لا توجد مقارنه بين السادات وبتاع سوريا

???????? ???? {{ انت بتقارن مين بﻤين ياروح امك)} _ أهو اللي بيهبد الهبد الزحلفي الخنفشاري ده المفروض انه أستاذ العلوم السياسية بكلية الاقتصاد والعلوم السياسية جامعة القاهرة ، ومعاه دكتوراه من جامعة ميتشجان الأمريكية ، وكان أول الجمهورية في امتحانات الثانوية العامة (القسم الأدبي) في عام 1989 ورغم كل اللي فات ده بنشوفه بيقع في خطأ ادراكي فادح ما يقعش فيه واحد معاه الاعدادية القديمة ليه .؟ لأن القياس في الأساس خاطئ ، أو بلغة القانونيين ده اسمه فساد في الاستدلال .. وبالبلدي كده عامل زي لما واحد يقارن بين حاجتين مالهمش أي علاقة ببعض فيسألك مثلا هي التفاحة أحلى والا الطيارة أسرع ؟ . يا عم الموسأف المستوعب للأشياء ، السادات لما قرر يعمل اتفاقية سلام مع الكيان ولجأ للوساطة المريكية عمل كده بعد ما انتصر في المعركة وكان بيمتلك جيش منتصر ، يعني راح لهم وهو قائد منتصر ورافع راسه، وبعد ما استعاد جزء من أرضه مش بعد ما فرط وتنازل عن جزء من أرضه .. مش بعد ما اسرائيل قعدت ترزعه قفا ورا قفا وبشكل يومي لدرجة انه طلع يعيط ويقول اسراء اعتدت علينا 1000(ألف) مرة في خلال 8 شهور .. مش بعد ما اسراء دمرت جيشه كله ومسحته من الوجود تماما وما سابتلوش غير شوية طبنجات ورشاشات .. مش بعد ما اسراء استولت على أراضي جديدة من بلده ورفعت عليها العلم وأقامت حواجز أمنية فيها لدرجة انه هو نفسه كرئيس ما بقاش يقدر يزور أجزاء من بلاده غير بعد ما ياخد تصريح أمني من اسراء ومامتها أمريكا السادات دخل الكنيست والبيت الأبيض من باب القادة المنتصرين مش من باب الخدامين السادات تحرك من موقع الفاعل، وليس المفعول به. السادات استخدم النصر ليفرض التسوية ، لكن الجولاني بيستخدم التسوية ليتجنب الانهيار. السادات كان بيتكلم عن معاهدة أمن اقليمي موسعة مش معاهدة ثنائية ضيقة ، كون بقى ان الأخوة الأشقاء ما استوعبوش أهمية النقلة الاستراتيجية دي في وقتها فده ذنبهم مش ذنبه هو السادات عمل اتفاقية استرد بيها كامل أرضه مش اتفاقية بيتمنى فيها انه يبقى الوضع على ماهو عليه مع تنازله عن كل ما اكتسبته اسراء من أراضي جديدة أثناء حكمه السادات قبل ما يوصل للرئاسة كان له تاريخ سياسي متراكم ومشي مشوار طويل في قيادة المؤسسات الوطنية ، ووصل للحكم بطريقة شرعية واتصعد للسلطة بشكل منطقي ودستوري من نائب رئيس لرئيس ، وبرغبة شعبية واسعة ، أما الجولاني بتاعك ده فهو مجرد ارهابي ميليشياوي جاء للحكم على ظهر دبابة تركية مذخرة بذخيرة اسرائيلية وبـ تمون بوقود سعودي خليجي ، يعني رئيس مصطنع تم تخليقه في سراديب وأقبية أجهزة المخابرات زي أطفال الأنابيب فبقى شكله ووضعه زي الأكل النصف مجهز اللي الستات بيشتروه من السوبر ماركت لما ست البيت تكون مش فاضية تعمل أكل حقيقي لأسرتها ، و قبل عملية التخليق والتصنيع المخابراتية دي مكانش حد بيسمع عنه غير في مجاهل وأعماق «الدارك ويب» حيث المرتع الأساسي لعتاة المجرمين وقادة العالم السفلي وأباطرة الدم وبارونات الحروب ، إنما كسياسي محدش سمع عنه قبل كده ولا حتى في طبق اليوم فسيادتك بتقارن إيه بإيه ؟ يار اجل ، دي حتى الصور اللي انت حاططها في مقالك بتبين بوضوح الفرق الشاسع بين الموقفين وبين الرجلين ، بين زعيم منتصر قاعد راس براس مع الرئيس الأمريكي جيمي كارتر ، وتابع واقف جنب المعلم عجة زي الأوفيس بوي ???? قولتلي بقى انت معاك دكتوراه في إيه ؟! ((يا خيبتنا في نخبتنا بلا وكسة)) #مصر_العظمي .