اخبار عالميه ومحليه دسمه ومختصرة
???????????? اخبار عالميه جيده جدا مختصره وهامه
???????????? ثبات اوضاع منطقة الشرق الأوسط واستكمال خطوات التهدئه (( طبقا لاستراتيجية قمة شرم الشيخ))
❤❤❤ اخبار مصر ايجابيه تتجه للأفضل
×××××××××××××××××××××
❤❤❤ أولا لأصدقائنا الأعزاء :
❤ دوما بنكرر عدم وجود تقرير ده شئ ايجابى مش سلبى اطلاقا (( يؤكد ان مفيش تغيرات مؤثره على الأمن القومى المصرى ))
❤ ثانيا : هدفنا معروف وهو دعم الامن القومى المصرى على مواقع التواصل الاجتماعى (( مع الحفاظ على الصحه النفسيه دائما وابدا للمتلقى))????????????
وده بيتم بتناول كل الأخبار والمتغيرات بشكل موضوعى وحقيقى مع قراءه علميه للمستقبل
???????? والحقيقه منذ قمة السلام بشرم الشيخ واهدافها سواء عالميا او اقليميا (( التحولات ايجابيه جدا))
???????? عشان كده هنقول تانى ... اما تفتح الصفحه متلاقيش تقرير نزل (( معناه الوحيد اطمن كل أمور مصر بمليوووووووون خير )) ????????????
وتابع اى اخبار فى هدوء بدون توتر او قلق
❤❤ تعالوا ناخد جوله مع بعض نشوف كده هل فعلا الامور كلها عالميا وفى منطقة الشرق الأوسط والمؤثره على مصر وشعبها وامنهم القومى (( وكمان داخل مصر ))
بخير فعلا ومطمئنه ولا ده كلام وخلاص ????????????
××××××××××××××××××××
???????????? اخبار عالميه جيده جدا :
???????? روسيا / حرب أوكرانيا:
???? اولا : صدرت الاستراتيجيه الامريكيه الجديده ورفعوا روسيا تماما (( من التهديدات المؤثره على أميركا))
== ده ببساطه معناه فتح صفحه جديده مع روسيا
== ومعناه برضوا فى خطوات لإنهاء العقوبات الاقتصاديه الهائله على روسيا ????????????
(( وده مؤثر على اقتصاد العالم كله ... وطبعا منها مصر بشكل هائل على اسعار السلع الغذائيه المصريه تقريبا كلها))
???? ثانيا : رحلات مكوكيه لإنهاء حرب أوكرانيا مع روسيا
???? وخلينا نكون اذكياء كمصريين احنا كمصريين يهمنا ايه
كمواطنين عاديين ؟؟؟
== تقف الحرب والصراع والاختلال الاقتصادى المؤثر على دولة مصر وشعبها
== ترجع سفن روسيا واوكرانيا قناة السويس ويدخلنا دولارات ومكاسب
== يرخص القمح وعباد الشمس وفول الصويا ويغرقوا العالم تانى ????????????
(( يعنى ينزل سعر زيت الطعام والالبان واللحوم والدواجن والجبن وكل المرتبط بيها ????????????
على الاقل ٣٠ فى الميه من سعرها الحالى ))
???? نقربها ليكم يا اصدقائنا بعد عام من وقف حرب أوكرانيا ده على سبيل المثال ينزل سعر كجم الدواجن ممكن يوصل السعر لخمسين جنيه (( لو حاليا ب خمسة وسبعين))
???? وسياسيا عشان تفهموا الصوره كمان بوتين هيحقق كل اللى هو عايزه واميركا هتكسب ايضا مكاسب كبيره
???? وقلنا من اول مابدأت الحرب الخاسر الأكبر طبعا أوكرانيا اللى تم التضحيه بيها وبشعبها كله ????????????
(( نتيجة ان شعب أوكرانيا انساق وراء الدعوات الخارجيه الملعونه والخبيثه من الماسونيه والصهيونيه العالميه )):
== ضيعوا دولتهم بالثوره (( اللى افتكروا)) ان احوال بلدهم وحشه وفيها فساد واسعارها غاليه والقياده السياسيه بتاعتها مش بتراعى طموحات الشعب الأوكراني
== وانتخبوا اراجوز (( زيلينسكي )) بمعنى الكلمه
== وكان طموحهم ينضموا للاتحاد الاوروبى ويصبحوا بلد متقدمه ????????????
???? والحقيقه للأسف أوكرانيا كانت بالفعل جنه على الارض ومتقدمه جدا وكانت فى طريقها من تطور لتطور اكبر وكان اقتصادها بيحقق طفرات هائله فى كل المجالات ????????
(( لكن مفيش صبر للأسف ... وضيع الاوكرانيين بلدهم))
❤ عشان كده بنقول البلاد زى البيوت ????????????
لو عندك بيت وجدران تسترك وتحميك وعايش بأمان
هتقدر توضب جوه البيت وتصلح وتطور وتحسن حياتك مهما كانت الصعوبات ????????????
لكن لو ضاع الوطن وضاع البيت (( حتى انك تستر نفسك هتكون امنيه بعيده عن التحقيق))
???????? عالميا : ايضا اميركا اجلت حرب فنزويلا واختارت التصعيد بالحصار فقط ومحاولة اسقاط نظام مادورو
(( والكوره فى ملعب الشعب الفنزويلى))
والحصار الاميركى زود توحد وصمود الشعب وليس العكس
لو قدروا يصبروا ويحققوا صفقه اقتصاديه مع ترامب هتتحل المشكله ????????????
ولو صمدوا كام شهر كمان (( هيتهزم ترامب واميركا))
تلقائيا لان تكاليف تشغيل حاملات الطائرات والمجموعات البحريه معاها والقوات وتخصيص نشاط اقمار صناعيه وجوى وغيرها (( عشرات المليارات شهريا))
واميركا متقدرش عليها (( بالتالى الخطه تصفية مادورو او ثوره تسقط حكمه او انقلاب ... وليس حرب شامله))
اذا الاتجاه ايجابى برضوا اتجاه فنزويلا ????????????
???? هل فنزويلا مؤثره على مصر وشعبها بشكل مباشر ؟؟
طبعا مؤثره زى حرب أوكرانيا بالظبط
مؤثره على كل شغلنا مع اميركا الجنوبيه
== اساس استيراد لحوم ودواجن واعلاف وحبوب بكل انواعها وحاجات تانى كتير جدا
(( واى قلق فى اميركا الجنوبيه )) هيرفع الاسعار عالميا بشكل كبير ????????????
(( وباذن الله هتتحل المشكله دون حروب شامله))
لان اميركا لن تتورط فى حرب شامله
???????? عالميا : قلق تايوان وبحر الصين وغيرها ????????????
يمكن كلنا لينا شهور مش بنسمع اسم تايوان خالص اعلاميا
لان سياسة ترامب اقتصاديه فى المقام الأول
== يعنى ترامب زى بايدن زى اى رئيس اميركى كلهم بينفذوا سياسات واحده مخطط ليها بدقه ????????????
قلنا الاختلاف بيكون فى الاسلوب
فى بيستخدم الصراعات العسكريه والحروب كوسيلة لتحقيق الأهداف (( وده طبعا اخطر اسلوب واسوأهم))
وبيتماشى مع فكر الماسونيه العالميه
وفى اللى بيستخدم الصراعات الاقتصاديه والسياسية وده افضل نسبيا
وترامب بيستخدم اسلوب جديد (( وهو معروف فى نظريات السياسه الدوليه ))????????????
اسمه (( القوه الذكيه فى العلاقات الدوليه ))
== صراعات عسكريه اقل (( او بالكاد ضربات محدوده))
زى ضربة ايران كده
== الضغط السياسى لاقصى حد
== ويصاحبهم حروب جيل رابع قائمه على الاعلام والتصريحات واعلان (( الشئ وعكسه ))
== وعدم استقرار الوعود او العهود (( بل واضعاف والتشكيك))
حتى فى المؤسسات والمنظمات والاتفاقيات الدوليه
❤❤ مصر مخضرمه فى اسلوب ترامب وتعى وتعلم نظرية القوه الذكيه فى العلاقات الدوليه ????????????
(( ونستخدمها حرفيا بإحتراف))
فى كل الملفات المختصه والمؤثره على الأمن القومى المصرى (( وطبعا واضح نتائجها ))
كل حدودنا مشتعله والحمد لله تدار امور مصر بهدوء واستقرار (( وايضا بقوه ))
== والحقيقه ده كان موضوع رسالتى الرئيسى عام ٢٠١٥م
❤❤ إذا من الفقره الخاصه بالوضع عالميا
(( نجده ايجابى جدا جدا جدا))
××××××××××××××××××××
???????????? ثبات اوضاع منطقة الشرق الأوسط واستكمال خطوات التهدئه (( طبقا لاستراتيجية قمة شرم الشيخ)):
????برضوا الوضع فى الشرق الأوسط فى كل الملفات ايجابى جدا مش سلبى (( زى مابيصور الإعلام))
???? ذكرنا بدقه منذ مؤتمر السلام فى شرم الشيخ ناخد الأمور كلها (( خطوه بخطوه وبهدوء على الأرض ))
وده ينطبق على كل الملفات عالميا واقليميا
(( وايضا بالداخل المصرى ))
???? وقلنا بكل دقه وهدوء احنا فاهمين بالظبط سياسة المؤسسات الامريكيه واهدافها وترامب وادارته شغالين ازاى
(( وبالتالى افضل دوله تنفع تتفاوض وتتفاهم بل وتضغط وبقوه هيا مصر ))????????????
والجميع دون استثناء كانوا بيتكلموا فى اتجاه وتقرير المختصر المفيد كان بيتكلم (( بكل هدوء)) فى اتجاه تانى خالص (( وقلنا ساعة تصريحات الرئيس فى اكاديمية الشرطه))????????????
متستبعدوش ان ترامب (( بنفسه يستجيب وكمان يجى مصر ))
وده حصل حرفيا
???????? ندخل فى ملفات المنطقه كلها ????????????
???????? ناخد نتنياهو لوحده كده لانه كشخص بطوله مؤثر على خمس ملفات فى المنطقه ????????????
???? اولا : عشان كلنا نكون فاهمين ????????????
ارجعوا لكلام تقرير المختصر المفيد الخاص بتقديم نتنياهو طلب لرئيس إسرائيل مدعوم من ترامب ????????????
(( بخصوص عفو رئاسى وحصانه لنتنياهو ))
واسقاط العقوبات والقضايا التى تلاحقه بتهمة الفساد
(( قلنا هيصعد ويعرقل كل الملفات لاهدافه الشخصيه ))
== يعنى هنلاقى تصعيد فى غزه (( لكن مش انهيار الاتفاق))
== تصعيد فى سوريا
== تصعيد فى لبنان
== تصعيد اعلامى ضد مصر وايضا ضد ايران واليمن والعراق
(( نفس نظرية الاخوان بيقول لإسرائيل وشعبها يا احكمكم واخد عفو .... يا هفتح حروب لاتنتهي واحول المكاسب السابقه لكوارث مش هتفوق منها إسرائيل وشعبها))
وشعب إسرائيل (( هو جيش إسرائيل ))
اى حرب او صراع او تصعيد الشعب كله احواله بتتدهور وتدمر مصالحهم واشغالهم حرفيا
???????? غزه :
???? مبدئيا الاتفاق قائم وترامب بيضغط حاليا للدخول فى المرحله الثانيه
???? ودايما نتابع تصريحات (( وزير خارجية مصر))????????
وزارة الخارجيه اعلنت من يومين وجود خطه جاهزه ومتفق عليها لنزع سلاح حماس والفصائل
(( يعنى اساس المرحله الثانيه اصبحت جاهزه))
???? وتم الاتفاق تقريبا بشكل كامل على القوه الدوليه والشرطه الفلسطينيه وطريقة ادارة القطاع
???? وسيبكم خالص من تصريحات قيادات حماس لانها تصريحات الغرض منها تأمين وترتيب مصالحهم الشخصيه وفلوسهم وعدم ملاحقتهم (( يعنى مش غزه ولا القضيه الفلسطينيه ولا الفلسطينيين ))
❤❤ وعيب عليكم ان حد يفضل يلعب بيكم على تصريحات نتنياهو بفتح معبر رفح وتهجير الفلسطينيين الى داخل مصر (( اللى يقدر يعمل حاجه بيعملها))
مش بيحارب بالتصريحات ????????????
ده تصريح للجبهه الداخليه والقيادات السياسيه منهم رئيس إسرائيل ودائرته اللصيقه عشان العفو الرئاسى عن نتنياهو
(( ببساطه بيقلهم ممكن افتح لكم حرب مع مصر تاكل الاخضر واليابس))
لأن مصر قالت ان ده خط احمر وبمثابة نهاية السلام
❤ اذا غزه نهدى اعصابنا ونتابع بهدوء ومش كل تصريح تسمعوه او تقروه (( او يفضلوا اليوتيوبرز)) واللى بيكتبوا يهروا فيه ... ويرفعوا ضغطكم ويتعبوا نفسيتكم
(( تجروا وراه))
وبنقول بإذن الله ينتهى الصراع فى غزه على خير ويحافظوا الفلسطينيين على قضيتهم وارضهم
(( مش مصر والمصريين اللى هيحافظوا على ده))
احنا عامل قوى جدا جدا جدا (( لكن الاساس اصحاب الأرض والقضيه ))
???????? لبنان :
برضوا الاتجاه متوازن ومايجرى حتى الآن حرب تصريحات
وكمان ايجابيا إسرائيل اعلنت وقالت ان فعلا الجيش اللبناني حقق اغلب اهدافه بالسيطره على جنوب لبنان ووجود حزب الله فيها
(( وكمان ايران بدأت تعدل خطواتها مع حزب الله ))
بتدخل مصرى مباشر بعد زيارة وزير خارجية مصر عقب زياره اخرى لرئيس جهاز المخابرات العامة المصريه
(( الى لبنان)) ... وطبعا الخط المفتوح مباشرة مع اميركا منذ مؤتمر السلام العالمى بشرم الشيخ
???? اذا برضوا نتابع بهدوء موضوع لبنان
???????? سوريا :
برضوا الملف ده يهمنا جدا عشان فتح الخطوط المباشره جوا/بحرا ... لعودة السوريين بسلامة الله من مصر إلى بلدهم سوريا (( ولازم كل مصرى وطنى واعى يتحدث بعقل طبقا لمصالح مصر ))
???? عالميا : كله بيدعم نجاح الحكومه السوريه واستقرار سوريا (( وكلنا بنقول يارب التوفيق لدولة سوريا )) ونتمنى استقرارها بلاجدال
???? خطوات الدعم على رأسها السعوديه بشكل هائل كويسه جدا ورفع العقوبات (( لكن لسه للأسف فى اجراءات دوليه)) لسه مخلصتش ... خاصه بقوانين لازم تصدر فى دول العقوبات وصندوق النقد الدولى ومنظمات دوليه كثيره منها منظمة التجاره الحره وغيرها ????????????
(( عشان العقوبات تترفع بشكل عملى واقعى على الأرض))
== وبالتالى تبدأ شركات الطيران والدول توجه رحلاتها الى مطارات سوريا (( المدنيه ))
== ونفس الاجراءات عشان الخطوط الملاحيه التجاريه والرحلات تتحرك لموانئ سوريا
(( ودى اجراءات تهم مصر والمصريين تماما ))
لان تكلفة الرحله هتنزل بنسبة ٨٠ فى الميه على الاقل
== وتكلفة عودة ٢٠٠ الف سورى الآن ????????????
تكفى لعودة مليون مع فتح المطارات والموانئ بشكل مباشر
والنقل البحرى يحقق الف ضعف النقل الجوى وهو الأنسب للاعداد الكبيره
???? اذا الملف السورى ايجابى جدا (( ووزير الخارجيه السورى ))
اعلن من ايام ترحيب سوريا بعودة كل أبنائها بلا استثناء
(( مع اعمار سوريا))
ونفهم من التصريح ده انهم ببساطه بيبتزوا الدول بربط استقبال السوريين من دول المهجر .... بتبرعات الدول الأوروبية فى اعادة الاعمار
(( لان مصر ببساطه مش هتدفع حاجه))
وطبعا لقاء هام اليوم لوزير الخارجيه والهجرة المصرى مع وزير الخارجيه والمغتربين السورى فى منتدى الدوحه اليوم
???????? السودان :
???? الأمور متوازنه وكل العالم بما فيها مصر ييضغطوا لوقف الصراعات والحرب الدائره والضغط العالمى ايجابى وهيجيب نتيجه باذن الله
(( ومفيش حد فى الطرفين قادر يحقق نصر او تطور كبير))
سواء الجيش السودانى او الدعم السريع
الاتنين مش قادرين يحققوا نتيجه تغير الحقائق الحاليه
والبرهان بيماطل عشان يحقق نتائج افضل قبل وقف الحرب
(( وبرضوا لسه مش قادر ))
❤ بالتالى الملف ده مستقر وتابعوا فى هدوء
== لو فتحتوا قناة اسكاى نيوز الاماراتيه هتلاقوا الدعم السريع مكتسح والجيش السودانى منهار وبيخسر
== ولو فتحتوا الحدث السعوديه هتلاقوا البرهان مكتسح والدعم السريع بيخسر
== والحقيقه الاتنين بينشروا وجهات نظر دولهم فقط لاغير
لان محدش فى طرفين ازمة السودان بيكتسح ولا حد فى الطرفين بيخسر (( الطرفين بيحاولوا)) ... لكن مش قادرين يحققوا نتايج تذكر
???????? ايران ، اليمن ، ليبيا ، الصومال ، العراق
كل الملفات دى فى حالة اتزان وثبات مفيش اى تغيرات جذريه تذكر من الأساس ????????????
(( وتصريحات وزير الخارجيه الاخيره عن ايران والصومال))
فى إطار تحركات مصر وجهودها لتحقيق تحول ايجابى فى ملفات الدول دى
×××××××××××××××××××
❤❤❤ اخبار مصر ايجابيه تتجه للأفضل :
???? طبعا فى الملفات الخارجيه قلناها بالتفصيل فى الفقرتين السابقتين
هنزود فقط ان الملف الاقتصادى سواء استثمارات او صادرات مصريه للخارج وافريقيا (( الحقيقه كل أمور مصر ايجابيه وفى اتجاه تصاعدي سريع وقوى وكله خير))
❤❤ وايضا الداخل المصرى فى ايجابيات كتير بتحصل فى عدد من الملفات :
???? اول ملف اسعار السلع بيحصل تحرك ايجابى مدعوم بانخفاض اسعار الغذاء عالميا فى الشهر السابق والمتوقع استمرار الانخفاض ده ويستمر معدلات الانخفاض فى الاشهر التاليه (( طبعا ده بيعجب ناس وبيضر ناس))
== يعنى اسعار الفراخ عالميا انخفضت بالفعل وده اثر بشكل مباشر على مصر ونزل اسعار الفراخ والبيض فيها بشكل ملحوظ (( وبعض منتجين الدواجن فى مصر خاربين الدنيا ))
وعايزين الحكومه توقف استيراد الفراخ عشان ده بيخسرهم
(( طيب لو انتوا فعلا فى ضمير )) كنتوا خاطبتوا الحكومه مثلا فى تخفيض الرسوم او التكلفه فى استيراد الاعلاف
(( مش عايزين الحكومه توقف استيراد الدواجن ))
عشان ترجعوا تانى البيضه بسته ونص او اكتر وكيلو الفراخ توصلوه تانى ل ١٢٠ جنيه
وطبعا لو وقفت حرب أوكرانيا ومع توسعات زراعة الدلتا الجديده والمنطقه الصناعيه ومصانع الاعلاف العملاقه
المفروض كيلوا الفراخ يوصل مبدئيا خمسين جنيه ويبدأ العوده للاربعينات ... والبيض نفس الشئ
وطبعا الالبان وكل انواع الجبن والمرتبط بها من سلع
(( هنسيب ليكم انتوا تقييم غضب منتجين الدواجن))
وعدم رضاهم على نزول اسعار الدواجن والبيض
???? برضوا فى شوية اجراءات بتتعمل فى اتجاه الاسمده والزراعه هتخفض باذن الله اسعارها تباعا بشكل كويس
???? برضوا اجراءات تأجيل زيادة الكهرباء ايجابى محدش مستحمل اى زيادة اسعار من اى نوع
❤❤ المعاشات :
باذن الله يكون فى اخبار ايجابيه عنها قريبا ????????????
واحنا شرحنا ده تفصيليا قبل كده
== طبعا اولا واخيرا بدون كلام نظرى ولادبلوماسى مسئوليه الشعب كله بكل فئاته معاشات او غيرها دى مسئولية الدوله
== يعنى مينفعش يكون الحد الادنى للاجور ٧٠٠٠ جنيه ويكون فى معاشات الفين واقل (( دول يعملوا ايه لصاحب المعاش ؟؟))
== طيب مشكلة الدوله فى ايه؟؟
انها محتاجه زياده فى مخصصات المعاشات عشان تقدر ترفعها بشكل مناسب ????????????
❤ اذا تلقائيا اما نقول اخبار ايجابيه عن المعاشات نفهم جميعا انهم عرفوا يلاقوا طريقه يزودوا المخصصات دى عشان يرفعوا قيمة المعاشات ????????????
(( وطبيعى هتكون الأولويه))
للمعاشات المتدنيه جدا جدا جدا
عشان نتكلم بشكل واقعى ومحدش يقول كل المعاشات هتترفع بنفس الشكل او النسبه
طبيعى التوجه هيكون بأكبر نسبه لانقاذ اصحاب المعاشات المتدنيه جدا (( ومعاها طبعا هتتحسن باقى المعاشات))
❤ اذا بدقه الموضوع باذن الله نجاح توفير تمويل اضافى للمعاشات ينجح معاه باذن الله الخطوات السابقه
???????? الغاز :
محدش يفضل يسمع لكلام مرسل من أعداء مصر ويفضلوا يهروا عن استيراد الغاز من إسرائيل اللى مصر بتسيله
او تستهلكه (( سوق دولى مفتوح )) لازم هندور على الافضل والارخص مش نستورد غاز مسال للكهرباء باضعاف الثمن وكله على دماغنا كلنا ونصرخ من ارتفاع الاسعار
== اذا مصر بتتحرك على كل المحاور
== تنقيب واكتشاف وانتاج وتصدير وتسييل وربط مع قبرص واليونان والخليج وغيرها ????????????
عشان نحقق اكتفاء ذاتى ونعظم مواردنا
???????? ملف الانتخابات اتاخدت فيه خطوات ايجابيه كويسه وباذن الله هيكون لها تأثير فى شكل المجلس القادم وتشكيلة النواب (( وقلنا بوضوح))
يهمنا جدا زيادة عدد النواب المستقلين
== الكلام المرسل عن تعطيل مجلس النواب والغاء الانتخابات بطريقة القائمه وتعديل الدستور ده طبعا مش وقته (( لان ده هياخد وقت))????????????
وتبعياته المباشره :
= يقف الاستثمار واى اتفاقيات دوليه اقتصاديه او غيرها
لان شق التشريع والدستور والصلاحيات هتكون معطله
بالتالى اى خطوات تخص تغيير نظام الانتخابات او قوانين جديده او تعديلات على قوانين صادره من مجلس النواب السابق (( يلزمها مجلس النواب الجديد))????????????
وبعد انتخابه ممكن تتم اى حاجه تانى بدون حدوث خلل يعطل الدوله كلها
❤❤ دى أهم الاخبار الجديده عن ملفات مصر فى الداخل
وهنذكر تانى الوعى مش فى عدد التقارير او انها يوميه
الوعى لتقرير المختصر المفيد فى الثوابت اللى انت تعرفها عشان انت تقدر تستوعب وتفهم فى هدوء مايدور من حولك
وطالما لاتوجد متغيرات سلبيه تأثر على مصر وعليك والأمور ايجابيه وللأفضل (( هتفتح مش هتلاقى تقرير))????????????
== تعمل ايه اما متلاقيش تقرير ؟؟؟
تتابع حياتك الجميله اليوميه بهدوء وراحه نفسيه وتعرف ان مصر بخير (( وتطمن ))
???????? والمناظر الطبيعيه المرفقه والموسيقى مقصوده فى التقرير (( كل الشكر والتقدير وتمنياتنا بالسعاده للجميع))
❤❤ربنا يحفظ مصر وشعبها بخير وتقدم وأمان❤❤
