الشمالي لإنتاج الكهرباء بعد ازمة الغاز اللي حصلت ف اوروبا .... حلو الكلام !! لا مش حلو علشان جت بلجيكا وراحت بنت مزرعة رياح اضخم منها بعدها .برضوا فبحر الشمال فحدودها الاقتصادية !! أووم ايه ... الرياح بتدخل الاول مزرعة بلجيكا وبتنتج كهربا وبعد كدا بتدخل مزرعة هولندا بتكون الرياح فقدت قوتها والمزرعة مبقتش تنتج حاجة !!! هنا بقا وزير الطاقة الهولندي طلع شكرلهم وقالهم انتوا قطعتوا عننا الهوا بتاع ربنا والهوا هوايا يا حبيبي.... وجانا الهوا جاانااا من الاول رد عليه وزير الطاقة البلجيكي قاله واحنا مالنا وماسك الهوا بإيديا .... ماسك الهواا وااه مالهوا يا حبيبي ..... اه مالهوااا وكلمة من وزير الطاقة الهولندي على كلمة من وزير الطاقة البلجيكي مسكوا فبعض وبقت ازمة دبلوماسية بين البلدين.... اه والله والاوروبيين سموها حرب الرياااح ???? ،???? وع الناحية التانية من الكوكب.... ،???? إيران.... لو مش مصدق إن إيران خرتأت إسرائيل إمبارح وردت عليهم رد غير متوقع فلازم تشوف رد إسرائيل النهاردة وانت تعرف ان فعلا الإيرانيين علموا عليهم وخرتأوهم هتقولي ايه اللي حصل يا عبده !!! شوف يا سيدي.... إسرائيل إمبارح فعلا ضربت ضربة مخابراتية قوية وقدرت تتخلص من قيادات فالجيش الإيراني و٦ من علماء النووي وضربت مفاعل نطنز !!! وطلع نتنياهو منتشي بالنصر ....!! وخطب خطبة عصماء وكأنه خلاص على أبواب طهران وبيعلن النصر بس محدش أخد باله ان الخطبة مسجلة.... خد بالك انها كانت متسجلة وبس يا سيدي ... وعلى بالليل كان الرد الايراني... حقيقي كان مفاجأة للعالم كله خرتأوا تل ابيب ... مش كدا وبس !! دول إستهدفوا وزارة الدفاع الاسرائيلية في قلب تل ابيب وإستهدفوا الحي اللي بيسكنه معظم قيادات الجيش الاسرائيلي لدرجة ان الشعب الاسرائيلي بحكومته بكل قياداته بايتين فالملاجئ من امبارح هتقولي بس يا عبده مفيش خساير فالارواح ولا حتى في صور ولا فيديوهات للخرتأة دي زي ما الفيديوهات بتاعة ايران ماليه الاعلام العالمي....!!! باااس زي الفل انت كدا وصلت وبدأت تفهم !! اولا الحكومة الاسرائيلية مانعة التصوير نهائيا واي حد بيصور بيعتقلوه فورا مش عايزين يتفضحوا إنما ف إيران بتلاقي حد واقف بالكاميرا مستني الطيارة تيجي تضرب الموقع علشان يصور الإنفجار.... هو في فجر أكتر من كدا دا ولا الجزيرة المباشر حضرتك مش كدا وبس ....!! إسأل نفسك مين اللي مسيطر على الاعلام العالمي وكل الفضائيات .... وانت تفهم يا باشا هما بيخلوك تشوف اللي هما عايزينك تشوفه وتسمع اللي هما عايزينك تسمعه وتصدق اللي هما عايزينك تصدقه ...!!! يا مؤمن دي الدفاعات الايرانية اصطادت F35 اللي هي تحفة الصناعات العسكرية الامريكية.... وقال إيه متخفية فكرتني بعبدالمنعم ابراهيم ففيلم طاقية الإخفى لما قال دا سر البلاالم ....???? الخلاصة فقصة ايران واسرائيل ان اسرائيل مش هتقولك احنا متخرتأين علشان يفضلوا راعبين المنطقة ويحافظوا على اسطورة الجيش الذي لا يقهر .... بس هتعرف وتتاكد انهم متخرتأين لما يصيحوا ان ايران بتضرب مدنيين و اول ما اسرائيل تضرب المواني ومحطات الكهربا والمطارات المدنية في ايران تعرف ان ايران دايسة على وشهم هتقولي طب والمفاعلات النووية يا عبده !!! هقولك زي ما هي بحطة ايدك دا حتى مفاعل نطنز لم يتأثر بالضربة وكل اللي انضرب شوية مباني ادارية علشان المفاعل نفسه تحت الارض والنيويورك تايمز بتقول ان احتياطيات اليورانيوم المخصب في ايران لم تمس لحد دلوقتي ،???? وع الناحية التانية من الكوكب.... ،????المتخرتأين... نتنياهو النهاردة طلع في خطاب مسجل وقال لترامب... حربنا هي حربك وافتكر ان الايرانيين حاولوا يغتالوك مرتين نتنياهو بيستجدي امريكا نها تدخل الحرب وتهاجم ايران بدل ما هي واقفة تدافع عن اسرائيل وبس الايرانيين يسكتوا ...ابدا !!! طلعوا وحذروا امريكا وانجلترا وفرنسا تحذير صريح ان اي حد هيتدخل هنقلبها حرب اقليمية وكل حاجة هتكون مستباحة حتى قواعدكم فالخليج مش كدا وبس ..!! ومضيق باب المندب ومضيق هرمز اللي بيعدي منه معظم بترول العالم لاوروبا وامريكا السؤال هنا....!! هل امريكا هتخش الحرب وتضرب إيران يا عبده ؟؟ شوف يا صديقي ... امريكا هتدخل الحرب غصب عنها مش بمزاجها هتقولي ازاي يا عبده !!! استنى يومين تلاتة كدا ولما ايران تلسوع اسرائيل جامد هتروح اسرائيل مخرتأة حاملة طائرات امريكية فقلب الخليج او تضرب اي قاعدة امريكية فالخليج وتلبسها لايران حرفيا امريكا هتتجنن وتنزل دب في ايران !! شوف يا صديقي زي ما بوتين مسمي اوكرانيا النازيين الحدد انا كمان مسمي الاسرائيليين التتار الجدد ???? ،????وع الناحية التانية من الكوكب... ،???? باكستان... إمبارح وزير الدفاع الباكستاني اعلن رسميا تضامنه مع إيران ضد اسرائيل وقال.... نقف الى جانب جارتنا بكل الطرق الممكنة ،???? وع الناحية التانية من الكوكب.... كوكب تحيا مصر ،وفكوكب تحيا مصر... ???????? تم تأجيل إفتتاح المتحف الكبير.... طبعا دا حدث عالمي وكل رؤساء وملوك العالم كانوا هيحضروا اضخم حدث تقافي فتاريخ المنطقة المتخرتأة وطبعا حدث زي ده هيخلده التاريخ مصر متأمنه والحمدلله ومفيش مشاكل من ناحية التأمين بس ذكاء الدولة المصرية اني عايزاه حدث إستثنائي ويكون هو التريند رقم واحد فالعالم واكيد دلوقتي فوسط الخرتأة اللي بتحصل مفيش حدث استثنائي غير حرب ايران ولمؤاخذة المتعاصين فوزارة السياحة المصرية قررت تأجيل الافتتاح لحد الربع الاخير من السنة ولو إني كنا نتمنى يكون الافتتاح دلوقتي علشان يلحق السيزون السياحي !! بس لعله خير ولما نشوف ولاد المتعاصين دول هيعملوا ايه فالمنطقة وخصوصا ان بريطانيا أعلنت رسميا دلوقتي نقل طائرات وعتاد عسكري للشرق الاوسط للمشاركة.... مشاركة ف إيه ؟؟ محدش يعرف ???? ، كمان فكوكب تحيا مصر.... ???????? لو عايز تعرف قوة الدولة المصرية اللي وصلت من التخطيط للمستقبل القريب والمستقبل البعيد إزاي وبقت تملك من المعلومات والمخططات اللي هتحصل فالمنطقة وفالعالم وبقت تعمل حسابها بالتخطيط الصح يبقا تعالى احكيلك الحدوتة دي !!؟ شوف يا سيدي .... سكاي نيوز سابت الحرب والخرتأة اللي فالمنطقة وعملت تقرير إقتصادي عن مصر وبتقول فيه ان مصر سنة ٢٠٣٠ هتتربع على إقتصاد إفريقيا والمنطقة كلها ...!! ازاي يا عم دول مفهيمنا ان المغرب جامدة فورتيكة وان الخليج هيبقا انهار من العسل واللبن...!! قالك لا معلش مصر وضعت خطط إقتصادية لحد ٢٠٣٠ لزيادة صادرتها بقيمة ١٤٥ مليار دولار فالسنة سألوا وإتطقسوا طب المصريين هيعملوها ازاي دول ما حليتهمش ولا نفط ولا بترول !! قالك لاء دا ١٤٥ مليار دولار دول صادرات صناعية غير بترولية هتقولي ازاي يا عبده !!! شوف يا سيدي .... من اللي انا شايفة وسكاي نيوز شيفاه ان مصر بتتحول لقلعة صناعية ضخمة ف المنطقة وهتكون الصين فالمنطقة وسكاي نيوز بتقول ان مصر ٢٠٣٠ هتكون قاطرة الصناعة في إفريقيا سكاي نيوز تسكت على كدا .... ابدا كملت وقالت ان مصر بتستهدف من السياحة سنة ٢٠٣٠ ....٤٥ مليار دولار.....يا دين النبي !!! سكاي نيوز بتقول ان الدولة المصرية مش لسه هتخطط وتبدأ لا حضرتك دي بدأت فعلااا ولأول مرة فالتاريخ الإقتصاد المصري السنادي بيحقق فائض 3.1% رغم كل الخرتأة اللي بتحصل فالكوكب اومال لو كان الكوكب سالك كانت مصر وصلت لحد فين مع السيسي ???? كفاية كدا ...... وتقعدوا بالعافية ???????? يديمك ???????? بيعيرونا بفقرنا .. بس انا مش هسكت عبدالفتاح السيسي والسلام عليكم ورحمة الله وبركاته تحيا مصر ???????? تحيا مصر ???????? تحيا مصر ????????